മോഹൻലാൽ നായകനാകുന്ന രഞ്ജിത്ത് ചിത്രം ഡ്രാമാ നവംബർ ഒന്നിന് തീയറ്ററുകളിൽ എത്തും. സംവിധായകൻ ലാൽജോസ് ആണ് തന്റെ സോഷ്യൽ മീഡിയ പേജിലൂടെ ഈ വിവരം പുറത്തുവിട്ടത്. പ്രളയത്തെ തുടർന്ന് ചിത്രത്തിന്റെ ട്രെയ്‌ലര്‍ അടക്കമുള്ള പബ്ലിസിറ്റി മെറ്റീരിയലുകളെല്ലാം ഡ്രാമാ ടീം മാറ്റിവച്ചിരിക്കുകയായിരുന്നു .
ചെറിയ ഇടവേളയ്ക്കു ശേഷം മോഹൻലാൽ രഞ്ജിത്ത് കൂട്ടുകെട്ടിൽ തയ്യാറാകുന്ന ചിത്രമാണ് ഡ്രാമാ. അനു സിത്താര, ജ്യുവല്‍ മേരി,കനിഹ മണിയൻപിള്ള രാജുവിന്റെ മകൻ നിരഞ്ജൻ ദിലീഷ് പോത്തൻ, ശ്യാമപ്രസാദ്, ജോണി ആന്റണി, രഞ്ജി പണിക്കര്‍, സുരേഷ് കൃഷ്ണ തുടങ്ങിയവരാണ് ചിത്രത്തിലെ മറ്റു താരങ്ങൾ.
