ധനുഷ് നായകനൽകുന്ന മാരി 2 ഫസ്റ്റ് ലുക്ക് പുറത്തു വിട്ടു. 2015 ൽ പുറത്തിറങ്ങിയ മാരിയുടെ രണ്ടാം ഭാഗമാണ് ചിത്രം. ചിത്രത്തിൽ വില്ലനായി ടൊവിനോ തോമസും വേഷമിടുന്നുണ്ട്. കഴിഞ്ഞ ദിവസങ്ങളിൽ ചിത്രതിന്റെ ഡബ്ബിങ് പൂർത്തിയാക്കിയ സന്തോഷം ടൊവിനോ പങ്കു വച്ചിരുന്നു .
സായി പല്ലവി, വരലക്ഷ്മി ശരത്കുമാർ എന്നിവർ മാരി2 ൽ നായികാ വേഷം കൈകാര്യം ചെയ്യുന്നു. ആദ്യ ഭാഗത്തിൽ കാജൽ അഗർവാളായിരുന്നു നായിക. ഡിസംബറിൽ ചിത്രം തീയറ്ററുകളിൽ എത്തും.
ബാലാജി മോഹൻ സംവിധാനം ചെയ്യുന്ന മാരി 2 നിർമ്മിക്കുന്നത് ധനുഷ് തന്നെയാണ്. യുവാൻ ശങ്കർ രാജയുടേതാണ് സംഗീതം. മാരി 2 വിലെ വില്ലന്റെ ചിത്രത്തിനായി കാത്തിരിക്കുകയാണ് പ്രേക്ഷകർ ഇപ്പോൾ.