ചലച്ചിത്ര മേളയിലെ സെമിനാറിലാണ് കസബ എന്ന ചിത്രത്തിലെ സ്ത്രീ വിരുദ്ധതയ്ക്കെതിരേ നടി സംസാരിച്ചത്. ഇതിന് ശേഷമാണ് പാർവതിക്കെതിരേ സോഷ്യൽ മീഡിയയിൽ പ്രചരണമുണ്ടായത്.
ഭീഷണി മുഴക്കുകയും തന്നെ അപമാനിക്കുന്ന തരത്തിൽ പ്രചരണം നടത്തുകയും ചെയ്തവരുടെ വിവരങ്ങള്‍ സഹിതമാണ് പാർവതി ഡിജിപിക്ക് പരാതി നൽകിയത്. ഇവർക്കെതിരേ നടപടി സ്വീകരിക്കണമെന്നു നടി ആവശ്യപ്പെട്ടു. നടി നൽകിയ പരാതി ഡിജിപി സൈബർ സെല്ലിന് കൈമാറും.