മുകേഷ് അംബാനിയുടെയും നിത അംബാനിയുടെയും മകൻ ആകാശ് അംബാനിയും ശ്ലോക മേഹ്തയും തമ്മിലുള്ള വിവാഹ നിശ്ചയം ജൂൺ 30ന് മുംബൈയിൽ അംബാനി ഹൗസിൽ നടക്കും. രാജ്യം ആകാംഷയോടെ കാത്തിരിക്കുന്ന വിവാഹമാണ് റിലയന്സ് ചെയര്മാന് മുകേഷ് അംബാനിയുടെ മകന്റെ.
കഴിഞ്ഞ മാർച്ചിൽ ഗോവയിൽ വച്ച് ഇരുവരുടെയും കുടുംബാംഗങ്ങളുടെ സാന്നിധ്യത്തിൽ കാമുകിയായ ശ്ലോക മേഹ്തയ്ക്ക് മോതിരം അണിഞ്ഞ് ആകാശ് തന്റെ ഇഷ്ടം അറിയിച്ചിരുന്നു. ഇരുവരും ചെറുപ്പം മുതൽ സുഹൃത്തുക്കളാണ്.
ശുഭാരംഭം എന്ന വരികളോട് തുടങ്ങുന്ന ഗാനം ഉൾപ്പെടുത്തിയ ഒരു വിഡിയോയിലൂടെയാണ് നിശ്ചയത്തിന് എല്ലാവരേം ക്ഷണിച്ചിരിക്കുന്നത്.
പ്രമുഖ രത്നവ്യാപാരി റസല് മേത്തയുടെ മൂത്ത മകളാണ് ശ്ലോക മേത്ത. രത്നവ്യാപാര കമ്പനിയായ റോസി ബ്ലൂ ഇന്ത്യയുടെ ഡയറക്ടറാണ് റസല് മേത്ത. റോസി ബ്ലൂ ഇന്ത്യയുടെ പ്രധാന ചുമതല വഹിക്കുന്നതില് ഒരാള് കൂടിയാണ് ശ്ലോക മേത്ത. റിലയന്സ് ജിയോയുടെ ചുമതലക്കാരനാണ് 26കാരനായ ആകാശ് അംബാനി.
