വീണ്ടും പാട്ടുപാടി പ്രേക്ഷകരെ ഞെട്ടിച്ചു നടി അനുശ്രീ. മഴനിലാവ് എന്ന ചിത്രത്തിലേ പൂവച്ചൽ ഖാദറിന്റെ വരികൾക്ക് രവീന്ദ്രൻ മാസ്റ്റർ സംഗീതം പകർന്ന ഋതുമതിയായ് എന്നു തുടങ്ങുന്ന പാട്ടിന്റെ ഏതാനും ചില വരികളാണ് താരം പാടിയത്.
ഒരിക്കൽ സ്മ്യൂൾ എന്ന ആപ്ലിക്കേഷനിലൂടെ വെണ്ണിലാ ചന്ദനക്കിണ്ണം എന്ന പാട്ടു പാടി ആരാധകരെ ഞെട്ടിച്ചിട്ടുണ്ട് അനുശ്രീ. വീണ്ടും പാട്ടുപാടി സമൂഹമാധ്യമങ്ങളിൽ ശ്രദ്ധ നേടുകയാണ് താരം. അണ്ണാറക്കണ്ണനും തന്നാലായത് എന്ന പഴമൊഴിയൊക്കെ പറഞ്ഞുകൊണ്ടാണ് പാട്ട് ആരാധകരുമായി പങ്കുവച്ചതെങ്കിലും സംഗതി ഗംഭീരമായിട്ടുണ്ട്.
എന്റെ ജീവിതത്തിലേക്കു കടന്നു വന്ന ഏറ്റവും മനോഹരമായ വരികൾ. അതെന്റെ ഹൃദയം കവര്ന്നു. ഞാൻ അതിനെ എന്നിലേക്കു ചേർക്കുന്നു എന്ന വാചകത്തോടെയാണ് താരം ഫേസ്ബുക്കിൽ പാട്ട് പങ്കുവെച്ചിരിക്കുന്നത്.
