പാലക്കാട് നഗരത്തിൽ നിരോധനാജ്ഞ പ്രഖ്യാപിച്ചു. നാളെ വൈകിട്ട് 6 വരെയാണ് നിരോധനാജ്ഞ. കൂടാതെ കാസർകോട് മഞ്ചേശ്വരം താലൂക്കിലും നാളെ നിരോധനാജ്ഞ പ്രഖ്യാപിച്ചു. മഞ്ചേശ്വരം താലൂക്കിലെ സ്കൂളുകൾക്ക് നാളെ അവധി. ഇന്നത്തെ ഹർത്താലിലെ രൂക്ഷമായ ആക്രമണങ്ങളുടെ സാഹചര്യത്തിലാണ് പാലക്കാടും മഞ്ചേശ്വരത്തും നിരോധനാജ്ഞ പ്രഖ്യപിച്ചത്.

കർമസമിതി ഹർത്താലിൽ ഇന്ന് സംസ്ഥാനത്ത് 266 പേരെ അറസ്റ്റ് ചെയ്തു 334 പേരെ കരുതൽ തടങ്കലിൽ. ആക്രമികളെ പിടികൂടാൻ ‘ബ്രോക്കൺ വിൻഡോ’ എന്ന പ്രത്യേക പദ്ധതി രൂപീകരിച്ചു.ശബരിമലയിലേക്കും മറ്റ് സ്ഥലങ്ങളിലേക്കും പോയ അക്രമികളെ തിരിച്ചറിയാൻ നിർദേശം.അക്രമമുണ്ടാക്കിയവരുടെ പട്ടിക സ്പെഷ്യൽ ബ്രാഞ്ച് തയ്യാറാക്കി. ജില്ലാ പോലീസ് മേധാവിമാർ പ്രതികളുടെ ആൽബം തയ്യാറാക്കും. വർഗീയ പ്രചരണം നടത്തുന്നവർക്കെതിരെ കേസുകൾ രജിസ്റ്റർ ചെയ്യുമെന്നും അറിയിച്ചു.

ഹർത്താൽ ദിവസമായ ഇന്ന് സംസ്ഥാനത്തിന്റെ വിവിധ ഭാഗങ്ങളിൽ പരക്കെ ആക്രമണങ്ങൾ. കൊയിലാണ്ടിയിൽ കെ എസ് ആർ ടി സി ബസിന്റെയും കാറിന്റെയും ചില്ലുകൾ എറിഞ്ഞു തകർക്കുകയും സി.ഐയുടെ വാഹനത്തിന് നേരെ കല്ലേറ് ഉണ്ടാവുകയും ചെയ്തു.പേരാമ്പ്രയിൽ കെഎസ്ആർടിസി ബസിനും ഡിവൈഎഫ്ഐ ഓഫീസിനും നേരെയും കല്ലേറുണ്ടായി. കണ്ണൂർ റയിൽവേ സ്റ്റേഷന് സമീപത്തെ ഹോട്ടലിന്റെ ചില്ലുകൾ ഹർത്താൽ അനുകൂലികൾ എറിഞ്ഞുടച്ചു. കൊട്ടാരക്കര വെട്ടിക്കവലയിലും ബസിന് നേരെ കല്ലേറുണ്ടായി.പാലക്കാട് വെണ്ണക്കരയിൽ സിപിഎം നിയന്ത്രണത്തിലുള്ള വായനശാല തകർത്തു.കൂടാതെ മലപ്പുറം തവനൂരിൽ സിപിഎം ലോക്കൽ കമ്മിറ്റി ഓഫീസിന് ഹർത്താൽ അനുകൂലികൾ തീയിട്ടു.പത്തനാപുരത്തും കൊട്ടാരക്കരയിലും ഹർത്താൽ അനുകൂലികൾ ഗതാഗതം തടസപ്പെടുത്തി.

ശബരിമല കർമസമിതി ആഹ്വാനം ചെയ്ത ഹർത്തൽ തുടങ്ങി. വൈകിട്ട് ആറു വരെയാണ് ഹർത്താൽ.ജനജീവിതം തടസ്സപ്പെടുത്തുന്നവർക്കെതിരെ കർശന നടപടിക്ക് നിർദേശം.നിയമവാഴ്ച ഉറപ്പാക്കണമെന്ന് കലക്ടർമാരക്ക് ചീഫ് സെക്രട്ടറി നിർദ്ദേശം നൽകി. ആക്രമികളെ ഉടൻ അറസ്റ്റ് ചെയ്യുമെന്നും ഡി.ജി.പി അറിയിച്ചു.കടകൾ തുറന്നാൽ സംരക്ഷണം നൽകുമെന്നും ബലം പ്രയോഗിച്ച് അടപ്പിച്ചാൽ അതിനെതിരെ കർശന നടപടികൾ എടുക്കുമെന്നും ബസ് സർവീസ് നടത്തിയാൽ സംരക്ഷണമുറപ്പാക്കുമെന്നും ഡിജിപി നേരത്തെ ഉറപ്പ് നൽകിയിരുന്നു.

ശബരിമല സ്ത്രീ പ്രവേശനവുമായി ബന്ധപ്പെട്ട് കർമസമിതി ആഹ്വാനം ചെയ്ത നാളത്തെ ഹർത്താലിൽ ആക്രമത്തിന് മുതിർന്നാൽ അറസ്റ്റെന്ന് പോലീസ്. പൊതുമുതൽ നശിപ്പിക്കുന്നവരിൽ നിന്ന് നഷ്ടപരിഹാരം ഈടാക്കുമെന്നും നിർബന്ധിച്ച് കടകൾ അടപ്പിക്കാൻ ശ്രമിച്ചാൽ അറസ്റ്റുണ്ടാകുമെന്നും പോലീസ്.സർക്കാർ ഓഫീസുകൾക്ക് അടക്കം സുരക്ഷ ഒരുക്കാൻ ഡിജിപി നിർദ്ദേശം നൽകി. ബസ് സർവീസുകൾ തടസ്സമില്ലാതെ നടത്താൻ സൗകര്യമൊരുക്കുമെന്നും രാഷ്ട്രീയ പാർട്ടികളുടെ ഓഫീസുകൾക്കും സംരക്ഷണം ഒരുക്കാനും സോണൽ എഡിജിപിമാർക്കും റേഞ്ച് ഐ.ജിമാർക്കുമാണ് ഡിജിപി നിർദേശം നൽകിയത്.

സെക്രട്ടേറിയറ്റിന് മുന്നിൽ അഞ്ചു മണിക്കൂർ നീണ്ട സംഘർഷം ഉണ്ടായി. സി.പി.എം- ബി ജെ പി പ്രവർത്തകർ പരസ്പരം വെല്ലുവിളിച്ചു. പോലീസ് കണ്ണീർവാതകവും ഗ്രനേഡും പ്രയോഗിച്ചു.സെക്രട്ടേറിയറ്റിൽ അതിക്രമിച്ച് കയറിയ ബിജെപിക്കാരായ നാല് സ്ത്രീകളെ അറസ്റ്റ് ചെയ്യുകയുണ്ടായി. പാലക്കാട്ടും കോഴിക്കോട്ടും തൊടുപുഴയിലും കർമസമിതിയുടെ മാർച്ചിൽ സംഘർഷവും നെയ്യാറ്റിൻകരയിൽ ലാത്തിച്ചാർജും ഉണ്ടായി.ഗുരുവായൂരിലും നെയ്യാറ്റിൻ കരയിലും സി.ഐമാർക്ക് പരുക്ക്. കൊല്ലത്തും തിരുവല്ലയിലും കടകൾ അsപ്പിക്കുന്നതിനിടെ സംഘർഷാവസ്ഥ. മാവേലിക്കര താലൂക്ക് ഓഫീസ് ആക്രമിച്ചു.റാന്നി- കോഴഞ്ചേരി റൂട്ടിൽ ബസിന് കല്ലേറും ഉണ്ടായി.

ശബരിമലയിൽ യുവതി പ്രവേശിച്ചതിൽ സംസ്ഥാനത്ത് വ്യാപകമായി പ്രതിഷേധം.പ്രതിഷേധം ശബരിമല കർമ്മസമിതിയുടെയും ബിജെപിയുടെയും നേതൃത്വത്തിൽ. സെക്രട്ടേറിയേറ്റിലേക്ക് ബിജെപി പ്രവർത്തകരുടെ പ്രകടനം. സെക്രട്ടേറിയേറ്റിനുള്ളിലേക്ക് തള്ളിക്കയറാൻ ശ്രമിച്ച 10 പേർ അറസ്റ്റിൽ. മുഖ്യമന്ത്രിയുടെ ഓഫീസിന് അടുത്ത് വരെ എത്തിയ 4 സ്ത്രീകളെ അറസ്റ്റ് ചെയ്തു.പ്രവർത്തകർ റോഡിൻ കുത്തിയിരുന്ന് പ്രതിഷേധിക്കുന്നു.തിരുവനന്തപുരത്തും കൊല്ലത്തും മാധ്യമ പ്രവർത്തകർക്ക് നേരെയും ആക്രമണം. പ്രതിഷേധങ്ങളുടെ ദൃശ്യങ്ങൾ എടുക്കുന്നതിനിടെയാണ് ആക്രണം. ഇന്നും നാളെയും പ്രതിഷേധ ദിനം ആചരിക്കാൻ ബിജെപി ആഹ്വാനം ചെയ്തു.