വുമൺ ഇൻ സിനിമ കളക്ടീവിന്റെ ഭാ​ഗമായതിൽ ഒരുപാട് പരിഹാസങ്ങൾ നേരിട്ടിട്ടുണ്ടെന്നും നിലനിൽപ്പിനായി ഇതൊന്നും തന്നെ ബാധിക്കില്ലെന്ന് കരുതി കണ്ണടക്കുന്ന പ്രബുദ്ധ സിനിമാ പ്രവർത്തകർ ചുറ്റുമുണ്ടെന്നും നടി സജിത മഠത്തിൽ.

ഇഷ്ടപ്പെട്ട തൊഴിലിൽ നിന്ന് ഒഴിവാക്കപ്പെടുന്നതിൽ, സിനിമാ കൂട്ടായ്മയിൽ രോഗം ബാധിച്ചവരെ പോലെ മാറ്റി നിർത്തുന്നതിൽ എല്ലാം വേദന തോന്നിയിട്ടുണ്ട്. വരും കാലങ്ങളിലെങ്കിലും മലയാള സിനിമയിൽ സ്ത്രീകൾക്ക് അന്തസോടെ പ്രവർത്തിക്കാൻ സാധിക്കുമെങ്കിൽ ഇതുവരെയുണ്ടായതെല്ലാം മറക്കാനാകുമെന്നും സജിത ഫേസ്ബുക്കില്‍ പങ്കുവച്ച് കുറിപ്പില്‍ പറയുന്നു.

സജിത മഠത്തില്‍ പങ്കുവച്ച കുറിപ്പി​െ​ന്‍റ പൂര്‍ണരൂപം:

കഴിഞ്ഞ രണ്ട് ദിവസങ്ങൾ ആഹ്ലാദത്തിൻ്റെയും ആത്മവിശ്വാസം വീണ്ടെടുപ്പിൻ്റെതുമായിരുന്നു. ഹേമ കമ്മിറ്റി റിപ്പോർട്ട് പുറത്തു വരാൻ പ്രയത്നിച്ച മാധ്യമ പ്രവർത്തകരടക്കമുള്ള എല്ലാ പ്രിയപ്പെട്ടവർക്കും നന്ദി.WCC എന്ന സംഘടനയുടെ ഭാഗമായതിൻ്റെ പേരിൽ പരിഹാസങ്ങൾ കുറെ കേട്ടിട്ടുണ്ട്. ഇഷ്ടപ്പെട്ട തൊഴിലിൽ നിന്ന് ഒഴിവാക്കപ്പെടുന്നതിൽ, സിനിമാ കൂട്ടായ്മയിൽ രോഗം ബാധിച്ചവരെ പോലെ മാറ്റി നിർത്തുന്നതിൽ, എല്ലാം വേദനിച്ചിട്ടുണ്ട്.

സ്വന്തം നിലനിൽപ്പിനായി നിശ്ശബ്ദമായി, ഇതൊന്നും എന്നെ ബാധിക്കില്ല എന്നു വിചാരിക്കുന്ന പ്രബുദ്ധ സിനിമാ പ്രവർത്തകർ ചുറ്റുമുണ്ട്. എല്ലാം അറിഞ്ഞിട്ടും കണ്ണടക്കുന്നവർ ! എനിക്കവരാവാൻ എത്ര ശ്രമിച്ചാലും സാധിക്കില്ല.അടുത്ത തലമുറയിലെ സ്ത്രീകൾക്കെങ്കിലും dignity യോടെ മലയാള സിനിമാ ലോകത്ത് പണിയെടുക്കാൻ കഴിഞ്ഞാൽ ഇന്ന് അനുഭവിക്കുന്ന പ്രയാസങ്ങൾ മറക്കാൻ എനിക്കാവും.നിങ്ങൾ അംഗീകരിച്ചാലും ഇല്ലെങ്കിലും WCC ഇവിടെ തന്നെയുണ്ട്. മുന്നോട്ടു തന്നെ.

https://www.facebook.com/sajitha.madathil/posts/10160360991276089?ref=embed_post

this is a day of victory Sajitha Madathil about hema committee report

മന്ത്രിയായിരിക്കുമ്പോൾ തന്നെ സിനിമ അഭിനയം തുടരുന്നതിലെ തടസ്സങ്ങൾ തുറന്നടിച്ച് നടൻ സുരേഷ് ​ഗോപി. സിനിമ ചെയ്യുന്നതിന്റെ പേരില്‍ മന്ത്രി സ്ഥാനത്ത് നിന്ന് മാറ്റി നിര്‍ത്തിയാല്‍ താന്‍ രക്ഷപ്പെട്ടന്ന് കരുതുമെന്ന് സുരേഷ് ഗോപി പ്രതികരിക്കുന്നു. കേന്ദ്ര കഥാപാത്രത്തെ അവതരിപ്പിക്കുന്ന ‘ഒറ്റക്കൊമ്പന്‍’ ചിത്രീകരണം സെപ്തംബര്‍ ആറിനാണ് ആരംഭിക്കുന്നത്. അതിനാല്‍ മന്ത്രിയുടെ ഉത്തരവാദിത്തം നിറവേറ്റാനുള്ള സൗകര്യം സിനിമാ സെറ്റില്‍ ഉണ്ടാകണമെന്നാണ് ആഗ്രഹമെന്നും സുരേഷ് ഗോപി പറഞ്ഞു.

‘സിനിമ ഞാന്‍ ചെയ്യും. അനുവാദം ചോദിച്ചെങ്കിലും കിട്ടിയില്ല. പക്ഷേ സെപ്തംബര്‍ ആറാം തീയതി ഒറ്റക്കൊമ്പന്‍ തുടങ്ങുകയാണ്. എല്ലാവരുടെയും ആശിര്‍വാദം ഉണ്ടാവണം. ഏതാണ്ട് 22 സിനിമയുടെ സ്‌ക്രിപ്റ്റാണ് ആര്‍ത്തിയോടെ ചെയ്യാമെന്ന് സമ്മതിച്ചത്. ഇനി 22 സിനിമയോളം ചെയ്യാനുണ്ടെന്ന് പറഞ്ഞപ്പോള്‍ അമിത് ഷാ ആ പേപ്പറുകെട്ട് അങ്ങനെയെടുത്ത് ഒരു സൈഡിലേക്ക് എറിഞ്ഞു. പക്ഷേ, അനുവാദം നല്‍കാമെന്ന് പറഞ്ഞിട്ടുണ്ട്. സെപ്തംബര്‍ ആറിന് ഞാനിങ്ങ് പോരും. എന്റെ ജോലി ചെയ്യാനായി മിനിസ്ട്രിയില്‍ നിന്നുള്ള മൂന്നോ നാലോ പേര്‍ക്ക് ഞാന്‍ അല്ലെങ്കില്‍ പ്രൊഡ്യൂസര്‍ ഒരു കാരവാന്‍ എടുത്ത് കൊടുക്കും’ – സുരേഷ് ഗോപി പറഞ്ഞു.

ഇനി അതിന്റെ പേരില്‍ അവര്‍ പറഞ്ഞയക്കുമെങ്കില്‍ ഞാന്‍ രക്ഷപ്പെട്ടു. എങ്കില്‍ എനിക്ക് തൃശൂര്‍ക്കാരെ കൂടുതല്‍ പരിഗണിക്കാന്‍ പറ്റും. എനിക്ക് ഇവിടെ തന്നെ നില്‍ക്കാം. ഇപ്പോള്‍ പക്ഷേ അതിന് പറ്റുന്നില്ല. തൃശൂര്‍ക്കാര്‍ക്കാണ് എന്നെ ഇപ്പോള്‍ പൂര്‍ണമായി കിട്ടാത്തത്. ഞാനിതൊന്നും ആഗ്രഹിച്ചതും മോഹിച്ചതുമല്ല. പക്ഷേ, ഒറ്റ ചോദ്യത്തിന് മുന്നില്‍ ഞാന്‍ മുട്ടുകുത്തി. കേരളത്തിലെ ആദ്യ സംഭവമാണ്. രാഷ്ട്രീയ ചരിത്രമാണ്. നിങ്ങളെ ജയിപ്പിച്ചയച്ചത് ഒരു സമൂഹത്തിന്റെ ദൃഢനിശ്ചയമാണ്. അങ്ങനെയുള്ള ജനതയ്ക്ക് തിരിച്ചൊരു സമ്മാനം നല്‍കാനുണ്ട്. അതാണ് നിങ്ങളുടെ മന്ത്രിക്കസേര എന്ന് പറഞ്ഞപ്പോള്‍ എനിക്ക് വഴങ്ങേണ്ടി വന്നതാണ്. എന്റെ നേതാക്കളെ എന്നും ഞാന്‍ അനുസരിക്കും. പക്ഷേ, സിനിമ എന്റെ പാഷനാണ്. അതില്ലെങ്കില്‍ ഞാന്‍ ചത്തുപോകും’- സുരേഷ് ഗോപി പറഞ്ഞു.

Amit Shah took out the bundle of papers when he said that he had 22 films to do; Suresh Gopi

കോട്ടയം: റോബിൻ ബസിനെതിരെ കേരള മോട്ടോർ വെഹിക്കിൾ ഡിപ്പാർട്ട്മെന്റ് രൂക്ഷമായ കടന്നുകയറ്റം തുടരുമ്പോൾ, പ്രതിസന്ധികളെ വെല്ലുവിളിച്ച് രം​ഗത്തെത്തുകയാണ് ബസ് ഉടമയായ റോബിൻ ​ഗിരീഷ്. പുനലൂർ– കോയമ്പത്തൂർ റൂട്ടിൽ റോബിന്റെ പുതിയ ബസ്. ടാറ്റ മാർക്കൊപോളൊയുടെ എസി ബസാണ് സർവീസ് നടത്തുന്നത്. നേരത്തെയുണ്ടായിരുന്ന പത്തനംതിട്ടയ്ക്ക് പകരം പുനലൂരിൽ നിന്നാണ് ഇത്തവണ സർവീസ് തുടങ്ങുന്നത്. ചില്ല് ഘടിപ്പിച്ച ബസിൽ മഴക്കാലത്തെ യാത്ര ദുരിതമായതോടെയാണ് എസി ബസ് വാങ്ങിയതെന്നും റോബിൻ പറയുന്നു. പഴയ ടിക്കറ്റ് നിരക്കില്‍ മാറ്റം വരുത്താതെയാണ് പുതിയ ബസ് സര്‍വീസ് നടത്തുക. കെ.എസ്.ആര്‍ടിസി പത്തനംതിട്ടയില്‍ നിന്നും എസി ബസ് കോയമ്പത്തൂരിലേക്ക് സര്‍വീസ് നടത്തിയിരുന്നു. ഇതുകൂടി കണക്കാക്കിയാണ് പുതിയ ബസ് റോബിനും നിരത്തില്‍ ഇറക്കിയിരിക്കുന്നത്.
എസി, മൊബൈല്‍ ചാര്‍ജര്‍ പിന്‍ പോയിന്റുകള്‍ പുഷ് ബാക്ക് സീറ്റ് എന്നിവ ഉള്‍പ്പെടെയുള്ള സൗകര്യമങ്ങളുമാണ് റോബിന്‍ വീണ്ടും നിരത്തില്‍ ഇറങ്ങുന്നത്. ആദ്യമായിട്ടാണ് ടാറ്റ മാർക്കൊപോളോ ബസ് ഈ സെഗ്‌മെന്റിൽ ഉപയോഗിക്കുന്നത്. 160 ബിഎച്ച്പി കരുത്തുള്ള 3.3 ലീറ്റർ നാലു സിലിണ്ടർ എൻജിനാണ് ബസിൽ.

പുനലൂരിൽ നിന്നു പുലർച്ചെ 4ന് ആരംഭിച്ച് 10ന് കോയമ്പത്തൂരിൽ എത്തുന്നതാണ് സർവീസ്. ഇതിനു തൃശൂർ ആർടി ഓഫിസിൽ അപേക്ഷ നൽകിയെന്ന് ബസ് ഉടമ റോബിൻ ഗിരീഷ് പറയുന്നു. 2023 ഓഗസ്റ്റ് 30നാണ് റോബിൻ ബസ് കോയമ്പത്തൂർക്ക് സ്റ്റേജ് ക്യാരേജ് സർവീസ് ആരംഭിച്ചത്, സര്‍വീസ് നടത്തിയപ്പോള്‍ തന്നെ വിവാദമായിരുന്നു. കോഴിക്കോട് സ്വദേശിയുടെ ബസ് വാടകയ്ക്ക് എടുത്താണ് റോബിന്‍ ഗിരീഷ് അന്നു പ്രതിദിന സര്‍വീസ് നടത്തിയത്. ഓള്‍ ഇന്ത്യ പെര്‍മിറ്റ് സര്‍വീസില്‍ ഓടിയിരുന്ന ബസിന്റെ പെര്‍മിറ്റ് കാലാവധി കഴിഞ്ഞതിനെ തുടർന്ന് സർവീസ് അവസാനിച്ചിരുന്നു. തുടര്‍ന്നാണ് സര്‍വീസ് നിരത്തില്‍ നിന്നും പിന്‍വലിച്ചത്.

Robin bus issue

നടൻ മോഹന്‍ലാല്‍ ആശുപത്രിയില്‍. പനിയും ശ്വാസതടസവും നേരിട്ടതിന് പിന്നാലെയാണ് നടനെ ആശുപത്രിയില്‍ പ്രവേശിപ്പിച്ചത്. കൊച്ചിയിലെ അമൃത ആശുപത്രിയില്‍ ചികിത്സയിലാണ് താരം ഇപ്പോള്‍. ആശുപത്രി അധികൃതരാണ് നടന്റെ അസുഖവിവരം പുറത്തുവിട്ടത്.

മോഹന്‍ലാലിന് ശ്വാസകോശ സംബന്ധമായ അണുബാധയുണ്ടെന്ന് സംശയമുണ്ട്. താരത്തിന് അഞ്ചുദിവസത്തെ വിശ്രമമാണ് ഡോക്ടര്‍മാര്‍ നിര്‍ദേശിച്ചിരിക്കുന്നത്. തിരക്കുള്ള സ്ഥലങ്ങളില്‍ സന്ദര്‍ശനം ഒഴിവാക്കണമെന്നും നിര്‍ദേശമുണ്ട്. മോഹന്‍ലാല്‍ സുഖം പ്രാപിച്ചു വരുന്നതായും ആശുപത്രിയില്‍ നിന്നുള്ള മെഡിക്കല്‍ ബുള്ളറ്റിനില്‍ പറയുന്നു.

Mohanlal in hospital he is experiencing shortness of breath

കേരള സർക്കാർ ഓട്ടോറിക്ഷ പെർമിറ്റ് നിയമങ്ങളിൽ വലിയൊരു മാറ്റം വരുത്തിയിരിക്കുന്നു. ഇനി മുതൽ ഓട്ടോറിക്ഷകൾക്ക് സംസ്ഥാനത്തെവിടെയും സർവീസ് നടത്താം. ഈ തീരുമാനം ഓട്ടോ തൊഴിലാളികൾക്ക് ആശ്വാസമാണെങ്കിലും, ഗതാഗത സുരക്ഷയെക്കുറിച്ചുള്ള ആശങ്കകളും ഉയർന്നുവരുന്നു.

വിശദീകരണം:

• പഴയ നിയമം: മുമ്പ് ഓട്ടോറിക്ഷകൾക്ക് സ്വന്തം ജില്ലയിൽ നിന്ന് 20 കിലോമീറ്റർ ചുറ്റളവിൽ മാത്രമേ സർവീസ് നടത്താൻ അനുവാദമുണ്ടായിരുന്നുള്ളൂ. ദീർഘദൂര യാത്രകൾ അപകടകരമായിരിക്കുമെന്നായിരുന്നു ഈ നിയമത്തിനു പിന്നിലെ കാരണം.
• പുതിയ നിയമം: പുതിയ നിയമപ്രകാരം ഈ നിയന്ത്രണം നീക്കം ചെയ്തിരിക്കുന്നു. ഇനി മുതൽ ഓട്ടോറിക്ഷകൾക്ക് കേരളത്തിലെ ഏത് സ്ഥലത്തേക്കും സർവീസ് നടത്താം.
• സിഐടിയുവിന്റെ പങ്ക്: ഓട്ടോ തൊഴിലാളികളുടെ സംഘടനയായ സിഐടിയു ഈ ഇളവ് വരുത്തണമെന്ന് നിരന്തരം ആവശ്യപ്പെട്ടിരുന്നു.
• ആശങ്കകൾ:
  • അപകട സാധ്യത: ഓട്ടോറിക്ഷകൾ ദീർഘദൂര യാത്രകൾക്ക് അനുയോജ്യമല്ല. സീറ്റ് ബെൽറ്റ് പോലുള്ള സുരക്ഷാ സംവിധാനങ്ങളുടെ അഭാവം അപകട സാധ്യത വർദ്ധിപ്പിക്കുന്നു.
  • അതിവേഗ പാതകൾ: സംസ്ഥാനത്ത് അതിവേഗ പാതകൾ വരുന്ന സാഹചര്യത്തിൽ ഓട്ടോറിക്ഷകൾക്ക് അവിടെ സഞ്ചരിക്കുന്നത് അപകടകരമാണ്.
• ഉദ്യോഗസ്ഥരുടെ ആശങ്ക: മോട്ടോർ വാഹന വകുപ്പിലെ ഉദ്യോഗസ്ഥർ ഈ തീരുമാനത്തെ എതിർത്തിരുന്നു. അവർ അപകട സാധ്യതയെക്കുറിച്ച് നിരവധി തവണ മുന്നറിയിപ്പ് നൽകിയിരുന്നു.

സമൂഹമാധ്യമങ്ങളിലെ പ്രതികരണങ്ങൾ:

• ഓട്ടോ തൊഴിലാളികൾ ഈ തീരുമാനത്തെ സ്വാഗതം ചെയ്യുന്നു.
• ഗതാഗത സുരക്ഷയെക്കുറിച്ച് ആശങ്ക ഉയർത്തുന്നവരുമുണ്ട്.
• ഈ തീരുമാനം ഗതാഗതത്തിൽ എന്ത് മാറ്റങ്ങൾ ഉണ്ടാക്കുമെന്ന് കാത്തിരുന്ന് കാണണം.

നിങ്ങളുടെ അഭിപ്രായം:

ഈ തീരുമാനത്തെക്കുറിച്ച് നിങ്ങളുടെ അഭിപ്രായം എന്താണ്? ഓട്ടോ തൊഴിലാളികളുടെ അവകാശങ്ങളും ഗതാഗത സുരക്ഷയും തമ്മിലുള്ള സന്തുലനം എങ്ങനെ കൈവരിക്കാം?

മുംബൈ: മുംബൈ നഗരത്തില്‍ ഓടുന്ന ബെസ്റ്റ് ബസുകളില്‍ യാത്രക്കാരുടെ എണ്ണം കുറയുന്നതായി റിപ്പോര്‍ട്ട്. മെട്രോയുടെ കടന്നുവരവോടെയാണ് മുംബൈ നിരത്തുകളിൽ ബസുകൾ കാലിയായി ഓടുന്നതെന്ന് പരക്കെ ആക്ഷേപം.
കഴിഞ്ഞ 15 വര്‍ഷത്തിനുള്ളില്‍ ഒന്‍പത് ലക്ഷത്തോളം പേരാണ് ബെസ്റ്റ് ബസ് യാത്രയില്‍നിന്ന് ഒഴിവായത്. 2009-ല്‍ ദിവസം 44 ലക്ഷത്തോളം പേരായിരുന്നു ബെസ്റ്റ് ബസില്‍ യാത്ര ചെയ്തിരുന്നത്. എന്നാല്‍ 2024-ല്‍ ഇത് 35 ലക്ഷമായി കുറഞ്ഞു. ഇതോടെ ബസില്‍നിന്നുള്ള വരുമാനവും കുറഞ്ഞു. ഇതേത്തുടര്‍ന്ന് ‘ബെസ്റ്റിനെ രക്ഷിക്കൂ…’ എന്ന പ്രചരണം ബെസ്റ്റ് ആരംഭിച്ചിരിക്കുകയാണ്. ബെസ്റ്റ് ബസുകളില്‍ യാത്രചെയ്യാന്‍ യാത്രക്കാരെ പ്രേരിപ്പിക്കാന്‍ ജനങ്ങളുടെ പിന്തുണ കൂടിയാണ് ഇതിലൂടെ അഭ്യര്‍ഥിക്കുന്നത്

ബസ്സുകളുടെ എണ്ണം കുറഞ്ഞതാണ് യാത്രക്കാരെ ഏറെ വലയ്ക്കുന്നത്. മാത്രമല്ല കൃത്യ സമയത്ത് ഓടുന്നില്ല എന്നതും. പല ബസ് സ്റ്റോപ്പുകളിലും രാവിലെയും വൈകീട്ടും യാത്രക്കാരുടെ നീണ്ടനിര കാണാം. ഈ ബുദ്ധിമുട്ടുകളൊക്കെ ഒഴിവാക്കാന്‍ ബസ് യാത്രക്കാര്‍ മറ്റുവഴികള്‍ നോക്കുകയാണ്. ബസുകളുടെ എണ്ണംകുറച്ചതോടെ പല റൂട്ടുകളിലും ഇപ്പോള്‍ ബസ് ഓടാത്ത അവസ്ഥയായി.

ഒരിടയ്ക്ക് മിനിമംചാര്‍ജ് പത്തു രൂപയായി വര്‍ധിപ്പിച്ചതോടെ ബെസ്റ്റ് ബസിലെ ഒരു ദിവസത്തെ യാത്രക്കാരുടെ ശരാശരി എണ്ണം 30-ലക്ഷത്തിലും കുറഞ്ഞിരുന്നു. പിന്നീട് മിനിമം നിരക്ക് അഞ്ചു രൂപയാക്കുകയും മിനിമംയാത്ര മൂന്നുകിലോമീറ്ററോളമാക്കി വര്‍ധിപ്പിക്കുകയും ചെയ്തതോടെയാണ് യാത്രക്കാര്‍ കൂടിയത്. എന്നിട്ടും വന്‍നഷ്ടത്തിലാണ് ബെസ്റ്റിന്റെ ബസ് സര്‍വീസ് നടക്കുന്നത്.

Mumbai residents depend on Metro; Skip the bus ride?