ഉണ്ണി മുകുന്ദൻ നായകനായ ചിത്രം ‘മാളികപ്പുറം’ വളരെ നല്ല പ്രതികരണമാണ് പ്രേക്ഷകരിൽ നിന്ന് ലഭിക്കുന്നത്. മാളികപ്പുറം സിനിമയെയും ഉണ്ണിമുകുന്ദാനെയും പ്രശംസിച്ചുകൊണ്ട് രംഗതെത്തിയിരിക്കുന്നു നടി സ്വാസിക. ഉണ്ണി മുകുന്ദനു പ്രേക്ഷകരിൽ നിന്ന് കിട്ടുന്ന പ്രശംസയിൽ തനിക്കു ഒരു അതിശയവും ഇല്ലെന്നു സ്വാസിക കൂട്ടിചേർത്തു. കാരണം ഉണ്ണിയെ നല്ലതുപോലെ അടുത്തറിയാവുന്ന ആർക്കും ഇതിൽ അതിശയം ഉണ്ടാവാൻ സാധ്യതയില്ലെന്ന് മനസിലാകും.
അത്രയ്ക്കും പാഷനും ഡെഡിക്കേഷനോട് കൂടി സിനിമയെ സമീപ്പിക്കുന്ന ഒരാളാണ് ഉണ്ണി മുകുന്ദൻ. ഉണ്ണിയെ ഇതുപോലെ പ്രേക്ഷകർ നെഞ്ചോട് ചേർക്കുമെന്ന് ഉറപ്പുണ്ടായിരുന്നു. നാലു വർഷം മാളികപ്പുറമായ എന്നെ ആ പഴയ ഓർമകളിലേക്ക് കൊണ്ടുപോയതിനു ഉണ്ണിക്കും സംവിധായകൻ വിഷ്ണുവിനും തിരക്കഥകൃത്ത് അഭിലാഷ് പിള്ളക്കും നന്ദിയെന്നു സ്വാസിക കൂട്ടി ചേർത്തു. സിനിമ കണ്ടുകഴിഞ്ഞപോൾ മനസ്സിലുള്ള അയ്യപ്പന്റെ രൂപം ഉണ്ണിയുടെ രൂപം ആയിമാറിയെന്നും പറഞ്ഞു.
ഉണ്ണിയുടെ എല്ലാ സമയത്തും കൂടെ നിന്ന ആൾ എന്ന നിലയിൽ ഉണ്ണിയുടെ ഈ വളർച്ചക്കും എനിക്കു അഭിമാനം ഉണ്ടെന്നു സോഷ്യൽ മീഡിയയിലൂടെ സ്വാസിക പങ്കുവെച്ചു. ഈ ചിത്രത്തിലെ ബാലതാരങ്ങൾക്ക് സ്റ്റേറ്റ് അവാർഡോ നാഷണൽ അവാർഡോ തീർച്ചയായും ഉറപ്പാണ്. അതിനുള്ള എല്ലാ ഭാഗ്യവും ലഭിക്കട്ടെ എന്നും ആഗ്രഹിക്കുന്നു.
