ഫോട്ടോഗ്രാഫര് എന്ന സിനിമയില് മോഹന്ലാലിന്റെ കൂടെ അഭിനയിച്ച ആദിവാസി ബാലൻ മാസ്റ്റർ മണി 12 വര്ഷത്തിനു ശേഷം ഉടലാഴം എന്ന ചിത്രത്തിൽ അനുമോളുടെ നായകനായി മലയാള സിനിമയിലേക്കു തിരിച്ചെത്തുന്നു .ഉണ്ണികൃഷ്ണൻ ആവളയാണ് ചിത്രം സംവിധാനം ചെയ്യുന്നത് . കോഴിക്കോട് മെഡിക്കല് കോളജില് പഠിച്ച ഡോക്ടര്മാരുടെ കൂട്ടായ്മയായ ഡോക്ടേഴ്സ് ഡിലെമയാണ് ചിത്രം നിർമിക്കുന്നത്.
നിലനില്പ്പുതന്നെ ചോദ്യചിഹ്നമായ ആറു നാടന് കോളനിയിലെ ഭിന്നലിംഗക്കാരനായ 24 വയസുള്ള യുവാവായ ഗുളികന്റെ കഥയാണ് ഉടലാഴത്തിലൂടെ ഉണ്ണികൃഷ്ണൻ പറയുന്നത് . ഉപജീവനത്തിനായി അട്ടയെ പിടിച്ചു ജീവിക്കുന്ന യുവാവു പുതിയ ജോലിക്കായി ശ്രമിക്കുമ്പോള് സമൂഹത്തിൽ നിന്നും നേരിടുന്ന പ്രശ്നങ്ങളാണ് പ്രമേയം. ജോയ് മാത്യു, ഇന്ദ്രന്സ്, സജിത മഠത്തില് എന്നിവരും ഇതിൽ അഭിനയിക്കുന്നു. ബിജിബാല് പശ്ചാത്തല സംഗീതവും സിതാര, മിഥുന് ജയരാജ് എന്നിവര് സംഗീത സംവിധാനവും നിര്വഹിക്കുന്നു.
