സർദാർ എന്ന പുതിയ ചിത്രത്തിൻ്റെ കേരളാ ലോഞ്ചിംഗ് പ്രചരണാർത്ഥം നായകൻ കാർത്തി, നായികമാരായ റാഷി ഖന്ന, രജീഷാ വിജയൻ എന്നിവർ ഒക്ടോബർ 15- ന് ശനിയാഴ്ച കൊച്ചിയിലെത്തും. ഉച്ചക്ക് രണ്ട് മണിക്ക് ഹോളിഡേ ഇൻ ഹോട്ടലിൽ നടക്കുന്ന പത്ര സമ്മേളനത്തിൽ പങ്കെടുക്കുന്ന താരങ്ങൾ വൈകീട്ട് 4.30 മണിക്ക് എം.ജീ. റോഡിലുള്ള സെൻട്രൽ സ്ക്വയർ മാളിൽ വെച്ച് നടക്കുന്ന ആരാധകർക്ക് വേണ്ടിയുള്ള പൊതു പരിപാടിയിലും പങ്കെടുക്കും. വിരുമൻ, പൊന്നിയിൻ സെൽവൻ എന്നീ സൂപ്പർ ഹിറ്റ് സിനിമകൾക്ക് ശേഷം കാർത്തി നായകനാവുന്ന സിനിമയാണ് സർദാർ. വിശാലിൻ്റെ ഇരുമ്പ് തിരൈ, ശിവ കാർത്തികേയൻ്റെ ഹീറോ തുടങ്ങിയ ചിത്രങ്ങൾ അണിയിച്ചൊരുക്കിയ പി.എസ്.മിത്രനാണ് ‘ സർദാർ ‘ സംവിധാനം ചെയ്തത്. വൻ മുതൽ മുടക്കിൽ പ്രിൻസ് പിക്ചെർസ് നിർമ്മിച്ച സർദാർ കേരളത്തിൽ റിലീസ് ചെയ്യുന്നത് ഫോർച്യുൺ സിനിമാസാണ്. ജോൺസൺ, സി.കെ.അജയ് കുമാർ എന്നിവരാണ് വാർത്താ വിതരണം.
