പ്രേക്ഷകരെ ആവേശത്തിലാക്കി രജനികാന്തും മോഹൻലാലും ‘ജയ്ലർ’ എന്ന ചിത്രത്തിലൂടെ ഒന്നിക്കുന്നു. മലയാളി ആരാധകർ ഏറ്റവും കൂടുതൽ പ്രതീക്ഷയോടെ കാത്തിരുന്ന ഒരു ചിത്രം കൂടിയാണ് ‘ജയ്ലർ’. ഈ ചിത്രത്തിന്റെ ഓരോ അപ്ഡേറ്റും ആരാധകർ സന്തോഷത്തോടെയാണ് സ്വീകരിക്കുന്നത്.
നെൽസൺ ദിലീപ് കുമാർ സംവിധാനം ചെയ്യുന്ന ആക്ഷൻ കോമഡി ചിത്രമാണ് ജയ്ലർ. ഈ ചിത്രത്തിൽ അതിഥി വേഷത്തിലാണ് മോഹൻലാൽ അഭിനയിക്കുന്നത് അതും രണ്ടോ മൂന്നോ സീനിൽ മാത്രമാണ്.
രജനികാന്തിന്റെ 169- ആം ചിത്രം കൂടിയാണ് ജയ്ലർ. തമന്നയാണ് ചിത്രത്തിലെ നായിക. രജനിയുടെ കഥാപാത്രത്തിന്റെ പേര് മുത്തുവേൽ പാണ്ഡ്യൻ ‘ എന്നാണ് . കന്നഡ താരം ശിവ രാജ് കുമാറാണ് ചിത്രത്തിലെ വില്ലൻ വേഷം കൈകാര്യം ചെയുന്നത്. രമ്യ കൃഷ്ണൻ, പ്രിയങ്ക മോഹൻ, ശിവ കാർത്തികേയൻ എന്നിവരും പ്രധാന കഥാപാത്രങ്ങളാണ്. സൺ പിക്ചർസിന്റെ ബാനറിൽ കലാനിധി മാരനാണു ചിത്രം നിർമ്മിക്കുന്നത്. ഈ വർഷം ഏപ്രിൽ 14ന് പുറത്തിറങ്ങുമെന്നു റിപ്പോർട്ട് ചെയ്തിട്ടുണ്ട്.
സംഗീതം ഒരുക്കുന്നത് അനിരുദ് രവിചന്ദർ സംഗീതവും രചനയും നെൽസൺ തന്നെയാണ്. ജയ്ലർ എന്ന ചിത്രത്തിന് രജനികാന്ത് വാങ്ങിയ പ്രതിഫലം 148 കോടി രൂപയാണെന്നത് റിപ്പോർട്ട് ചെയുന്നു.ദക്ഷിണേന്ത്യയിലെ ഏറ്റവും കൂടുതൽ പ്രതിഫലം വാങ്ങുന്ന നടനായി രജനി മാറും.
