വളരെ കുറച്ച് സിനിമകളിലൂടെ മലയാളികളുടെ പ്രിയതാരമായി മാറിയ നടനാണ് ടൊവിനോ തോമസ്. ആരോഗ്യ പരിപാലനത്തിനും വര്‍ക്കൗട്ടിനും വലിയ പ്രാധാന്യമാണ് താരം നല്‍കുന്നത്. ലോക് ഡൗണ്‍ കാലത്ത് ടൊവിനോ വീട്ടില്‍ തന്നെയാണെങ്കിലും വര്‍ക്കൗട്ട് താരം മുടക്കാറില്ല. വീട്ടിലെ ജിമ്മില്‍ വെച്ച് ടൊവിനോ കൃത്യമായി വ്യായാമം ചെയ്യാറുണ്ട്. ഇതിന്റെ വീഡിയോകളും ചിത്രങ്ങളും നടന്‍ പങ്ക് വെക്കാറുണ്ട്.
എന്നാല്‍ ഇത്തവണ മകള്‍ ഇസയുടെ ഒരു വീഡിയോ ആണ് ടൊവിനോ ഇന്‍സ്റ്റഗ്രാമില്‍ പോസ്റ്റ് ചെയ്തിരിക്കുന്നത്. അച്ഛന്റെ ജിം തന്റെ പ്ലേ ഏരിയ ആക്കിയിരിക്കുകയാണ് ഇസ. ടോവീനോയുടെ ജിമ്മിലെ കബിള്‍ ക്രോസ് ഓവര്‍ മെഷീനില്‍ ഊഞ്ഞാലാടുന്ന മകളുടെ വീഡിയോണ് താരം പങ്കുവെച്ചിരിക്കുന്നത്.
ആവശ്യമാണ് സൃഷ്ടിയുടെ മാതാവ് എന്ന് കുറിച്ചുകൊണ്ടാണ് മകളുടെ ചിത്രം നടന്‍ പങ്ക്‌വച്ചത്. ലോക് ഡൗണ്‍ കാരണം വീട്ടില്‍ ഇരുന്ന് മടുത്തപ്പോളാണ് അച്ഛന്റെ ജിമ്മിലേക്ക് ഇസയെത്തിയത്. കഴിഞ്ഞ ദിവസം ഇസയുടെയും വളര്‍ത്തുനായ പാബ്ലോയുടെയും ചിത്രങ്ങളും ടൊവിനോ പോസ്റ്റ് ചെയ്തിരുന്നു.