വരുമാന വിഹിതത്തെ ചൊല്ലിയുള്ള തര്‍ക്കത്തെ തുടർന്ന് മൾട്ടിപ്ലക്സ് തിയേറ്ററിൽ നിന്ന് വിതരണക്കാരും നിർമ്മാതാക്കളും പ്രദർശിപ്പിച്ചുകൊണ്ടിരുന്ന ബാഹുബലി, അച്ചായന്‍സ്, ഗോദ തുടങ്ങിയ ചിത്രങ്ങൾ പിൻവലിച്ചു . വെള്ളിയാ‍ഴ്ച റിലീസ് ചെയ്ത ഗോദ, അച്ചായന്‍സ് തുടങ്ങിയ ചിത്രങ്ങള്‍ മൾട്ടിപ്ലക്സുകളിൽ പ്രദര്‍ശിപ്പിച്ചിരുന്നില്ല.
മള്‍ട്ടിപ്ലക്‌സ് തിയേറ്ററുകള്‍ നല്‍കുന്ന വരുമാന വിഹിതം വെട്ടിക്കുറച്ചതാണ് നിര്‍മാതാക്കളെയും വിതരണക്കാരെയും ചൊടിപ്പിച്ചത്. ഒരു ചിത്രം റിലീസ് ചെയ്ത് മൂന്നാമത്തെ ആഴ്ച നല്‍കിയിരുന്ന വരുമാന വിഹിതം 40%ത്തില്‍ നിന്ന് 30 %മാക്കി കുറച്ചതാണ് തർക്കത്തിന് കാരണം .വിഹിതം വര്‍ധിപ്പിക്കുന്ന കാര്യത്തില്‍ തീരുമാനമായാലേചിത്രങ്ങൾ പ്രദർശനത്തിന് നൽകുകയുള്ളൂ എന്ന് നിര്‍മ്മാതാക്കളും വിതരണക്കാരും അറിയിച്ചു.