നടിയെ അക്രമിച്ച കേസില് ദിലീപിന്റെ ജാമ്യാപേക്ഷ കോടതി തള്ളി.അങ്കമാലി ജുഡീഷ്യല് മജിസ്ട്രേറ്റ് കോടതിയാണ് ദിലീപിന്റെ ജാമ്യാപേക്ഷ തള്ളിയത്.ദിലീപിന് വേണ്ടി മുതിര്ന്ന ഹൈക്കോടതി അഭിഭാഷകന് അഡ്വ കെ രാംകുമാറും പ്രോസിക്യൂഷന് വേണ്ടി അഡ്വ. എ സുരേശനുമാണ് കോടതിയില് ഹാജരായത്. ഹര്ജി പരിഗണിക്കുന്നതിന് മുന്നോടിയായി കേസ് ഡയറി മുദ്രവച്ച കവറില് പ്രോസിക്യൂഷന് കോടതിയില് സമര്പ്പിച്ചിരുന്നു ..സോഷ്യല് മീഡിയയില് ദിലീപിനായി പിആര് വര്ക്ക് നടക്കുന്നു എന്നും . അപ്പുണ്ണി ഒളിവിലായതിനാല് സ്വാധീനിക്കാന് ശ്രമിക്കുമെന്നും പ്രൊസിക്യൂഷന് വാദിച്ചു .അതേസമയം കേസില് ദിലീപ് നിരപരാധിയാണെന്നും പ്രതിക്കെതിരെ തെളിവൊന്നും തന്നെയില്ലെന്നും അഡ്വ രാംകുമാര് വാദിച്ചു. ജാമ്യ ഹര്ജി പരിഗണിക്കവെ രണ്ട് മൊബൈല് ഫോണുകളും പ്രതിഭാഗം കോടതിയില് സമര്പ്പിച്ചു. ശാസ്ത്രീയമായ പരിശോധനയ്ക്ക് വേണ്ടിയാണ് ഫോണുകള് കോടതിയില് നല്കുന്നതെന്നും പൊലീസിനെ ഏല്പ്പിച്ചാല് അതില് കൃത്രിമം നടത്തി തെളിവുകള് നശിപ്പിക്കപ്പെടാന് സാധ്യതയുണ്ടെന്നും ദിലീപിന്റെ അഭിഭാഷകന് പറഞ്ഞു. ഫോണുകള് പിടിച്ചെടുക്കാനായി പൊലീസ് ദിലീപിന്റെ വീട്ടിലും സ്ഥാപനങ്ങളിലും തെരച്ചില് നടത്തിയിരുന്നു.
