മലയാള സിനിമയിലെ യുവ നടിമാരിൽ ശ്രദ്ധെയരാണ് അനശ്വര രാജനും മമിത ബൈജുവും. സൂപ്പർ ശരണ്യയ്ക്കു ശേഷം മമിത, അനശ്വര, അർജുൻ അശോകൻ എന്നിവർ ഒരുമിച്ചഭീനയിച്ച പുതിയ സിനിമയാണ് ‘പ്രണയ വിലാസം’. ഫെബ്രുവരി 24ന് സിനിമ തീയേറ്ററുകളിൽ എത്തും. ഇപ്പോഴിതാ മൈൽ സ്റ്റോൺ മേക്കർസിന് മമിതയും അനശ്വരയും നൽകിയ അഭിമുഖമാണിപ്പോൾ ശ്രദ്ധ നേടുന്നത്. ഒരു ദിവസം ആൺകുട്ടിയായി മാറിയാലുള്ള ഗുണത്തെ പറ്റി മനസ് തുറക്കുകയായിരുന്നു ഇരുവരും.
ആർത്തവ വേദന അറിയേണ്ട എന്നതാണ് ഒരു ഗുണമെന്ന് മമിത പറഞ്ഞു.’ എനിക്കു ആകെപാടെ തോന്നിയത് പീരീഡിസിന്റെ വേദന അറിയേണ്ടന്നതാണ്. പീരീഡ്സായി വീട്ടിൽ ചടച്ചിരിക്കുമ്പോൾ പിന്നെയും പെയിൻ വരും. ഒന്ന് പുറത്ത് പോയി വരുമ്പോൾ ആ ഒരു ഫേസങ്ങ് മാറിക്കിട്ടും മമിത പറഞ്ഞു. മമിതയുടെ അഭിപ്രായത്തോട് യോജിച്ച അനശ്വര, ആർത്തവ കാലത്ത് തനിക്കു വളരെയധികം ബുദ്ധിമുട്ടുകൾ അനുഭവിക്കേണ്ടിവരുമെന്ന് തുറന്നു പറഞ്ഞു.
അനശ്വരയുടെ വാക്കുകൾ ഇങ്ങനെയാണ്, ‘ പീരീഡിസിന്റെ സമയത്തു പുറത്തിറങ്ങാൻ പോലും പറ്റാത്തവരിൽ ഒരാളാണ് ഞാൻ. സൂപ്പർ ശരണ്യയുടെ ഷൂട്ടിന്റെ സമയത്ത് മമിതയായിരുന്നു എന്നെ നോക്കികൊണ്ടിരുന്നത്. അന്ന് ഷൂട്ട് നിർത്തി വെച്ചിരിക്കുകയായിരുന്നു. കാരണം എനിക്കു പറ്റുന്നില്ല. ഗേൾസ് സ്കൂളിൽ പഠിച്ച എന്നോട് ടീച്ചർമാർ ചോദിക്കാറുണ്ട് എല്ലാവർക്കും ഉണ്ടാകുന്ന വേദനയല്ലെന്ന്. ഞാൻ പീരീഡ്സായി കിടക്കുന്നത് നാട്ടുകാർ മൊത്തം അറിയും, അനശ്വര പറഞ്ഞു. മലയാളത്തിനു പുറമെ അന്യഭാഷ ചിത്രങ്ങളിലും അനശ്വരയും. മമിതയും അഭിനയിക്കുന്നു. ബാംഗ്ലൂർ ഡേയ്‌സിന്റെ ഹിന്ദി റീമേക്കിൽ അനശ്വര അഭിനയിക്കുന്നുണ്ട്. സിനിമയുടെ ചിത്രികരണം നടന്ന് കൊണ്ടിരിക്കുകയാണ്.