ഓൺലൈനിൽ എത്തും മുമ്പേ പ്രിവ്യൂവിലും മീഡിയ മീറ്റുകളിലും ചർച്ചയായി കഴിത്തിരുന്ന മുകൾപ്പരപ്പ് സിനിമയുടെ ട്രൈയ്ലർ മനോരമ മ്യൂസിക്കിന്റെ യു ട്യൂബ് ചാനലിലൂടെ പുറത്ത്. തെയ്യം, പ്രണയം, പ്രകൃതി എന്നീ ഘടകങ്ങളുടെ അൺ യൂഷ്വൽ വിഷ്വൽ കട്ടിംഗുകൾക്കൊണ്ട് സിനിമയിലേക്കു കൃത്യവും വ്യക്തവുമായ സൂചന നൽകുന്നുണ്ട് ഈ ട്രയ്ലർ ! കൊച്ചിയിലെ മീഡിയ പ്ളസ് സാരഥിയും ഫിലിം എഡിറ്ററുമായ ലിൻസൺ റാഫേലാണ് മുകൾപ്പരപ്പിന്റെ ഗംഭീര ട്രെയ്ലർ ഒരുക്കിയത്.
സിബി പടിയറ എഴുതി സംവിധാനം ചെയ്യുന്ന ചിത്രം സെപ്റ്റംബർ 1 ന് റിലീസ് ചെയ്യും. ജെ പി തവറൂൽ ആണ് നിർമ്മാണം .
മാമുക്കോയയുടെ അവസാന ചിത്രമാണിത്. തിങ്കളാഴ്ച നിശ്ചയം എന്ന ഹിറ്റിനു ശേഷം സുനിൽ സൂര്യ ഇതിൽ നായകനാകുന്നു. അപർണ ജനാർദ്ദനനാണ് നായിക. അലൻ വർഗീസ് പശ്ചാത്തല സംഗീതവും തീം സോങും ഒരുക്കിയിരിക്കുന്ന മുകൾപ്പരപ്പ് ട്രെയിലർ ഓണ നാളുകളിൽ മലയാളികൾക്ക് ഒരു വേറിട്ട ദൃശ്യ അനുഭവമാകും. തീർച്ച.
