കൊച്ചി : നടിയെ ആക്രമിച്ച കേസിൽ സാക്ഷിമൊഴി പ്രസിദ്ധീകരിച്ച മാധ്യമങ്ങൾക്കെതിരേ കോടതിയെ സമീപിച്ചു പോലീസ്. താരങ്ങളുടെ മൊഴി പ്രസിദ്ധീകരിച്ചത് നിയമവിരുദ്ധമാണെന്നും കോടതി ഇടപെടൽ വേണമെന്നും ചൂണ്ടിക്കാട്ടി അങ്കമാലി മജിസ്ട്രേറ്റ് കോടതിയിലാണ് പോലീസ് ഹർജി നൽകിയത്.
അതേസമയം, ഇന്ന് അങ്കമാലി കോടതി, നടി ആക്രമിക്കപ്പെട്ട കേസിൽ കുറ്റപത്രം ചോർന്ന സംഭവത്തിൽ അന്വേഷണം ആവശ്യപ്പെട്ട് നടൻ ദിലീപ് നൽകിയ പരാതിയിൽ വിധി പറയും . ദിലീപ് തന്നെ കുറ്റപത്രം ചോര്ത്തി നല്കിയെന്നാണ് പ്രോസിക്യൂഷന്റെ വാദം.
നടിയെ ആക്രമിച്ച കേസില് നിര്ണായകമായേക്കാവുന്ന മഞ്ജു വാരിയര്, കാവ്യ മാധവന്, മുകേഷ്, കുഞ്ചാക്കോ ബോബന്, റിമി ടോമി, സംവിധായകന് ശ്രീകുമാര് മേനോന് എന്നിവരുടെ മൊഴിപ്പകര്പ്പുകളുടെ വിശദാംശങ്ങള് ആണ് പുറത്തുവന്നത് .
നടിയെ ആക്രമിച്ച കേസ് വീണ്ടും ചര്ച്ചയാകുമ്പോള് സിനിമാലോകം സമ്മര്ദ്ദത്തിലാണ്.
