By admin ചെന്നൈ: തമിഴ്നാടിന്റെ പുതിയ മുഖ്യമന്ത്രിയായി ചുമതലയേറ്റ നടൻ വിജയിയെ (ദളപതി) നേരിൽ കാണാനും അഭിനന്ദനങ്ങൾ അറിയിക്കാനും കേരളത്തിൽ നിന്നൊരു ദമ്പതികൾ ചെന്നൈയിലേക്ക് നടക്കുന്നു. മലപ്പുറം സ്വദേശികളായ റാഫിയും ഭാര്യ ഷഹനയുമാണ് തങ്ങളുടെ പ്രിയതാരത്തെ കാണാൻ 650 കിലോമീറ്ററോളം കാൽനടയായി യാത്ര തിരിക്കുന്നത്.
തമിഴ്നാട് നിയമസഭാ തെരഞ്ഞെടുപ്പിൽ വിജയിയുടെ പാർട്ടിയായ തമിഴക വെട്രി കഴകം (TVK) ഉജ്ജ്വല വിജയം നേടിയതിനും അദ്ദേഹം മുഖ്യമന്ത്രിയായി സത്യപ്രതിജ്ഞ ചെയ്തതിനും പിന്നാലെയാണ് ഈ ദമ്പതികളുടെ സാഹസിക യാത്ര. മെയ് 7-നാണ് ഇവർ കേരളത്തിൽ നിന്നും യാത്ര ആരംഭിച്ചത്.
തങ്ങളുടെ യാത്രയുടെ ഓരോ ഘട്ടവും ‘mallu_kicks_travel’ എന്ന ഇൻസ്റ്റാഗ്രാം പേജിലൂടെ ഇവർ പങ്കുവെക്കുന്നുണ്ട്. കയ്യിൽ കരുതിയ ടെന്റും മറ്റ് അവശ്യസാധനങ്ങളുമായി ഹൈവേകളിലൂടെയും മറ്റും നടന്നുനീങ്ങുന്ന ഇവരുടെ വീഡിയോകൾ ഇതിനോടകം സമൂഹമാധ്യമങ്ങളിൽ തരംഗമായിക്കഴിഞ്ഞു. വെയിലിനെയും മഴയെയും അവഗണിച്ച് വിജയിയെ കാണാൻ പോകുന്ന തങ്ങളെ പിന്തുണയ്ക്കണമെന്ന് ഇവർ ആരാധകരോട് അഭ്യർത്ഥിച്ചു.
