യുവാക്കളുടെ പ്രിയങ്കരനായ സൂപ്പർ താരം ദുൽഖർ സൽമാൻ ഇതാ പുതിയ ഒരു സർപ്രൈസ് അവതാരത്തിൽ. വി എഫ് എക്സിന് അങ്ങേയറ്റം പ്രാധാന്യം നൽകികൊണ്ട് ഒരുക്കിയിരിക്കുന്ന ഏതാനും സെക്കൻ്റുകൾ മാത്രമുള്ള ഒരു ഹൈ ടെക് ടീസർ വീഡിയോയുമായി ആണ് സോഷ്യൽ മീഡിയയിൽ ചർച്ച വിഷയം ആയിരിക്കുന്നത്. ദുൽക്കറിൻ്റെ തന്നെ ഫേസ്ബുക് പേജിൽ പോസ്റ്റ് ചെയ്തിരിക്കുന്ന ഈ ടീസറിൽ ഒരു വീഡിയോ ഗെയിമിനോട് സാദൃശ്യം തോന്നിപ്പിക്കും വിധം മൊത്തമായി വി എഫ് എക്സിൽ ഡിസൈൻ ചെയ്തിരിക്കുന്ന പശ്ചാത്തലത്തിൽ ദുൽക്കർ ഒരു മോഡേൺ സ്പോർട്സ് കാറിൽ ഇരുന്നുകൊണ്ട് ഒരു സ്മാർട്ട് ഫോൺ കയ്യിൽ വാങ്ങി താങ്ക് യു പറഞ്ഞ് കുതിച്ചു പായുകയും മാർച്ച് 25ന് സന്ധ്യക്ക് ആറ് മണി വരെ കാത്തിരിക്കാൻ പറയുകയും ചെയ്യുന്നതാണ് വീഡിയോയിലെ ആശയം.
എന്തായിരിക്കും 25ന് ഇറങ്ങാനിരിക്കുന്ന സംഭവം ആണ് ഇപ്പൊ സോഷ്യൽ മീഡിയയിലും ഫാൻസിനിടയിലും ചർച്ച വിഷയം. ഒരു ബിഗ് ബജറ്റ് സയൻസ് ഫിക്ഷൻ ചിത്രം ആയിരിക്കുമോ അതോ വീണ്ടും ഏതെങ്കിലും അന്തർദേശീയ സൂപ്പർ ബ്രാൻഡിൻ്റെ പരസ്യവുമായി എത്തുകയായിരിക്കുമോ. ഏതായാലും കാത്തിരുന്ന് കാണാം.