ഹിന്ദിയിൽ സൽമാൻഖാൻ അവതാരകനായി എത്തിയ ഷോ “ബിഗ് ബോസിന്” നല്ല പ്രേക്ഷക പ്രതികരണമാണ് ലഭിച്ചത്. തുടർന്നാണ് തമിഴിലും തെലുങ്കിലും ഈ ഷോ ആരംഭിച്ചത്. തമിഴിൽ കമലഹാസനും തെലുങ്കിൽ ജൂനിയർ എൻ ടി ആർ ഉം അവതാരകരായി.
ഇപ്പോൾ ബിഗ്ബോസ് മലയാളത്തിലും എത്തുന്നു. ഏഷ്യാനെറ്റാണ് ബിഗ് ബോസിന്റെ മലയാള പതിപ്പ് തയാറാക്കുന്നത്. ബിഗ്ബോസിന്റെ അവതാരകനായി എത്തുമെന്ന് ആദ്യം പറഞ്ഞിരുന്നത് മെഗാസ്റ്റാർ മമ്മൂട്ടി ആണ് എന്നാൽ അദ്ദേഹത്തിന് അവതാരകനാകാൻ താല്പര്യമില്ല എന്നാണ് അറിവ്. തുടർന്ന് സുരേഷ്ഗോപി അവതാരകനാകും എന്ന് വാർത്തകൾ വന്നു. പക്ഷെ തിരക്കുകൾ കാരണം അദ്ദേഹവും പിന്മാറി.
ഇപ്പോൾ കേൾക്കുന്നത് മോഹൻലാൽ അവതാരകനായി എത്തുന്നു എന്നാണ്. നടൻ മാത്രമല്ല നല്ലൊരു അവതാരകൻ കൂടിയാണ് താനെന്ന് തെളിയിച്ച ആളാണ് മോഹൻലാൽ. ബിഗ്ബോസിന്റെ അവതാരകനാകാൻ താരം സമ്മതിച്ചു എന്നാണ് അറിവ്. എന്നാൽ വ്യക്തമായ സ്ഥിതീകരണം ഉണ്ടായിട്ടില്ല.
ജൂണ് അവസാന വാരം മുതൽ ബിഗ്ബോസ് സംപ്രേക്ഷണം ചെയ്ത് തുടങ്ങാനുള്ള നീക്കത്തിലാണ് അണിയറപ്രവർത്തകർ. ബിഗ് സ്ക്രീനിലെയും മിനി സ്ക്രീനിലെയും താരങ്ങളുൾപ്പടെ 15 മത്സരാർത്ഥികളെ ഉൾപ്പെടുത്തി ഷോ തുടങ്ങാനാണ് അണിയറപ്രവർത്തകർ ഉദ്ദേശിക്കുന്നത്.
