മുപ്പതിൽപരം സിനിമകളിൽ ബാലതാരമായി അഭിനയിച്ച നയൻതാരാ ചക്രവർത്തി നായികയാവനുള്ള തയ്യാറെടുപ്പിൻ്റെ മുന്നോടിയായി ബോഡി ഫിറ്റ്നസ് വരുത്താൻ വേണ്ടി തീവ്രമായ വർക്കൗട്ടിൽ വ്യാപൃതയായിരിക്കയാണ്. താരം തന്നെയാണ് തൻ്റെ സോഷ്യൽ മീഡിയ പേജിൽ ജിം സെൻ്ററിൽ വ്യായാമം ചെയ്യുന്ന വീഡിയോ പങ്കു വെച്ചിട്ടുള്ളത്. ഈ വിഡിയോ ആരാധകരും ഏറ്റെടുത്തിരിക്കയാണ്. നേരത്തെ തന്നെ നയൻതാര മെഗാ പ്രൊഡ്യൂസർ കെ.റ്റി.കുഞ്ഞുമോൻ നിർമ്മിക്കുന്ന ” ജെൻ്റിൽമാൻ-2 “ലെ നായികയായി നിർമ്മാതാവ് തന്നെ പ്രഖ്യാപിച്ചിരുന്നു. അതിനെ തുടർന്ന് മലയാളം,തെലുങ്ക് ഭാഷകളിൽ നിന്നും നായികയായി ഒട്ടേറേ അവസരങ്ങൾ താരത്തെ തേടി എത്തുന്നുണ്ട് എങ്കിലും അഭിനയ സാധ്യതയുള്ള നല്ല കഥാപാത്രങ്ങളും സിനിമകളുമാണെങ്കിൽ സ്വീകാര്യം എന്ന സിദ്ധാന്തത്തിലാണത്രെ . ഏതായാലും തെന്നിന്ത്യൻ സിനിമയിൽ നായികയായി ചുവടുറപ്പിക്കാനുള്ള തീവ്ര പരിശീലനത്തിലും പരിശ്രമത്തിലുമാണ് നയൻതാരാ ചക്രവർത്തി.
നായികയാവാൻ തയ്യാറെടുത്ത് വർക്കൗട്ടിൽ നയൻതാരാ ചക്രവർത്തി, വീഡിയോ ഏറ്റെടുത്ത് ആരാധകർ
RELATED ARTICLES
- Advertisment -