നാൽപതു വയസ്സ് ആയതോടുകൂടി താൻ ഇതുവരെ അനുഭവിച്ചിട്ടില്ലാത്ത തരം പ്രശ്നങ്ങളിലൂടെയാണ് കടന്നു പോകുന്നതെന്ന് നടിയും അവതാരകയുമായ രഞ്ജിനി ഹരിദാസ്. തന്റെ ഡെയ്ലി വ്ളോഗിന്റെ ഭാഗമായി രഞ്ജിനി എടുത്ത വീഡിയോയിലൂടെയാണ് തന്റെ അവസ്ഥ  പങ്കുവെച്ചിരിക്കുന്നത്. “പട്ടി നക്കിയ ജീവിതം “എന്ന് കേട്ടിട്ടുണ്ടോ, ഇതാണ് എന്റെ ഇപ്പോഴത്തെ അവസ്ഥ 

ജീവിതത്തിൽ എന്തെങ്കിലും ചെയ്യാനുള്ള താല്പര്യമോ, ലക്ഷ്യമോ ഒന്നും എനിക്കിപ്പോഴില്ല. എനിക്കു ഒന്നിലും ഫോക്കസ് ചെയ്യാൻ സാധിക്കുന്നില്ല. അത്രക്കും സ്‌ട്രെസ് നിറഞ്ഞൊരു അവസ്ഥയാണ്. എന്താ നടക്കുന്നതെന്നും, എന്താ ചെയ്യേണ്ടത് എന്നിങ്ങനെ എല്ലാത്തിലും കൺഫ്യൂഷനിലാനിപ്പോൾ. എന്തു ചെയ്യണമെന്ന് എനിക്കു അറിയില്ല, വീട്ടിൽ തിരിച്ചു വരണമെന്നില്ല, എവിടെയെങ്കിലും യാത്ര ചെയ്തു നടന്നാൽ മതി, എപ്പോഴും ഒറ്റയ്ക്ക് ഇരിക്കണം, അതുപോലെ അറിയുന്ന ആളുകളെ ഒന്നു കാണാനും തോന്നുന്നില്ല. എനിക്കെന്താണ് സംഭവിച്ചതെന്നു ഞാൻ സെർച്ച്‌ ചെയ്തു നോക്കി. ഒന്നുകിൽ ഇതു ഡിപ്രെഷൻ ആയിരിക്കും, ഇല്ലെങ്കിൽ മിഡ് ലൈഫ് ക്രൈസസ്‌ ആവും.

പലതും വായിച്ചതിൽനിന്നും മിഡ് ലൈഫ് ക്രൈസസ് എന്നാണ് തോന്നുന്നത്. നാൽപതു വയസാവുമ്പോൾ ഇതു വരുമെന്നാണ് തോന്നുന്നത്. ഡിപ്രെഷനേക്കാളും മിഡ് ലൈഫ് ക്രൈസസ്‌ ആണ്‌ നല്ലത്. കാരണം ‘കുറച്ചു കഴിയുമ്പോൾ പോകുമല്ലോ ‘. ഇതുവരെ ജീവിച്ചിട്ടും ഒന്നും നേടിയിലെന്നു തോന്നുന്നു. ഞാനൊക്കെ വളരെ അനുഗ്രഹിക്കപ്പെട്ടിട്ടുള്ള ആളാണ്.പക്ഷെ അതൊന്നും എനിക്കു കാണാൻ സാധിക്കുന്നില്ല എന്നതാണ് സത്യം.

ഇതിനെല്ലാം 2023 നല്ലൊരു വർഷമായി മാറുമെന്ന് കരുതുന്നു. എല്ലാരേയും പോലെ ഈ പുതുവർഷത്തിൽ തീരുമാനിക്കുന്ന കാര്യങ്ങളെ എനിക്കുള്ളൂ. ഫിറ്റ്നസ് നോക്കണം, വെയ്റ്റ് കുറക്കണം, മദ്യപാനം നിർത്തണം, ഭക്ഷണം കഴിക്കുന്നത് കുറക്കണം എന്നൊക്കെയാണ്. 

മണിരത്‌നത്തിന്റെ ‘പൊന്നിയിൻ  സെൽവൻ’ ഈ വർഷം  ഏറ്റവുമധികം കാത്തിരുന്ന തമിഴ് റിലീസുകളിലൊന്നാണ്. ചിത്രം മികച്ച പ്രേക്ഷക പ്രതികരണം നേടി മുന്നേറുകയാണ്. സെപ്റ്റംബർ 30 നായിരുന്നു തീയേറ്ററുകളിൽ എത്തിയിരുന്നത്. പിന്നാലെ ചിത്രം

ഒടിടിയിലും എത്തി. ചിയാൻ വിക്രം, തൃഷ, ഐശ്വര്യറായ് ബച്ചൻ, ജയം രവി, കാർത്തി എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. എന്നാൽ ഇപ്പോൾ പ്രേക്ഷകരെല്ലാം ചിത്രത്തിന്റെ രണ്ടാം ഭാഗത്തിനായി കാത്തിരിക്കുകയാണ്.

ഇപ്പോഴിതാ കൗണ്ട് ഡൗൺ വീഡിയോയുമായി എത്തിയിരിക്കുകയാണ് നിർമാതാക്കളായ ലൈക്ക പ്രൊഡക്ഷൻസ്. ചിത്രം ഏപ്രിൽ 28 ന് തീയേറ്ററുകളിൽ എത്തും. ഇനി 100 ദിവസമാണ് പൊന്നിയിൻ സെൽവൻ 2 റിലീസിനുള്ളത്. ഇതിന്റെ വീഡിയോകൾ സമൂഹ മാധ്യമങ്ങൾ പുറത്തുവിട്ടിരിക്കുന്നത്. ആ വീഡിയോ സോഷ്യൽ മീഡിയകൾ ഏറ്റെടുത്തു കഴിഞ്ഞു. ചിത്രത്തിന്റെ ഒന്നാം ഭാഗത്തിന്റെ പ്രൊമോഷനുകൾക്കിടെ, മണിരത്‌നം ആദ്യ ഭാഗം പുറത്തിറങ്ങി ആറ് മുതൽ ഒമ്പതു മാസങ്ങൾക്ക്ശേഷം രണ്ടാം ഭാഗം റിലീസ് ചെയ്യുമെന്ന് പറഞ്ഞിരുന്നു.

എ ആർ റഹ്മാനാണ് ചിത്രത്തിനു സംഗീതം ഒരുക്കിയിരിക്കുന്നത്. കൽക്കി കൃഷ്ണമൂർത്തിയുടെ അതെ പേരിലുള്ള ജനപ്രിയ തമിഴ് സാഹിത്യ നോവലിനെ അടിസ്ഥാനമാക്കിയാണ് പൊന്നിയിൻ സെൽവൻ നിർമിച്ചിരിക്കുന്നത്. ഐശ്വര്യറായ് ബച്ചൻ, തൃഷ, ചിയാൻ വിക്രം, കാർത്തി, ജയൻ രവി എന്നിവരുൾപെട്ടെയുള്ള താരനിരയാണ് ചിത്രത്തിൽ പ്രധാനവേഷത്തിൽ എത്തുന്നത്. ജയറാം, ശരത് കുമാർ, പ്രകാശ് രാജ്‌, ഐശ്വര്യ ലക്ഷി, ശോഭിത ധുലിപാല, വിക്രം പ്രഭു എന്നിവരാണ് മറ്റു കഥാപാത്രങ്ങൾ.

സംവിധായകൻ ലിജോ ജോസ് പെല്ലിശ്ശേരിയും മമ്മൂട്ടിയും ആദ്യമായി  ഒന്നിക്കുന്ന ചിത്രമാണ് നൻപകൽ നേരത്ത് മയക്കം. തിരക്കഥ ഒരുക്കിയിരിക്കുന്നത് എസ് ഹരീഷാണ്. മമ്മൂട്ടി  കേന്ദ്രകഥാപാത്രമായ ചിത്രത്തിന്റെ നിർമ്മാതാവും മമ്മൂട്ടിയാണ്. മമ്മൂട്ടി കമ്പനിയുടെ ബാനറിലാണ് ചിത്രം നിർമിച്ചിരിക്കുന്നത്. മമ്മൂട്ടി, തമിഴ് നടി രമ്യ പാണ്ഡ്യാൻ, അശോകൻ, രാജേഷ് ശർമ തുടങ്ങിയവർ ഇതിൽ മുഖ്യ കഥാപാത്രങ്ങൾ.

ലിജോ ജോസ് പെല്ലിശ്ശേരി ചിത്രത്തിലൂടെ മമ്മൂട്ടി സ്‌ക്രീനിലെത്തുമ്പോൾ അത് ആഘോഷമാക്കനൊരുങ്ങുകയാണ് പ്രേക്ഷകർ. ഐ എഫ് എഫ് കെയിൽ പ്രദർശിപ്പിച്ച ചിത്രം മികച്ച പ്രശംസയാണ് നേടിയത്. ഈ ചിത്രം കണ്ട സംവിധായകൻ സനൽ കുമാർ ശശിധരൻ കുറിച്ച വാക്കുകൾ ഇങ്ങനെ ” നൻപകൽ നേരത്ത് മയക്കം കണ്ടു, ലിജോയുടെ ഏറ്റവും മികച്ച ചിത്രം ഇതാണെന്നു തോന്നി. നായകൻ മമ്മൂട്ടിയെയും തിരക്കഥകൃത്ത് ഹരീഷിനെയും പ്രേത്യേകം അഭിനന്ദിക്കാതെ വയ്യ.

സാമന്ത ടൈറ്റിൽ കഥാപാത്രത്തെ അവതരിപ്പിക്കുന്ന തെലുങ്ക് ചിത്രം ‘ശാകുന്തള’ത്തിലെ ലിറിക് വീഡിയോ റിലീസ് ചെയ്തു. ശകുന്തളയുടെ കഥപറയുന്ന ​ഗാനം ആലപിച്ചിരിക്കുന്നത് രമ്യ ബെഹറ ആണ്. മണി ശർമ്മ സം​ഗീതം നൽകിയ ​ഗാനത്തിന് വരികൾ എഴുതിയിരിക്കുന്നത് ചൈതന്യ പ്രസാദ് ആണ്. ചിത്രം ഫെബ്രുവരി 17ന് തിയറ്ററുകളിൽ എത്തും..

മലയാളത്തിന്റെ യുവ താരം ദേവ് മോഹൻ ‘ദുഷ്യന്തനാ’യി വേഷമിടുന്ന ചിത്രം സംവിധാനം ചെയ്തിരിക്കുന്നത് ഗുണശേഖര്‍ ആണ്. ‘സൂഫിയും സുജാതയും’ എന്ന ചിത്രത്തിലൂടെ വെള്ളിത്തിരയിലെത്തിയ നടനാണ് ദേവ് മോഹൻ. മലയാളം, കന്നഡ, ഹിന്ദി, തമിഴ്, തെലുങ്ക് ഉൾപ്പടെ അഞ്ച് ഭാഷകളില്‍ ഒരുങ്ങുന്ന ‘ശാകുന്തളം’ ത്രീഡിയില്‍ ആണ് റിലീസ് ചെയ്യുക. ‘ശകുന്തള’യുടെ വീക്ഷണകോണില്‍ നിന്നുള്ളതായിരിക്കും ചിത്രം.

അല്ലു അര്‍ഹ, സച്ചിന്‍ ഖേഡേക്കര്‍, കബീര്‍ ബേദി, ഡോ. എം മോഹന്‍ ബാബു, പ്രകാശ് രാജ്, മധുബാല, ഗൌതമി, അദിതി ബാലന്‍, അനന്യ നാഗല്ല, ജിഷു സെന്‍ഗുപ്ത തുടങ്ങിയവരാണ് മറ്റു കഥാപാത്രങ്ങളെ അവതരിപ്പിക്കുന്നത്. ഗുണ ടീം വര്‍ക്സിന്‍റെ ബാനറില്‍ നീലിമ ഗുണ നിര്‍മ്മിച്ചിരിക്കുന്ന ചിത്രം അവതരിപ്പിക്കുന്നത് ശ്രീ വെങ്കടേശ്വര ക്രിയേഷന്‍സിന്‍റെ ബാനറില്‍ ദില്‍ രാജുവാണ്. വിജയ് നായകനായി എത്തിയ വാരിസിന്‍റെ നിര്‍മ്മാതാവാണ് ദില്‍ രാജു. പി ആർ ഓ ശബരി

പ്രമുഖ സംവിധായകൻ വെങ്കട്ട് പ്രഭു സംവിധാനം ചെയ്യുന്ന നാഗ ചൈതന്യയുടെ തെലുങ്ക്-തമിഴ് ദ്വിഭാഷാ പ്രൊജക്റ്റ് കസ്റ്റഡി അതിന്റെ ഷൂട്ടിംഗ് പുരോഗമിക്കുകയാണ്. നാഗ ചൈതന്യയുടെ ചിത്രത്തിലെ ഫസ്റ്റ് ലുക്ക് പോസ്റ്റർ പുതുവർഷത്തിൽ പുറത്തിറങ്ങിയിരുന്നു. ചിത്രം ഇതിനകം അവസാനഘട്ട ചിത്രീകരണത്തിലാണ്. ഇന്ന് ചിത്രത്തിലെ രേവതിയായി കൃതി ഷെട്ടിയെ അവതരിപ്പിച്ച് നിർമ്മാതാക്കൾ ചിത്രത്തിൻറെ പുതിയ പോസ്റ്റർ പുറത്തുവിട്ടിരിക്കുകയാണ്.

തമിഴ്-തെലുങ്ക് എന്നീ ഭാക്ഷകളിൽ ഒരുങ്ങുന്ന ചിത്രത്തിന്റെ രചനയും വെങ്കട് തന്നെയാണ് നിർവ്വഹിച്ചിരിക്കുന്നത്. തമിഴിൽ ചൈതന്യ ആദ്യമായി ഒരു മുഴുനീള വേഷം ചെയ്യുന്ന ചിത്രമാണിത്. ചിത്രത്തിൽ കീർത്തി സുരേഷും ഒരു പ്രധാന കഥാപാത്രത്തെ അവതരിപ്പിക്കുന്നു. തന്റെ മകനും ഹിറ്റ് സംഗീത സംവിധായകനുമായ യുവൻ ശങ്കർ രാജയുമായി സഹകരിച്ച് ആദ്യമായി സംഗീത മഹാനായ ഇളയരാജയും കൂടി ചേർന്നാണ് ഈ ചിത്രത്തിന് സംഗീതം നൽകുന്നത്.. ശ്രീനിവാസ സിൽവർ സ്‌ക്രീനിന്റെ ബാനറിൽ ശ്രീനിവാസ ചിറ്റൂരിയാണ് ഈ ചിത്രം നിർമിക്കുന്നത്.. എസ് ആർ കതിർ ഛായാഗ്രഹണം നിർവഹിക്കുന്ന ചിത്രത്തിന്റെ എഡിറ്റിംഗ് വെങ്കട്ട് രാജൻ നിർവഹിക്കുന്നു..

സെപ്റ്റംബറിൽ ചിത്രീകരണം ആരംഭിച്ച, ചിത്രീകരണം ഷൂട്ടിംഗ് ദ്രുതഗതിയിൽ പുരോഗമിക്കുകയാണ്. ചിത്രത്തിന്റെ റിലീസ് തീയതി അണിയറപ്രവർത്തകർ പുറത്തുവിട്ടിട്ടില്ല. പി ആർ ഓ ശബരി

‘മഹേഷിന്റെ പ്രതികാരം’ എന്ന ചിത്രത്തിൽ അമ്മച്ചിയായി പ്രധാന വേഷമിട്ട നടി ലീന ആന്റണി 73- ആം വയസ്സിൽ തുല്യത പരീക്ഷയിൽ പത്താം ക്ലാസ്സ്‌ പാസായി. കഴിഞ്ഞ സെപ്റ്റംബറിലാണ് പരീക്ഷഎഴുതിയത്. നാടക

നടികൂടിയായ ലീന മഹേഷിന്റെ പ്രതികാരം എന്ന ചിത്രത്തിൽ അമ്മച്ചിയായി പ്രധാനവേഷം ചെയ്തത്തോടെയാണ് ഏറെ ശ്രെദ്ധിക്കപെട്ടത്. ഭർത്താവും നടനുമായ കെ എൽ ആന്റണിയുടെ മരണത്തിനു ശേഷം ഒറ്റപ്പെടലിലൂടെ കടന്നുപോയത്തിലൂടെയാണ് ലീന പഠനത്തെ കുറിച് ചിന്തിച്ചത്.

സെപ്റ്റംബറിൽ തുടർവിദ്യപദ്ധതി പ്രകാരം പത്താംതരം പരീക്ഷഎഴുതി. എന്നാൽ നവംബറിൽ ഫലമെത്തിയപ്പോൾ കണക്കും രസതന്ത്രവും ഒഴികെയുള്ള വിഷയങ്ങൾ കിട്ടിയിരുന്നു. അതിനുശേഷം സേ പരീക്ഷയെഴുതി കണക്കും രസതന്ത്രവും ജയിച്ചു. തൈക്കാട്ടുശ്ശേരി ഉളവയ്പ്പിൽ വീടിനടുത്തുള്ള കേന്ദ്രത്തിലായിരുന്നു ക്ലാസ്സ്‌. ലീന ഇപ്പോൾ സ്പോക്കൺ ഇംഗ്ലീഷ് പഠിക്കുന്നുണ്ട്. മകൻ ലാസർ ഷൈനും മരുമകൾ അഡ്വ മായകൃഷ്ണനുമാണ് പത്താംതരം പരീക്ഷയ്ക്കുള്ള വഴിയൊരുക്കിയത്. മൂന്ന്  മാസമായി കലാമണ്ഡലം അശ്വതിയുടെ കീഴിൽ കൂടിയാട്ടവും അഭ്യസിക്കുന്നു. ലീന പരീക്ഷയെഴുതിയ വിവരമറിഞ്ഞ മന്ത്രി വി ശിവൻകുട്ടി സമൂഹമാധ്യമങ്ങളിലൂടെ അഭിനന്ദനം അറിയിച്ചിരുന്നു, അതുപോലെ വിജയിച്ചപോലും ആശംസകൾ അറിയിച്ചിരുന്നു.

ഇന്ത്യൻ ചലച്ചിത്ര നടനും പിന്നണി ഗായകനും ചലച്ചിത്ര നിർമാതവുമായ ദുൽഖർ സൽമാൻ ഇപ്പോൾ ഷൂട്ടിൽ നിന്നും ബ്രേക്കെടുത്തു ഷൂട്ടിംഗിങ്ങിനിറങ്ങിയിരിക്കുകയാണ് . കിങ്ങ് ഓഫ് കൊത്ത എന്ന ബിഗ് ബജറ്റ് ചിത്രത്തിന്റെ ഷൂട്ടിംഗ് തിരക്കിലാണിപ്പോൾ ദുൽഖർ.

രാത്രി കാലങ്ങളിലുള്ള ചിത്രികരണം അധികമുള്ള ചിത്രമാണ് കിങ്ങ് ഓഫ് കൊത്ത.

സ്റ്റൈലിഷ് ലുക്കിൽ തോക്കുമെടുത്തു ഷൂട്ട്‌ ചെയ്യുന്ന താരത്തിന്റെ വീഡിയോ സോഷ്യൽ മീഡിയയിൽ വൈറലാകുന്നത്. പുതുകോട്ടയിലെ സ്പോർട്സ് ക്ലബ്ബിലാണ് ദുൽഖർ ഷൂട്ടിംങ്ങിനിറങ്ങിയിരിക്കുന്നത്. തങ്ങളെ ക്ഷണിച്ചവരോട് നന്ദി അറിയ്ക്കുന്നുണ്ട് താരം. ഏതായാലും ദുൽഖറിന്റെ ഈ സ്റ്റൈലിഷ് ലുക്ക്‌ ആരാധകർ ഏറ്റെടുത്തിരിക്കുകയാണ്. അഭിലാഷ് ജോഷി സംവിധാനം ചെയ്ത ചിത്രമാണ് കിങ്ങ് ഓഫ് കൊത്ത. മലയാളം, തമിഴ്, കന്നഡ, തെലുങ്ക്, ഹിന്ദി എന്നി ഭാഷകളിൽ ചിത്രം റിലീസിനെത്തും. ഗോകുൽ സുരേഷ്, ഐശ്വര്യ ലക്ഷ്മി എന്നിവർ മറ്റു കേന്ദ്ര കഥാപാത്രങ്ങളായി അവതരിപ്പിക്കുന്നു.

View this post on Instagram

A post shared by Dulquer Salmaan (@dqsalmaan)

മലയാളികൾക്ക് ഏറെ സുപരിചിതവും നല്ലൊരു അഭിനേത്രി യും കൂടിയാണ് നമിത പ്രമോദ്. ഇപ്പോൾ പുതിയൊരു സംരംഭത്തിന് തുടക്കം കുറിച്ചിരിക്കുയാണ് നമിത. ഹോട്ടൽ ബിസിനസിലേക്കാണ് കാലെടുത്തു വെച്ചിരിക്കുന്നത്. കൊച്ചി പനബിള്ളി നഗറിൽ ‘സമ്മർ ടൗൺ ‘എന്ന കഫെ ഓപ്പൺ ചെയ്തിരിക്കുകയാണ് താരസുന്ദരി. ഇപ്പോൾ നമിതയുടെ സമ്മർ കഫേയുടെ ചിത്രങ്ങളാണ് ശ്രദ്ധ നേടികൊണ്ടിരിക്കുന്നത്.

നമിതയുടെ കഫെ ഉദ്ഘാടനത്തിനായി പ്രിയകൂട്ടുകാരികളായ മിയ, അപർണ ബാലമുരളി, അനു സിതാര, രജിഷ വിജയൻ, മീനാക്ഷി ദിലീപ്   എന്നിവരെല്ലാം  എത്തിചേർന്നിരുന്നു. നടൻ നാദിർഷായുടെ മക്കളായ ആയിഷ, ഖദീജ എന്നിവർക്കൊപ്പമാണ് മീനാക്ഷി ദിലീപ് എത്തിയത്. നടൻ കുഞ്ചനും ആശംസകൾ നേരാൻ എത്തിയിരുന്നു. 2011 ൽ രാജേഷ് പിള്ള സംവിധാനം ചെയ്ത ട്രാഫിക് എന്ന ചിത്രത്തിലൂടെയാണ് നമിത സിനിമ ലോകത്തേക്ക് ചുവടുവെച്ചത്. തുടർന്ന് പുതിയ തീരങ്ങൾ, സൗണ്ട് തോമ, പുള്ളിപുലികളും ആട്ടിൻകുട്ടിയും, അമർ അക്ബർ അന്തോണി, വിക്രമാദിത്യൻ എന്നി ചിത്രങ്ങളിൽ കേന്ദ്രകഥാപാത്രങ്ങളായി അഭിനയിച്ചിട്ടുണ്ട്. നാദിർഷാ സംവിധാനം ചെയ്ത ചിത്രം ‘ഈശോ’ ആണ് നമിത അവസാനമായി അഭിനയിച്ചത്. 

കാത്തിരിപ്പിനൊടുവിൽ ഫഡ്ജും സുശാന്തിന്റെ അരികിലേക്ക് എത്തിയിരിക്കുന്നു.  അന്തരിച്ച നടൻ സുശാന്ത് സിംഗ് രാജ്പുത്തിന്റെ പ്രിയപ്പെട്ട വളർത്തുനായ ആരാധകർക്കിടയിലും പ്രിയങ്കരനാണ്.സുശാന്തിന്റെ മരണവേളയിൽ, സുശാന്ത് പോയതറിയാതെ യജമാനനെയും കാത്തിരിക്കുന്ന ഫഡ്ജിന്റെ ചിത്രങ്ങളും വീഡിയോകളും ആരാധകരുടെ കണ്ണും മനസ്സും നിറയിച്ചതായിരുന്നു. “ഫഡ്ജ്, ഒടുവിൽ നീ നിന്റെ സുഹൃത്തിനൊപ്പം സ്വർഗത്തിൽ ചേർന്നിരിക്കുന്നു” എന്നാണ് സുശാന്തും ഫഡ്ജും ഒന്നിച്ചിരിക്കുന്ന ചിത്രങ്ങൾ പങ്കുവെച്ചുകൊണ്ട് സുശാന്തിന്റെ സഹോദരി പ്രിയങ്ക സിംഗ് കുറിച്ചത്. സുശാന്തിന്റെ സഹോദരി പ്രിയങ്ക സിംഗ് തന്നെയാണ് ഫഡ്ജിന്റെ മരണവിവരം സമൂഹമാധ്യമങ്ങളിലൂടെ പുറത്തു വിട്ടത്.

സുശാന്തിന്റെ നിരവധി ആരാധകരും ഫഡ്ജിനു ആദരാഞ്ജലികൾ നേർന്നിട്ടുണ്ട്. നിത്യശാന്തി ഫഡ്ജ് ഒന്നും പറയാനില്ല. ഇത് ഞങ്ങൾക്കെല്ലാവർക്കും ഹൃദയം തകർക്കുന്ന വാർത്തയാണ്. പക്ഷെ ഫഡ്ജ് സുശാന്തിന്റെ യഥാർത്ഥ സുഹൃത്താണ്, എന്നേക്കും അവനോടൊപ്പം സന്തോഷത്തോടെ ജീവിക്കാൻ സുഹൃത്തിന്റെ അടുത്തേക്ക് പോയി, എന്നാണ് ആരാധകരുടെ കമെന്റുകൾ. 2020 ജൂണിൽ സുശാന്തിന്റെ മരണശേഷം സുശാന്തിന്റെ പിതാവ് ഫഡ്ജിനെ പാറ്റ്നയിലേക്ക് കൊണ്ടുപോകുകയായിരുന്നു. അതിനുശേഷം സുശാന്തിന്റെ സഹോദരിപുത്രി മല്ലിക സിംഗിനോടൊപ്പമായിരുന്നു ഈ ബ്ലാക്ക് ലാബ്രഡോറിന്റെ താമസം. സുശാന്തിന്റെ മരണത്തിനു കുറച്ചുദിവസങ്ങൾക്ക് ശേഷം, ഓരോ തവണയും വാതിൽ തുറക്കുമ്പോഴും അവൻ പ്രതീക്ഷയോടെ നോക്കുന്നു, എന്നുള്ള കുറിപ്പോടെ മല്ലിക ഫഡ്ജിന്റെ ചിത്രം പങ്കുവെച്ചിരുന്നു.

മലയാളത്തിന്റെ ലേഡി സൂപ്പർ സ്റ്റാർ മഞ്ജു വാര്യർ തെന്നിന്ത്യയും കടന്ന് ബോളിവുഡിൽ അഭിനയിക്കാൻ ഒരുങ്ങുകയാണ്. ഒരു നീണ്ട ഇടവേളയ്ക്കു ശേഷം മലയാള സിനിമ രംഗത്തേക്ക് തിരിച്ചെത്തിയ മഞ്ജു വാര്യർ പാൻ ഇന്ത്യൻ താരമായി മാറുകയാണ്. ഹിന്ദി ചിത്രവുമായി ബന്ധപ്പെട്ട വിവരങ്ങളൊന്നും മഞ്ജു ഇതു വരെ പുറത്തുവിട്ടിരുന്നില്ല. എന്നാൽ ഇപ്പോൾ പേർളി മാണിക്ക്‌ നൽകിയ ഒരു അഭിമുഖത്തിലായിരുന്നു മഞ്ജുവിന്റെ പ്രതികരണം. ഷാരുഖ് ഖാന്റെ അടുത്ത ചിത്രത്തിലെ നായിക മഞ്ജു വാര്യറാണെന്നു പറയുന്നല്ലോ, അറിഞ്ഞില്ലേ എന്ന് പേർളി ചോദിച്ചു. ‘ആണോ, ഞാൻ അറിഞ്ഞിരുന്നില്ല ‘ അതു സസ്പെൻസാക്കി വെച്ചിരിക്കുകയാണ് ‘ എന്നായിരുന്നു മഞ്ജുവിന്റെ മറുപടി. സോഷ്യൽ മീഡിയയിൽ കണ്ടത് ഞാൻ വിശ്വസിച്ചുപോയെന്നു പേർളി പറഞ്ഞപ്പോൾ, അങ്ങനെ സോഷ്യൽ മീഡിയയിൽ കണ്ടതൊന്നും വിശ്വസിക്കരുതെന്നും മഞ്ജു മറുപടി നൽകി.

വാർത്ത കേൾക്കാൻ നല്ല  സുഖമുണ്ടെങ്കിലും ഇക്കാര്യം കിംഗ് ഖാൻ അറിയെണ്ടെന്നും തമാശയിലൂടെ മഞ്ജു പേർളിയോട്  പറഞ്ഞു. ഇതിനു പിന്നാലെ തന്റെ ഹിന്ദി ചിത്രത്തിന്റെ വിശേഷങ്ങളും താരം പങ്കുവെച്ചു. ഷൂട്ടിംഗ് പകുതി കഴിഞ്ഞു, ബാക്കി പകുതി ഷൂട്ട്‌ ചെയ്യാനുമുണ്ട്. കിംഗ് ഖാൻ അല്ല നായകൻ, മാധവനാണ് നായകനെന്നും മഞ്ജു പറഞ്ഞു. “അമേരികി പണ്ഡിറ്റ്‌ ” എന്നാണ് മഞ്ജുവിന്റെ ഹിന്ദി ചിത്രത്തിന്റെ പേര്.