റൊമാന്റിക് ചിത്രങ്ങള്‍ പങ്ക് വച്ച് സൗഭാഗ്യയും അര്‍ജുനും

ഡബ്സ്മാഷ് അവതരിപ്പിച്ച് മലയാളികളുടെ മനസ് കവര്‍ന്ന താരമാണ് സൗഭാഗ്യ. പിന്നീട് ടിക് ടോക്കിലൂടെയും സൗഭാഗ്യയും അമ്മ താര കല്യാണും സുഹൃത്ത് അര്‍ജുന്‍ സോമശേഖറും പ്രേക്ഷകരുടെ ഇഷ്ടം നേടി. കഴിഞ്ഞ ദിവസം അര്‍ജുനെ വിവാഹം കഴിക്കുന്നു എന്ന സന്തോഷ വാര്‍ത്തയും ആരാധകരുമായി സൗഭാഗ്യ പങ്കു വച്ചിരുന്നു.

ദീപങ്ങളാല്‍ അലങ്കരിച്ച പത്മനാഭ സ്വാമി ക്ഷേത്രത്തിന് മുന്നില്‍ അര്‍ജുനൊപ്പം നില്‍ക്കുന്ന ചിത്രങ്ങളാണ് സൗഭാഗ്യ ഇപ്പോള്‍ ഇന്‍സ്റ്റഗ്രാമില്‍ പോസ്റ്റ് ചെയ്തിരിക്കുന്നത്.
എത്ര സ്വര്‍ഗീയമായ ഇടം! എല്ലാം ആരംഭിച്ചത് അവിടെയാണ് … വിധി … ദൈവം നിങ്ങള്‍ക്കായി എന്താണ് കാത്തുവച്ചിരിക്കുന്നത് എന്ന് നിങ്ങള്‍ക്കറിയില്ല … പക്ഷേ എന്നെ വിശ്വസിക്കൂ, അത് എല്ലായെപ്പോഴും മികച്ചതാണ്… പത്മനാഭ സ്വാമി തമ്പുരാനെ ശരണം, എല്ലാം ആരംഭിച്ചത് ഇവിടെ വച്ചാണ് എന്നായിരുന്നു ചിത്രത്തിനൊപ്പം സൗഭാഗ്യ കുറിച്ചത്.

അര്‍ജുനും സൗഭാഗ്യയും പത്തു വര്‍ഷത്തിലേറെയായി സുഹൃത്തുക്കളാണ്. താരാ കല്യാണ്‍ നടത്തുന്ന നൃത്തവിദ്യാലയത്തില്‍ വിദ്യാര്‍ത്ഥിയായിരുന്ന കാലത്ത് സൗഭാഗ്യയുമായി സൗഹൃദത്തിലാവുകയായിരുന്നു. ടാറ്റൂ ആര്‍ട്ടിസ്റ്റ് കൂടിയായ അര്‍ജുനും സൗഭാഗ്യയും ചേര്‍ന്ന് നൃത്തം അവതരിപ്പിച്ചിട്ടുണ്ട്. അര്‍ജുന്‍ ഇപ്പോള്‍ തന്റെ പ്രതിശ്രുതവധുവിനൊപ്പം തിരുവനന്തപുരം വെള്ളയമ്പലത്ത്, ഡാന്‍സ് സ്‌കൂള്‍ നടത്തുകയാണ്.

admin:
Related Post