അജോയ് വർമ്മ ഒരുക്കുന്ന മോഹൻലാൽ നായകനാകുന്ന ആദ്യ മലയാള ചിത്രം കഴിഞ്ഞ ദിവസം മുംബൈയിൽ ചിത്രീകരണം ആരംഭിച്ചു. ഇത് വരെ ചിത്രത്തിന് പേരിട്ടിട്ടില്ല.
മലയാളിയായ ബോളിവുഡിലെ സുപ്പർ ഛായാഗ്രാഹകനായ സന്തോഷ് തുണ്ടിയിൽ ആണ് ചിത്രത്തിന്റെ ക്യാമറ കൈകാര്യം ചെയ്യുന്നത് . എം എസ് ധോണി, കുച്ച് കുച്ച് ഹോതാ ഹേ, കൃഷ് തുടങ്ങിയ ബോളിവുഡ് ചിത്രങ്ങൾക്ക് ഛായാഗ്രാഹണം നിർവ്വഹിച്ച സന്തോഷ് തുണ്ടിയിൽ 10 വർഷത്തെ ഇടവേളയ്ക്ക് ശേഷമാണ് മലയാളത്തിലേക്ക് എത്തുന്നത്. ഒരു മെഗാ ബോളിവുഡ് ടീമാണ് ഈ മോഹൻലാൽ ചിത്രത്തിനു പിന്നിൽ പ്രവർത്തിക്കുന്നത്. സാജു തോമസ് ആണ് തിരക്കഥ ഒരുക്കുന്നത്.
മംഗോളിയ, തായ്ലൻഡ്, മുംബൈ, പുണെ, സത്താറ എന്നിവിടങ്ങളിൽ ചിത്രീകരിക്കുന്ന സിനിമയിൽ സുരാജ് വെഞ്ഞാറമൂട്, ദിലീഷ് പോത്തൻ, സായ്കുമാർ, പാർവതി നായർ എന്നിവരാണ് അഭിനേതാക്കൾ.
3 ഇഡിയറ്റ്സ്, രംഗ്ദേ ബസന്തി, ധൂം, ഗോൽമാൽ എന്നീ സിനിമകളുടെ മേക്കപ്പ് സ്റ്റൈലിസ്റ്റ് “സെറീന ടെക്സീറ”, ഗോൽമാൽ എഗെയ്ൻ, സിംഗം റിട്ടേൺസ്, ദിൽവാലെ തുടങ്ങിയ സിനിമകളിലെ ആക്ഷൻ കൊറിയോഗ്രാഫർ “സുനിൽ റോഡ്രിഗസ്”, സൗണ്ട് ഡിസൈനിങ് അരുൺ നമ്പ്യാർ , വിഎഫ്എക്സ്- ആഫ്റ്റർ . ടോയ്ലറ്റ് ഏക് പ്രേം കഥ, സത്യഗ്രഹ, ഫോഴ്സ് 2 തുടങ്ങിയ ചിത്രങ്ങളിൽ പ്രവർത്തിച്ച ഉദയ് പ്രകാശ് സിങ്ങ് ആർട്ട് ഡയറക്ടർ, കോസ്റ്റ്യം ഹിമാൻഷി നിജാവൻ, ലൈൻ പ്രൊഡ്യൂസർ പീപ്പ്ലി ലൈവ്, റയീസ് തുടങ്ങിയ ചിത്രങ്ങളിൽ പ്രവർത്തിച്ച വിനോദ് ഉണ്ണിത്താൻ എന്നിങ്ങനെ വമ്പൻ ടീമാണ് ഈ ചിത്രത്തിന്റെ അണിയറയിൽ പ്രവർത്തിക്കുന്നത്. മെയിൽ ചിത്രം റിലീസ് ആകും.
