എ. ആര്. മുരുകദാസ് സംവിധാനം ചെയ്യുന്ന പുതിയ ചിത്രം ‘ദളപതി 62’ ആരാധകർ ഏറെ പ്രതീക്ഷയോടെ കാത്തിരിക്കുന്ന ഇളയദളപതി വിജയ് നായകനാകുന്ന ചിത്രമാണ്. തുടക്കം മുതൽ വാർത്തയിൽ ഇടംപിടിച്ച ചിത്രം വിജയ്യുടെ 62-മാത്തെ ചിത്രമാണ്.
ദളപതി 62 ൽ കീര്ത്തി സുരേഷാണ് വിജയ് യുടെ നായിക. ചിത്രത്തിന്റെ ഗാനരംഗങ്ങള് അമേരിക്കയിലാണ് ചിത്രീകരിച്ചത്. സിനിമയുടെ ചിത്രീകരണ സെറ്റില് ആരും മൊബൈല് ഫോണ് ഉപയോഗിക്കരുതെന്ന് വിജയ് പറഞ്ഞത് വാർത്തയാവുകയും ചെയ്തിരുന്നു.
ഇപ്പോൾ പുറത്തുവരുന്ന പുതിയ റിപ്പോർട്ടുകൾ പ്രകാരം ‘ദളപതി 62’ ന്റെ ടൈറ്റിലും ഫസ്റ്റ് ലുക്കും വിജയ്യുടെ പിറന്നാൾ ദിനമായ ജൂൺ 22 ന് റിലീസ് ആകുമെന്നാണ്. ചിത്രത്തിൽ വിജയ് യുടെ പുതിയ ഗെറ്റപ്പിലുള്ള ചിത്രം ഇടയ്ക്കു ലീക്ക് ആയിരുന്നു. അതിനാൽ ദളപതി 62ന്റെ ഫസ്റ്റ് ലുക്ക് പോസ്റ്ററിനും ടീസറിനുമായി ഇളയ ദളപതി വിജയ് യുടെ ആരാധകർ വളരെ ആകാംഷയോടെ കാത്തിരിക്കുകയാണ്.
