വിജയ് ദേവരകൊണ്ടയും സാമന്തയും ഒന്നിക്കുന്ന കുഷിയുടെ ആദ്യ ഷെഡ്യൂൾ പൂർത്തിയാക്കി

സംവിധായകൻ ശിവ നിർവാണയുടെ വിജയ് ദേവരകൊണ്ട, സാമന്ത റൂത്ത് പ്രഭു എന്നിവർ പ്രധാന കഥാപാത്രങ്ങളെ അവതരിപ്പിക്കുന്ന കുഷിയുടെ ആദ്യ ഷെഡ്യൂൾ പൂർത്തിയായി. “കാശ്മീരിലെ അതിശയിപ്പിക്കുന്ന ആദ്യ ഷെഡ്യൂൾ” എന്ന കുറിപ്പോടെ പങ്കുവെച്ച എല്ലാവരും ഒരുമിച്ചുള്ള ചിത്രത്തിലാണ് ആദ്യ ഷെഡ്യുൾ പൂർത്തിയായ വിവരം സംവിധായകൻ പറഞ്ഞത്, അതോടൊപ്പം കൂടെ വർക്ക് ചെയ്തവർക്ക് നന്ദിയും അറിയിച്ചു.

വിജയ് ദേവരകൊണ്ടയും സാമന്തയും ഒരുമിച്ച് അഭിനയിക്കുന്ന രണ്ടാമത്തെ ചിത്രമാണ് കുശി, ഇതിനു മുൻപ് കീർത്തി സുരേഷ് നായികയായ മഹാനടിയിലാണ് ഇരുവരും അഭിനയിച്ചത്. ഡിസംബർ 23 ന് കുശി തീയറ്ററുകളിൽ എത്തും.

ചിത്രത്തിന്റെ ഫസ്റ്റ് ലുക്കിൽ വിജയ് പിങ്ക് നിറത്തിലുള്ള ഷർട്ടിൽ മോഡേൺ ലുക്കിലും സാമന്ത പരമ്പരാഗത പട്ടു സാരി ധരിച്ച് ദക്ഷിണേന്ത്യൻ വധുവിനെപ്പോലെ അണിഞ്ഞൊരുങ്ങിയിരിക്കുന്നു . ചിത്രം ഒരു റൊമാന്റിക് കോമഡി ആണെന്ന് പറയപ്പെടുന്നു.

English Summary : Vijay Deverakonda and Samantha’s movie Kushi wrap up the first schedule in Kashmir