ഹാരി പോട്ടറിന്റെ റീബൂട്ട് സിനിമയെത്തുന്നു എന്നത് മുമ്പ് വലിയ വാർത്തയായിരുന്നു. അതിനായി കഴിഞ്ഞ വർഷം മാസങ്ങൾ നീണ്ട ഗ്ലോബൽ കാസ്റ്റിങ് കോളുകൾ വിളിച്ചിരുന്നു. ഇപ്പോൾ ഈ സിനിമയിലെ കാസ്റ്റിങ് പുറത്തുവിട്ടിരിക്കുകയാണ് എച്ച്.ബി.ഒ.ഡൊമിനിക് മക്ലോഗിൻ ഹാരി പോട്ടറായും അറബെല്ല സ്റ്റാന്റൺ ഹെർമാനിയായും അലിസ്റ്റർ സ്റ്റൗട്ട് റോൺ വീസ്ലിയായും വേഷമിടും. ഓഡീഷനെത്തിയ 30,000 കുട്ടികളിൽ നിന്നാണ് മൂവരെയും തിരഞ്ഞെടുത്തത്. റോൺ വീസ്ലിയായി വേഷമിടുന്ന അലിസ്റ്റർ സ്റ്റൗട്ട് ആദ്യമായാണ് അഭിനയിക്കുന്നത്. ഡൊമിനിക് മക്ലോഗിനും അറബെല്ല സ്റ്റാന്റനും മുമ്പ് ഓരോ സീരീസുകളിൽ ചെറിയ വേഷങ്ങളിൽ അഭിനയിച്ചിട്ടുണ്ട്.
കാസ്റ്റിങ് പുറത്ത് വിട്ടതിന് പിന്നാലെ സോഷ്യൽ മീഡിയ പ്ലാറ്റ്‌ഫോമുകളിൽ പുതിയ കാസ്റ്റിങ്ങിനെ വിമർശിച്ചുകൊണ്ട് പോസ്റ്റുകൾ പ്രത്യക്ഷപ്പെടുന്നുണ്ട്. എച്ച്.ബി.ഒ കമന്റ് സെക്ഷനുകൾ ഓഫ് ചെയ്തിട്ടുണ്ട്. അതേസമയം കുട്ടി അഭിനേതാക്കളെ സപ്പോർട്ട് ചെയ്തു കൊണ്ടും നിരവധിയാളുകൾ സോഷ്യൽ മീഡിയയിൽ എത്തിയിട്ടുണ്ട്. രണ്ട് മാസത്തിനകം പുതിയ പരമ്പരയുടെ ചിത്രീകരണം ആരംഭിക്കും. ഹാരി പോട്ടർ പരമ്പരയിലെ പ്രധാന വില്ലൻ കഥാപാത്രമായി വോൾഡ്മോർട്ടായി ഇനി ആരെത്തും എന്ന് മാത്രമാണ് അറിയാനുള്ളത്. ഹാരി പോട്ടർ സിനിമയിൽ റെയ്ഫ് ഫൈൻസായിരുന്നു വോൾഡ്മോർട്ട് ആയി വേഷമിട്ടത്.
നഗര, ഗ്രാമ വ്യത്യാസമില്ലാതെ കേരളത്തിലെ പലയിടത്തും അഭിമുഖീകരിക്കുന്ന പ്രശ്‌നമാണ് മനുഷ്യരും നാടന്‍ കുരങ്ങുകളുമായുള്ള (ബോണറ്റ് മക്കാക്ക്) സംഘര്‍ഷം. ഇവയെ നിയന്ത്രിക്കുന്നതിനായി വനം വകുപ്പ് ‘മിഷന്‍ ബോണറ്റ് മക്കാക്ക്’ എന്ന പദ്ധതി ആവിഷ്‌കരിച്ച് നടപ്പിലാക്കിവരികയാണ്. ഇതിന്റെ അടിസ്ഥാനത്തില്‍ ജനങ്ങളുടെ ക്ഷേമവും നാടന്‍ കുരങ്ങുകളുടെ സംരക്ഷണവും ലക്ഷ്യം വച്ച് നൂതനവും ശാസ്ത്രീയവും ഫലപ്രദവുമായ ദീര്‍ഘകാല മാര്‍ഗങ്ങള്‍ ആവിഷ്‌കരിക്കുന്നതിത് സംസ്ഥാന വനം വകുപ്പ് മെയ് 28 ന് തിരുവനന്തപുരം പി.ടി.പി. നഗറിലെ ഫോറസ്റ്റ് കോപ്ലക്‌സില്‍ ശില്പശാല സംഘടിപ്പിക്കുന്നു.
സംസ്ഥാന വനം മേധാവി രാജേഷ് രവീന്ദ്രന്‍ അദ്ധ്യക്ഷത വഹിക്കുന്ന ചടങ്ങില്‍ വനം-വന്യജീവി വകുപ്പ് മന്ത്രി എ.കെ. ശശീന്ദ്രന്‍ ശില്‍പ്പശാല ഉദ്ഘാടനം ചെയ്യും. മനുഷ്യനും നാടന്‍ കുരങ്ങുകളുമായുള്ള സംഘര്‍ഷത്തിന് മാനുഷികവും സുസ്ഥിരവും ശാസ്ത്രീയവുമായ സമീപനങ്ങള്‍ രൂപപ്പെടുത്തുന്നതിന് പ്രമുഖ വന്യജീവി വിദഗ്ദ്ധര്‍, ശാസ്ത്രജ്ഞര്‍, നയരൂപീകരണ വിദഗ്ദ്ധര്‍ എന്നിവര്‍ ശില്പശാലയില്‍ പങ്കെടുക്കും. മൈസൂര്‍ സര്‍വ്വകലാശാലയില്‍ നിന്നുള്ള പ്രൊഫ. മേവാസിംഗ്, കോയമ്പത്തൂര്‍ ടഅഇഛച ലെ ശാസ്ത്രജ്ഞന്‍ ഡോ. എച്ച്.എന്‍. കമാര, CCMB ഹൈദരാബാദില്‍ നിന്നുള്ള ഡോ. ജി. ഉമാപതി, ഹിമാച്ചല്‍ പ്രദേശിലെ മൃഗസംരക്ഷണ വകുപ്പ് ചീഫ് വെറ്റിനറി ഓഫീസര്‍ ഡോ. സന്ദീപ് രത്തന്‍, ചീഫ് ഫോറസ്റ്റ് വെറ്റിനറി ഓഫീസര്‍ ഡോ. അരുണ്‍ സക്കറിയ അസി. ഫോറസ്റ്റ് വെറ്റിനറി ഓഫീസര്‍ ഡോ. അനുരാജ് ആര്‍ എന്നിവര്‍ സെമിനാറില്‍ വിഷയങ്ങള്‍ അവതരിപ്പിക്കും.
ആവാസ വ്യവസ്ഥയുടെ ശിഥിലീകരണം, നഗരവത്ക്കരണം, കാര്‍ഷിക വിളകളുടെ സ്വാധീനം തുടങ്ങി പലവിധ കാരണങ്ങളാല്‍ സംജാതമാകുന്നതും വര്‍ദ്ധിച്ചു വരുന്നതുമായ മനുഷ്യ-നാട്ടു കുരങ്ങ് സംഘര്‍ഷം ഉയര്‍ത്തുന്ന സങ്കീര്‍ണ്ണമായ വെല്ലുവിളികളെ ഫലപ്രദമായി അഭിസംബോധന ചെയ്യുന്നതിനുള്ള നൂതന ശാസ്ത്രീയ മാര്‍ഗങ്ങള്‍ രൂപപ്പെടുത്തുക എന്നതാണ് ശില്‍പ്പശാലയുടെ ഉദ്ദേശം. കര്‍ഷകരുടെയും കര്‍ഷക സംഘടനകളുടെയും ദീര്‍ഘകാലമായുള്ള ആവശ്യം പരിഗണിച്ചാണ് വനം വകുപ്പ് ‘മിഷന്‍ ബേണറ്റ് മക്കാക്ക’് രൂപം നല്‍കിയിട്ടുള്ളത്. ഇതിലൂടെ നാടന്‍ കുരങ്ങുകള്‍ മൂലമുണ്ടാകുന്ന സംഘര്‍ഷങ്ങളുടെ കാരണങ്ങളും, പൊതുവായും പ്രാദേശിക പ്രതേ്യകതകള്‍ക്ക് അനുസരിച്ച് പ്രതേ്യകമായും പ്രതിവിധി സ്വീകരിക്കാവുന്ന നടപടികള്‍ ഉള്‍ക്കൊള്ളിച്ചും വിശദമായ പഠന റിപ്പോര്‍ട്ട് തയ്യാറാക്കും.
ചീഫ് വൈല്‍ഡ്‌ലൈഫ് വാര്‍ഡന്‍ പ്രമോദ് ജി. കൃഷ്ണന്‍, അഡീ. പ്രിന്‍സിപ്പല്‍ ചീഫ് ഫോറസ്റ്റ് കണ്‍സര്‍വേറ്റര്‍മാരായ ഡോ.പി. പുകഴേന്തി, ചന്ദ്രശേഖര്‍,ജസ്റ്റിന്‍ മോഹന്‍, ചീഫ് ഫോറസ്റ്റ് കണ്‍സര്‍വേറ്റര്‍, വൈല്‍ഡ് ലൈഫ് പ്രമോദ് പി എന്നിവരും സെമിനാറില്‍ ( രാവിലെ 9.30 മുതല്‍ വൈകുന്നേരം 4.00 മണിവരെ) .പങ്കെടുക്കും.
തിരുവനന്തപുരം: മഴക്കാലത്താണ് ഏറ്റവും കൂടുതൽ വാഹന അപകടങ്ങൾ പെരുകുന്നത്,. ട്രാക്കിൽ നിന്ന് വാഹനം തെന്നിമാറിയും കുഴിയിൽ വീണും വെള്ളക്കെട്ടിലേക്ക് അലക്ഷ്യമായി ഓടിച്ചുമെക്കെയാണ് അപകടത്തിൽപ്പെടുന്നത്. അവയിൽ നിന്ന് എങ്ങനെ മാറി നടക്കാം. അറിഞ്ഞിരിക്കാം ഇക്കാര്യങ്ങൾ. വാഹനം ഓടിക്കുമ്പോൾ പ്രത്യേകിച്ച് മഴക്കാലത്ത് ശ്രദ്ധിക്കേണ്ട ഇക്കാര്യങ്ങൾ നിങ്ങൾ അറിഞ്ഞിരിക്കണം .
പതുക്കെ പോയാൽ മതി ധൃതി വേണ്ട
മഴക്കാലത്ത് പലതവണ നിങ്ങൾക്ക് വെള്ളക്കെട്ടിലൂടെ വാഹനം ഓടിക്കേണ്ട സാഹചര്യം ഉണ്ടായേക്കാം. അത്യന്തം ശ്രദ്ധയോടെ മാത്രം ഇത്തരം സാഹചര്യത്തിൽ പെരുമാറുക. അമിത ആവേശം നിങ്ങളെ കുഴിയിൽ ചാടിച്ചേക്കാം. വെള്ളക്കെട്ടിലേക്ക് ഇറങ്ങും മുൻപ് മുന്നിലെ വാഹനങ്ങൾ പോവുന്നതും വരുന്നതും ശ്രദ്ധിക്കുക. ഇത് എത്രത്തോളം വെള്ളം മുന്നിലെ റോഡിലുണ്ടെന്നത് തിരിച്ചറിയാൻ സഹായിക്കും. വാഹനത്തിന്റെ പകുതി വരെ മുങ്ങാൻ വെള്ളമുണ്ടെങ്കിൽ മുന്നോട്ട് എടുക്കരുത്. സുരക്ഷിതമെന്നു കരുതുന്ന വെള്ളക്കെട്ടിലേക്ക് വാഹനം എടുക്കുകയാണെങ്കിൽ തന്നെ താഴ്ന്ന ഗിയറിൽ ഇട്ട് ഒരേ വേഗത്തിൽ വാഹനം മുന്നോട്ടെടുക്കാൻ ശ്രമിക്കുക.
ഹസാർഡ് ലൈറ്റ് വേണ്ട
മഴ കനക്കുമ്പോൾ ഹസാർഡ് ലൈറ്റ് ഇട്ടുകൊണ്ട് വാഹനങ്ങൾ പോവുന്നത് സാധാരണ കാഴ്ച്ചയായി മാറിയിട്ടുണ്ട്. മറ്റു വാഹനങ്ങൾക്ക് എളുപ്പം കാണുകയെന്ന ലക്ഷ്യത്തിലാണ് പലരും ഇതു ചെയ്യുന്നത്. എന്നാൽ ഇത് മണ്ടത്തരമാണെന്നാണ് വിദഗ്ധാഭിപ്രായം. എന്തെങ്കിലും സാഹചര്യത്തിൽ വാഹനം റോഡരികിൽ നിർത്തിയിടേണ്ടി വരുമ്പോൾ മാത്രമാണ് അപകടം ഒഴിവാക്കാൻ ഹസാർഡ് ലൈറ്റ് ഇടേണ്ടത്. ഓടിക്കൊണ്ടിരിക്കുന്ന വാഹനത്തിൽ ഹസാർഡ് ലൈറ്റ് ഇടുന്നത് മറ്റു വാഹനങ്ങൾക്ക് ആശയക്കുഴപ്പമുണ്ടാക്കാനും അതുവഴി അപകടമുണ്ടാവാനും ഇടയാക്കും. ഹെഡ്‌ലൈറ്റും ടെയിൽ ലൈറ്റുകളും ഫോഗ് ലൈറ്റുമെല്ലാം ശരിയായി ഉപയോഗിക്കുക മാത്രമാണ് പരിഹാരം.
കുഴി ശ്രദ്ധിക്കുക
മഴക്കാലത്ത് വെള്ളം നിറഞ്ഞു കിടക്കുന്ന കുഴികൾ മറ്റൊരു അപകട സാധ്യതയാണ്. കുഴിയുടെ ആഴം ചെളി വെള്ളം നിറഞ്ഞു കിടക്കുമ്പോൾ തിരിച്ചറിയുക അസാധ്യമാണ്. കുഴി ശ്രദ്ധയിൽ പെട്ടാൽ വഴി മാറി പോവുകയോ ബ്രേക്ക് പിടിച്ച് സാവധാനം പോവുകയോ മാത്രമാണ് സുരക്ഷിതം. സ്ഥിരം പോവുന്ന വഴിയാണെങ്കിലും മഴക്കാലത്ത് വെള്ളം നിറഞ്ഞിരിക്കുകയാണെങ്കിൽ സുരക്ഷിതമായ വേഗതയിൽ പോവുന്നതാണ് ഉചിതം. വെള്ളം കെട്ടി കിടക്കുന്നിടത്ത് വേഗത കൂട്ടി വെള്ളം തെറിപ്പിക്കുന്നതും മാന്യതക്ക് നിരക്കുന്ന പ്രവൃത്തിയല്ല. മാത്രമല്ല പ്രതീക്ഷിക്കുന്നതിലും ആഴം ഈ വെള്ളക്കെട്ടിനുണ്ടെങ്കിൽ വാഹനത്തിന്റെ നിയന്ത്രണം നഷ്ടപ്പെടാനും കാരണമായേക്കാം.
സുരക്ഷിത അകലം
മഴക്കാലത്ത് മറ്റു വാഹനങ്ങളുമായി കൂടുതൽ അകലം പാലിക്കുന്നതും നല്ലതാണ്. മഴ പെയ്യുമ്പോൾ മുന്നിലെ കാഴ്ച്ചകളും പിന്നിലേയും വശങ്ങളിലേയും കാഴ്ച്ചകളും മങ്ങലോടെയാവും കാണുക. ഇത് പ്രതികരിക്കാനുള്ള സമയം പിന്നെയും കുറക്കും. പെട്ടെന്ന് ബ്രേക്ക് പിടിക്കേണ്ട സാഹചര്യമുണ്ടായാൽ അത് അപകടത്തിൽ അവസാനിക്കാനും സാധ്യതയുണ്ട്. അതുകൊണ്ടുതന്നെ വേനലിൽ പാലിക്കുന്നതിനേക്കാൾ കൂടുതൽ സുരക്ഷിത അകലം മറ്റു വാഹനങ്ങളുമായി മഴക്കാലത്ത് പാലിക്കാൻ ശ്രദ്ധിക്കുക.
ഉണ്ണി മുകുന്ദനെതിരെ മാനേജർ വിപിൻ കുമാർ പൊലീസിൽ നൽകിയ പരാതി പുറത്ത്. ആറ് വർഷമായി കൂടെ പ്രവർത്തിച്ച തന്നെ നടൻ മാനസികമായി പീഡിപ്പിക്കുകയും തേജോവധം ചെയ്യുകയും ചെയ്തിട്ടുണ്ട് എന്നാണ് വിപിൻ പറയുന്നത്. ‘മാർക്കോ’ സിനിമയ്ക്ക് ശേഷം എത്തിയ ‘ഗെറ്റ് സെറ്റ് ബേബി’ പരാജയമായതിനാൽ ഉണ്ണി മുകുന്ദൻ സിനിമയിലെ അണിയറപ്രവർത്തകരോടും നായികയോടും അസ്വാരസത്തിലാണ്. സംവിധാനം ചെയ്യാനിരുന്ന ചിത്രത്തിൽ നിന്നും ശ്രീഗോകുലം മൂവീസ് പിന്മാറിയത് നടന് ഷോക്ക് ആയിരുന്നു. നരിവേട്ട സിനിമയെ പ്രശംസിച്ച് പോസ്റ്റ് ഇട്ടതിുന് പിന്നാലെ തന്നെ കാണണമെന്ന് പറഞ്ഞ് വിളിച്ച് അപായപ്പെടുത്തുകയായിരുന്നു. അദ്ദേഹത്തിന് ശത്രുതയുള്ള മറ്റൊരു നടൻ തന്ന തന്റെ കൂളിങ് ഗ്ലാസ് എറിഞ്ഞുടച്ചു. ക്രൂരമായി മർദ്ദിച്ചു. കൊന്ന് കളയുമെന്ന് ഭീഷണി പെടുത്തി എന്നൊക്കയാണ് വിപിൻ പരാതിയിൽ പറയുന്നത്.
വിപിൻ കുമാറിന്റെ പരാതി
കഴിഞ്ഞ ആറ് വർഷമായി ഞാൻ സിനിമാ താരം ഉണ്ണി മുകുന്ദന്റെ പ്രഫഷനൽ മാനേജരായി ജോലി ചെയ്ത് വരികയാണ്. കൂടാതെ കഴിഞ്ഞ പതിനെട്ട് വർഷമായി മറ്റ് പല താരങ്ങളുടെയും പിആർ വർക്കുകളും സിനിമാ പ്രമോഷൻ പ്രവർത്തനങ്ങളും ചെയ്തു വരികയാണ്. ഉണ്ണി മുകുന്ദന്റെ കൂടെ പ്രവർത്തിച്ച ഈ കാലയളവിലെല്ലാം എന്നെ അദ്ദേഹം മാനസികമായി പീഡിപ്പിക്കുകയും തേജോ വധം ചെയ്യുകയും ചെയ്തിട്ടുണ്ട്. അദ്ദേഹത്തിന്റെ കൂടെ മുൻകാലങ്ങളിൽ പ്രവർത്തിച്ച പലർക്കും ഇതേ അനുഭവങ്ങൾ ഉണ്ടായതിനെ തുടർന്ന് പുറത്തു പോയിട്ടുള്ളതാണ്. അദ്ദേഹത്തിന്റെ കരിയറിൽ വലിയ വിജയമായ ചിത്രമാണ് മാർക്കോ. എന്നാൽ അതിന് ശേഷം വന്ന ഗെറ്റ് സെറ്റ് ബേബി എന്ന ചിത്രം വൻ പരാജയമായി മാറി. അന്ന് ുമുതൽ അദ്ദേഹം മാനസികമായി വലിയ നിരാശയിലാണ്. ആ ചിത്രത്തിന്റെ അണിയറ പ്രവർത്തകരുമായും നായികയുമായും അദ്ദേഹം അസ്വാരസ്യത്തിലാണ്. അദ്ദേഹത്തോടൊപ്പം നിൽക്കുന്ന ആളെന്ന രീതിയിൽ ഈ പ്രശ്‌നങ്ങൾ പ്രഫഷനലായി എന്നേയും ബാധിച്ചിട്ടുണ്ട്.
പതിനഞ്ച് വർഷങ്ങൾക്ക് മുമ്പ് അദ്ദേഹം സംവിധാനം ചെയ്യുന്ന വലിയൊരു ചിത്രം ശ്രീഗോകുലം മൂവീസിന്റെ ബാനറിൽ അന്നൗൻസ് ചെയ്തിരുന്നു. എന്നാൽ നിർഭാഗ്യവശാൽ ശ്രീ ഗോകുലം മൂവീസ് ചിത്രത്തിൽ നിന്നും പിൻമാറി. അത് അദ്ദേഹത്തിന് വലിയ ഷോക്ക് ആയി മാറി. കൂടാതെ ഒരു പ്രമുഖ താരം അനൗൺസ് ചെയ്ത ചിത്രീകരണം ആരംഭിക്കാനിരുന്ന മറ്റൊരു ചിത്രം ഉണ്ണി മുകുന്ദൻ അതിന്റെ പ്രൊഡ്യൂസറോട് നിശ്ചയിച്ചിരിക്കുന്ന താരത്തെ ഒഴിവാക്കി തന്നെ വച്ച് ചെയ്യണമെന്ന് ആവശ്യപ്പെടുകയും ആ പ്രൊഡ്യൂസറോട് സംസാരിക്കാൻ എന്നെ നിയോഗിക്കുകയും ചെയ്തിരുന്നു. എന്നാൽ അത് നടക്കാതെ വന്നതിലുള്ള അമർഷം ആ പ്രൊഡ്യൂസറെയും എന്നെയും ഫോണിൽ വിളിച്ച് അസഭ്യം പറഞ്ഞാണ് തീർത്തത്.
മലപ്പുറം: മുന്നണിപ്രവേശവുമായി ബന്ധപ്പെട്ട് കോൺഗ്രസിന് ഉപാധിവെച്ച പി.വി. അൻവറിനോട് കടുത്ത നിലപാട് എടുത്ത് കോൺഗ്രസ്. പി.വി. അൻവറിന്റെ നീക്കങ്ങൾ യുഡിഎഫിനെ സമ്മർദ്ദത്തിലാഴ്ത്തുന്നതാണെന്നും ഭീഷണിക്ക് വഴങ്ങേണ്ടതില്ല എന്ന നിലപാട് എത്തിയിരിക്കുകയാണ് കോൺഗ്രസ്. അങ്ങോട്ടുപോയി അൻവറിന് കീഴടങ്ങേണ്ടതില്ലെന്നും അൻവർ വേണമെങ്കിൽ യുഡിഎഫിനെ പിന്തുണയ്ക്കട്ടെയെന്നാണ് കോൺഗ്രസ് കണക്കാക്കുന്നത്. നിലമ്പൂരിൽ യു.ഡി.എഫ് സ്ഥാനാർത്ഥിയായി തന്നെ പരിഗണിക്കണമെന്നായിരുന്നു ആവശ്യം. കോൺഗ്രസ് ഇതിന് വഴങ്ങാത്തതോടെ കാര്യങ്ങൾ കൂടുതൽ സങ്കീർണമാകും.
മുന്നണി പ്രവേശത്തിൽ കെപിസിസി അധ്യക്ഷൻ സണ്ണി ജോസഫും പ്രതിപക്ഷ നേതാവ് വി ഡി സതീശനും പി.വി.അൻവറിനോട് സംസാരിച്ച് ധാരണയിലെത്തിയിരുന്നു. എന്നാൽ അതെല്ലാം കാറ്റിൽ പറത്തിയാണ് കഴിഞ്ഞദിവസം യുഡിഎഫ് പ്രഖ്യാപിച്ച സ്ഥാനാർത്ഥിയെക്കുറിച്ച് ആരോപണം ഉയർത്തി അൻവർ നടത്തിയ പ്രസ്താവനകളെന്ന വിലയിരുത്തലുകൾ കോൺഗ്രസിൽ ശക്തമാണ്. അവമതിപ്പും ഒറ്റക്കെട്ടായ പ്രവർത്തനങ്ങൾക്ക് വിള്ളൽ വരുത്തുന്ന രീതിയിലുള്ള കാര്യമാണ് കഴിഞ്ഞദിവസം അൻവറിന്റെ ഭാഗത്ത് നിന്നുണ്ടായതെന്നാണ് കോൺഗ്രസിന്റെ വാദം.
യുഡിഎഫ് സ്ഥാനാർത്ഥി ആര്യാടൻ ഷൗക്കത്തിനെ പരസ്യമായി പി വി അൻവർ അപമാനിച്ചെന്നാണ് കോൺഗ്രസിന്റെ വിലയിരുത്തൽ.
കൊല്ലം: അറബിക്കടലില്‍ മുങ്ങിത്താണ എം.എസ്.സി എല്‍സ 3 ചരക്കുകപ്പലില്‍നിന്നു കൊല്ലം ജില്ലയുടെ വിവിധ മേഖലകളില്‍ വന്നടിഞ്ഞ കണ്ടെയ്‌നറുകള്‍ സുരക്ഷിതമായി നീക്കംചെയ്യാനുള്ള നടപടികള്‍ തുടങ്ങി. ആലപ്പാട്, നീണ്ടകര, ശക്തികുളങ്ങര, കൊല്ലം വെസ്റ്റ്, ഇരവിപുരം, പരവൂര്‍ വില്ലേജുകളുടെ പരിധിയിലായി 32 കണ്ടെയ്‌നറുകളാണു വന്നടിഞ്ഞത്. ഇതിൽ പകുതിയിലേറെയും കാലിയെന്നാണ് ജില്ലാ ഭരണകൂടം നൽകുന്ന വിശദീകരണം. കരുനാഗപ്പള്ളി ചെറിയഴിക്കൽ ബീച്ചിൽ അടിഞ്ഞ കണ്ടൈനർ കാലിയായിരുന്നു. ആദ്യം അധികൃതർ അടുത്തേക്ക് പോകരുതെന്ന് മുന്നറിയിപ്പ് നൽകിയിരുന്നെങ്കിലും പിന്നീട് അപകടമില്ലെന്ന് ഉറപ്പുവരുത്തി. കണ്ടൈനർ കാണുവാനായി കരുനാഗപ്പള്ളിയുടെ വിവിധ പ്രദേശത്ത് നിന്ന് നാട്ടുകാർ ഒഴുകിയെത്തുന്നുണ്ട്. സംരക്ഷണം ഉറപ്പാക്കുന്നതിന്റെ ഭാഗമായി കരുനാഗപ്പള്ളി പൊലീസ് ഇവിടെ കാവൽ ഏർപ്പെടുത്തിയിരിക്കുകയാണ്. മത്സ്യത്തൊഴിലാളികളാണ് ആദ്യം കണ്ടൈനർ കണ്ടത്. പിന്നീട് പൊലീസിൽ വിവരം അറിയിക്കുകയായിരുന്നു. ക്രെയിന്‍ ഉള്‍പ്പെടെ എത്തിക്കാന്‍ കഴിയാത്ത പ്രദേശങ്ങളിലാണ് ബഹുഭൂരിപക്ഷം കണ്ടെയ്‌നറുകളും. ഇവയെ കടല്‍ മാര്‍ഗം വലിച്ചുകൊണ്ടുപോയി കൊല്ലം പോര്‍ട്ടിലേക്ക് മാറ്റാനാണു ശ്രമം. ഇപ്പോള്‍ മോശം കാലാവസ്ഥ ആയതിനാല്‍ വേലിയിറക്ക സമയത്ത് കണ്ടയ്‌നറുകള്‍ മാറ്റാനാണ് അധികൃതരുടെ നീക്കം. 32 കണ്ടെയ്‌നറുകളില്‍ നാലെണ്ണം ഒഴിച്ച് ബാക്കിയെല്ലാം കാലിയായിരുന്നു. ചൈനീസ് നിര്‍മിത ഗ്രീന്‍ ടീ, വസ്ര്തങ്ങള്‍, ന്യൂസ് പ്രിന്റ്,ആശുപത്രി ആവശ്യങ്ങള്‍ക്കുള്ള ഗ്ലാസുകള്‍ എന്നിവയായിരുന്നു ഉള്ളില്‍.
കണ്ടെയ്‌നറുകളില്‍ മിക്കവയും തകര്‍ന്ന നിലയിലാണ്. കണ്ടെയ്‌നറുകള്‍ കണ്ടെത്തിയ ഭാഗങ്ങളില്‍ കസ്റ്റംസ് പരിശോധന നടത്തി. ഭയപ്പെടേണ്ട സാഹചര്യമില്ലെന്നു കസ്റ്റംസ് ഇന്‍സ്‌പെക്ടര്‍ അറിയിച്ചു. അപകടത്തില്‍പെട്ട കപ്പലിന്റെ ഉടമകളായ എം.എസ്.സി. കമ്പനി കണ്ടെയ്‌നറുകള്‍ നീക്കം ചെയ്യുന്നതിനുള്ള പ്രവൃത്തി വാട്ടര്‍ ലൈന്‍ എന്ന കമ്പനിക്ക് കരാര്‍ നല്‍കിയിട്ടുണ്ട്. തകരാറിലായ കണ്ടെയ്‌നറുകളും തീരത്തടിഞ്ഞ മറ്റ് മാലിന്യങ്ങളും നീക്കം ചെയ്യുന്ന ടി.ആന്‍ഡ് ടി സാല്‍വേജ് കമ്പനിയുടെ പ്രതിനിധികളും എത്തി. ഇവരുടെ നേതൃത്വത്തില്‍ തീരത്തടിഞ്ഞ മാലിന്യങ്ങള്‍ ശാസ്ര്തീയമായി ശേഖരിച്ച്, സംസ്‌കരിക്കുന്ന പ്രവര്‍ത്തികള്‍ ഇന്ന് രാവിലെ ആരംഭിക്കും.
രാസവസ്തുക്കളോ ഇന്ധനമോ കടലില്‍ കലര്‍ന്നെന്ന ആശങ്ക ശക്തമാണ്. തെര്‍മോക്കോള്‍ മാലിന്യങ്ങള്‍ തീരത്താകെ വ്യാപിച്ച് കിടക്കുകയാണ്. ചില കണ്ടെയ്‌നറുകളിലുണ്ടായിരുന്ന ബണ്ടിലുകള്‍ പുറത്തേക്ക് ചിതറി. ഇവയില്‍ കോട്ടണ്‍ ഉല്‍പ്പന്നങ്ങളായിരുന്നു. ബണ്ടിലുകളില്‍ സോഫി ടെക്‌സ് എന്ന് രേഖപ്പെടുത്തിയിട്ടുണ്ട്. കടലില്‍ ഒഴുകി നടന്ന കണ്ടെയ്‌നറുകള്‍ കയര്‍ കെട്ടി തീരത്തേക്ക് അടുപ്പിച്ചിട്ടുണ്ട്. കപ്പലില്‍ സൂക്ഷിക്കുന്ന റെസ്‌ക്യൂ ബോട്ടും കൊല്ലം തീരത്തടിഞ്ഞിട്ടുണ്ട്.
എന്‍.ഡി.ആര്‍.എഫ് സംഘവും കൊല്ലത്തെത്തി. കണ്ടയ്‌നറുകള്‍ റോഡ് മാര്‍ഗം മാറ്റാനായിരുന്നു ആദ്യ തീരുമാനം. എന്നാല്‍ ജനങ്ങളെ കൂടുതല്‍ ഭീതിയിലാക്കുന്നെന്ന കാരണത്താല്‍ കടല്‍മാര്‍ഗം കൊല്ലം തീരത്തേക്ക് മാറ്റാന്‍ തീരുമാനിക്കുകയായിരുന്നു. തീരത്ത് ജില്ലാ ഭരണകൂടത്തിന്റെ നേതൃത്വത്തില്‍ ജാഗ്രത പുലര്‍ത്തുന്നുണ്ട്. കുഫോസിലെ ശാസ്ര്തജ്ഞര്‍ കടലിലെ വെള്ളം പരിശോധനയ്ക്കായി എടുത്തിട്ടുണ്ട്.
കൊച്ചി: ലുലുമാളിൽ അതിഥിയായി എത്തി മലയാളികളുടെ പ്രിയപ്പെട്ട ഉണ്ണിയേട്ടൻ കിലി പോൾ. മലയാള സിനിമയിൽ അഭിനയിക്കാൻ എത്തിയ താരം ലുലുമാളിലേക്ക് എത്തിയതോടെ ആരാധകരുടെ ഒഴുക്കായിരുന്നു. കിലി പോളിനൊപ്പം സെൽഫി പകർത്താനും ഫോട്ടോയെടുക്കാനും നിരവധി പേർ മാളിൽ തടിച്ചു കൂടി. ആരേയും നിരാശപ്പെടുത്താതെ എല്ലാവർക്കുമൊപ്പം ചിത്രമെടുത്തുമാണ് ഉണ്ണിയേട്ടൻ എന്ന് മലയാളികൾ സ്നേഹത്തോടെ വിളിക്കുന്ന കിലിപോൾ മടങ്ങിയത്. മലയാളികൾ ഏറെ പ്രിയപ്പെട്ടവരാണെന്നും കേരളം ട്രാൻസാനിയ പോലെ തന്നെ തനിക്ക് പ്രിയപ്പെട്ടതാണെന്നും കിലിപോൾ പ്രതികരിച്ചു. ഒപ്പം ലുലുമാളിലേക്ക് തന്നെ കാണാനെത്തിയ പ്രിയപ്പെട്ടവരോട് നന്ദിയും പറഞ്ഞു. മലയാളം പാട്ട് പാടി സദസിനെ കൈയ്യിലെടുത്തതോടെ പിന്നാലെ ഉണ്ണിയേട്ടന്റെ ഡാൻസ് കാണണമെന്ന ആവശ്യവും ഉയർന്നു, ഇതോടെ മാളിലേക്ക് എത്തിയ മറ്റ് താരങ്ങൾക്കൊപ്പം നൃത്തം ചെയ്തും സദസിനെ കയ്യിലെടുത്താണ് കിലിപോൾ മടങ്ങിയത്. തനിക്ക് ഇഷ്ടപ്പെട്ട കേരള ഭക്ഷണം ബിരിയാണിയാണെന്നും കിലി പോൾ പറഞ്ഞു. ട്രാൻസാനിയൻ വ്ളോഗറായ കിലി പോളിനും സഹോദരിക്കും ഇന്ത്യയിൽ നിരവധി ആരാധകരാണുള്ളത്. ഇന്ത്യൻ സിനിമകളിലെ ഗാനങ്ങൾക്ക് ലിപ് സിങ്ക് ചെയ്തും നൃത്തം ചെയ്തുമാണ് കിലി പോൾ സോഷ്യൽ മീഡിയയിൽ ശ്രദ്ധ നേടുന്നത്. മലയാളം പാട്ടുകളും ചെയ്തതോടെ കിലിക്ക് കേരളത്തിലും ആരാധകരായി.
സതീഷ് തന്‍വി സംവിധാനം ചെയ്യുന്ന പുതിയ ചിത്രത്തിന്റെ ടൈറ്റിൽ പ്രകാശനവും ലുലുമാളിൽ നടന്നു. ഇന്നസെന്റ് എന്ന് പേരിട്ടിരിക്കുന്ന ചിത്രത്തിൽ കിലിപോൾ പ്രധാന വേഷത്തിലെത്തുന്നുണ്ട്. ചിത്രത്തിൽ അൽത്താഫ് സലിം, അനാർക്കലി മരക്കാർ, ജോമോന്‍ ജ്യോതിര്‍, അനാര്‍ക്കലി മരക്കാര്‍, അസീസ് നെടുമങ്ങാട്, അന്ന പ്രസാദ് എന്നിവരാണ് പ്രധാന താരങ്ങൾ. എലമെന്റ്‌സ് ഓഫ് സിനിമയുടെ ബാനറില്‍ എം ശ്രീരാജ് ആണ് ചിത്രം നിര്‍മ്മിക്കുന്നത്. ജി. മാർത്താണ്ഡൻ, അജയ് വാസുദേവ്, ഡിക്സൺ പൊഡുത്താസ്, നജുമുദ്ദീൻ എന്നിവരാണ് എക്സിക്യൂട്ടീവ് പ്രൊഡ്യൂസർമാർ.
CAT 2.0 Eco പുറത്തിറക്കിയതോടെ, വാണിജ്യ ഇ.വി വിഭാഗത്തിനായുള്ള തങ്ങളുടെ പോർട്ട്‌ഫോളിയോ കൊമാകി വിപുലീകരിച്ചു. മോഡലിന്റെ എക്സ്-ഷോറൂം വില 69,999 രൂപയാണ്. ബിസിനസ്സ്, യൂട്ടിലിറ്റി വാങ്ങുന്നവർക്കുള്ള അവസാന മൈൽ ഡെലിവറി റൈഡ് എന്ന നിലയിലാണ് നിർമ്മാതാവ് ഈ EV-യെ സ്ഥാപിച്ചിരിക്കുന്നത്. കൊമാക്കി CAT 2.0 Eco ഇലക്ട്രിക് സ്കൂട്ടറിൽ ലിഥിയം-അയൺ ബാറ്ററിയാണ് സജ്ജീകരിച്ചിരിക്കുന്നത്. ലോഡ് സാഹചര്യങ്ങളെ ആശ്രയിച്ച്, പൂർണ്ണമായും ജ്യൂസുചെയ്‌ത ബാറ്ററിയിൽ മോഡലിന് 110 മുതൽ 120 കിലോമീറ്റർ വരെ ദൂരം സഞ്ചരിക്കാൻ കഴിയുമെന്ന് കമ്പനി അവകാശപ്പെടുന്നു.
ഈ EV മുന്നോട്ട് നയിക്കുന്നത് ഒരു BLDC മോട്ടോറാണ്, ഇത് മണിക്കൂറിൽ 55 കിലോമീറ്റർ വേഗത കൈവരിക്കാൻ സഹായിക്കും. ലോഡ് കപ്പാസിറ്റിയെക്കുറിച്ച് പറയുമ്പോൾ, നിർമ്മാതാവ് അവകാശപ്പെടുന്ന 200 കിലോഗ്രാം ലോഡ് കപ്പാസിറ്റിയാണ് ഇത് വരുന്നത്. CAT 2.0 Eco പുറത്തിറക്കിയതോടെ വാണിജ്യ EV വിഭാഗത്തിനായുള്ള തങ്ങളുടെ പോർട്ട്‌ഫോളിയോ വിപുലീകരിച്ചു. മോഡലിന്റെ എക്സ്-ഷോറൂം വില 69,999 രൂപയാണ്. ബിസിനസ്സ്, യൂട്ടിലിറ്റി ആവശ്യങ്ങൾക്ക് ടി.വി.എസിന് വെല്ലുവിളി സൃഷ്ടിക്കാനാണ് സാധ്യത.
ഹ്യൂണ്ടായിയുടെ i20 ശ്രേണിയിൽ പുതിയ മാഗ്ന എക്സിക്യൂട്ടീവ് വേരിയന്റ് അവതരിപ്പിച്ചു. 8.89 ലക്ഷം രൂപ എക്സ്-ഷോറൂം വിലയുള്ള മാഗ്ന സിവിടി പുറത്തിറക്കി ഓട്ടോമാറ്റിക് പതിപ്പ് കൂടുതൽ ആക്‌സസ് ചെയ്യാവുന്നതാക്കി. ഇത് i20 ഓട്ടോമാറ്റിക്കിന്റെ പ്രാരംഭ വിലയിൽ 9.47 ലക്ഷം രൂപയായിരുന്നത് മുതൽ ഏകദേശം 58,000 രൂപ വരെ കുറവുണ്ടാക്കി. മോഡലിന് ലഭിച്ച എല്ലാ അപ്‌ഡേറ്റുകളുടെയും ഒരു ദ്രുത വീക്ഷണം ഇതാ. 7.51 ലക്ഷം രൂപ എക്സ്-ഷോറൂം വിലയുള്ള മാഗ്ന എക്സിക്യൂട്ടീവ് വേരിയന്റിൽ ഇപ്പോൾ കുറഞ്ഞ വിലയ്ക്ക് മെച്ചപ്പെട്ട സുരക്ഷാ വല സുരക്ഷയുണ്ട്. ഇതിൽ 6 എയർബാഗുകൾ, ഇലക്ട്രോണിക് സ്റ്റെബിലിറ്റി കൺട്രോൾ, വെഹിക്കിൾ സ്റ്റെബിലിറ്റി മാനേജ്മെന്റ്, ഹിൽ-സ്റ്റാർട്ട് അസിസ്റ്റ് എന്നിവ ഉൾപ്പെടുന്നു. മുന്നോട്ട് പോകുമ്പോൾ, പുതുതായി അവതരിപ്പിച്ച മാഗ്ന സിവിടിയിൽ സാധാരണ മാഗ്ന മാനുവൽ വേരിയന്റിനേക്കാൾ ഇലക്ട്രിക് സൺറൂഫ് ഉണ്ട്. ഇതിനുപുറമെ, ദക്ഷിണ കൊറിയൻ കാർ നിർമ്മാതാവ് ബോസ് 7-സ്പീക്കർ ഓഡിയോ സിസ്റ്റം, പുഷ്-ബട്ടൺ സ്റ്റാർട്ടുള്ള സ്മാർട്ട് കീ, ഇലക്ട്രിക് സൺറൂഫ് തുടങ്ങിയ പ്രീമിയം സവിശേഷതകളോടെ ഉയർന്ന സ്‌പോർട്‌സ് (O) ട്രിം അപ്‌ഡേറ്റ് ചെയ്തിട്ടുണ്ട്.
ഒടുവിൽ, വയർലെസ് ആൻഡ്രോയിഡ് ഓട്ടോ, ആപ്പിൾ കാർപ്ലേ, പിൻ ക്യാമറ എന്നിവയുള്ള 25.55 സെന്റീമീറ്റർ ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം ഹ്യുണ്ടായി ഇപ്പോൾ ഒരു യഥാർത്ഥ ആക്‌സസറിയായി വാഗ്ദാനം ചെയ്യുന്നു. ഈ കോംബോയുടെ വില 14,999 രൂപയാണ്, കൂടാതെ 3 വർഷത്തെ വാറന്റിയും ഉണ്ട്, ഇത് i20 ശ്രേണിയിൽ ലഭ്യമാണ്.1.2 ലിറ്റർ പെട്രോൾ എഞ്ചിനിൽ നിന്നാണ് ഹ്യുണ്ടായി i20 അതിന്റെ ശക്തി സ്വീകരിക്കുന്നത്, മാനുവൽ ഗിയർബോക്‌സിൽ 83 bhp പവറും CVT യിൽ 88 bhp പവറും നൽകുന്നു.
കൊച്ചി: കേരളം ഒരുപക്ഷേ ഇതുവരെ കേട്ടിട്ടില്ലാത്ത ഒരു വാർത്തയാണ് ഇന്നലെ ഉച്ചയോടെ കേട്ടത്. അസാധാരണമായ വാർത്ത അറബിക്കടലിനോട് ചേർന്ന് ജീവിക്കുന്ന മലയാളികൾക്ക് ആശങ്ക വർദ്ധിപ്പിക്കുന്നതായിരുന്നു. അറബിക്കടലിൽ കൊച്ചിത്തീരത്തേക്ക് പുറപ്പെട്ട ഒരു കപ്പൽ മുങ്ങിയിരിക്കുന്നു. അശങ്ക പരത്തുന്ന രീതിയിൽ ഏറ്റവും അപകടകരമായ രാസവസ്തു കപ്പലിൽ നിന്ന് ചോർന്നിട്ടുണ്ട്. പിന്നീടാണ് വാർത്തകൾ കൂടുതൽ ആഴത്തിൽ മലയാള മാധ്യമങ്ങൾ റിപ്പോർട്ട് ചെയ്യാൻ തുടങ്ങിയത്. കോസ്റ്റ് ഗാർഡിന്റെ ഔദ്യോഗിക വിശദീകരണങ്ങളും വാർത്താ കുറിപ്പുകലുമമെത്തി. അതെ തിരുവനന്തപരം വഴിഞ്ഞം തീരത്ത് നിന്ന് പുറപ്പെട്ട ചരക്ക് കപ്പൽ യാത്ര മാധ്യേ ചരിഞ്ഞിരിക്കുന്നു. ഇന്ധനവും രാസവസ്തുവും ചോർന്നു. എംഎസ്‌സി എൽസ 3 എന്ന ലൈബീരിയൻ കപ്പലായിരുന്നു മുങ്ങിയത്. ഒരു ദിനരാത്രം നീണ്ട അഹോരശ്രമത്തിനൊടുവിൽ ജീവനക്കാരെയെല്ലാം ഇന്ത്യൻ നാവികസേനയും തീരസംരക്ഷണ സേനയും രക്ഷപ്പെടുത്തി. പക്ഷേ കപ്പലിനെ ഉയർത്തി കരയിലെത്തിക്കാനുള്ള ശ്രമങ്ങൾ വിഫലമായി. ക്യാപ്റ്റനെയും രണ്ട് ജീവനക്കാരെയും രാവിലെയാണ് കപ്പലിൽനിന്നു മാറ്റിയത്.
തീരത്തു നിന്നു 38 നോട്ടിക്കൽ മൈൽ (70.3 കിലോമീറ്റർ) തെക്കു പടിഞ്ഞാറായാണ് കപ്പൽ ചെരിഞ്ഞത്. കണ്ടെയ്നറുകളിൽ അപകടകരമായ രാസവസ്തുക്കളുള്ള ഇന്ധനമടക്കം ഉണ്ടാകാമെന്ന മുന്നറിയിപ്പിനെ തുടർന്നു സംസ്ഥാന ദുരന്ത നിവാരണ അതോറിറ്റി ജാഗ്രതാനിർദേശം പുറപ്പെടുവിച്ചിരുന്നു. കപ്പലിലുണ്ടായിരുന്ന 24 ജീവനക്കാരിൽ 21 പേരെ തീരസേനയും നാവികസേനയും ഇന്നലെ രക്ഷപ്പെടുത്തിയിരുന്നു. ഇവർ സുരക്ഷിതരാണ്. ഇന്നലെ ഉച്ചയ്ക്ക് 1.25ന് ആണ് കപ്പൽ 26 ഡിഗ്രി ചെരിഞ്ഞുവെന്നും കണ്ടെയ്നറുകളിൽ ചിലതു കടലിൽ വീണെന്നുമുള്ള സന്ദേശം തീരസേനയുടെ രക്ഷാകേന്ദ്രത്തിൽ ലഭിച്ചത്. തുടർന്ന്, പ്രതികൂല കാലാവസ്ഥയെ അവഗണിച്ചു തീരസേനയുടെ ഡോണിയർ വിമാനവും പട്രോൾ യാനങ്ങളായ ഐസിജിഎസ് അർണവേഷ്, ഐസിജിഎസ് സക്ഷം എന്നിവയും നാവികസേനയുടെ പട്രോൾ യാനമായ ഐഎൻഎസ് സുജാതയും സ്ഥലത്തെത്തി രക്ഷാപ്രവർത്തനം തുടങ്ങുകയായിരുന്നു.
ശക്തമായ കാറ്റിനെത്തുടർന്നാണ് അപകടമെന്നു കരുതുന്നു. 20 ഫിലിപ്പൈൻസ് ജീനക്കാരും, രണ്ട് യുക്രൈൻ പൗരന്മാരും ഒരു ജോർജിയ പൗരനുമാണ് കപ്പലിൽ ഉണ്ടായിരുന്നത്. ഇന്നലെ ഒമ്പതോളം കണ്ടെയ്‌നറുകളാണ് കടലിൽ വീണത്. ഇന്ന് കൂടുതൽ കണ്ടെയ്നറുകൾ കടലിലേക്ക് വീണു. അതിനിടെ ടഗ് ബോട്ട് ഉപയോഗിച്ച് കപ്പൽ തീരത്തേക്ക് അടുപ്പിക്കാനുള്ള ശ്രമം കാലാവസ്ഥ മോശമായതിനാൽ പാളിപ്പോയിരുന്നു.കപ്പൽ കടലിൽ മുങ്ങുന്ന സാഹചര്യത്തിലാണ് ജീവനക്കാരെ മാറ്റിയത്. കപ്പൽ നിവർത്താനും കണ്ടെയ്നറുകൾ മാറ്റാനും മെഡിറ്ററേനിയൻ ഷിപ്പിങ് കമ്പനിയുടെ മറ്റൊരു കപ്പൽ രാവിലെ എത്തിയിരുന്നു. നാവികസേനയുടെയും കോസ്റ്റ് ഗാർഡിന്റെയും കപ്പലുകളും സ്ഥലത്തുണ്ടായിരുന്നു. മോശം കാലാവസ്ഥയിൽ രക്ഷാപ്രവർത്തനം വിഫലമായി.
ഇന്നലെ കടലിൽ വീണ കണ്ടെയ്നറുകൾ കൊല്ലം, ആലപ്പുഴ തീരത്ത് എത്താനാണ് കൂടുതൽ സാധ്യതയെന്നാണ് ദുരന്തനിവാരണ അതോറിറ്റി പറയുന്നത്. തിരുവനന്തപുരം തീരത്ത് എത്താൻ വിദൂര സാധ്യതയുണ്ട്. ഇന്ന് ഉച്ചയോടെ കണ്ടെയ്നറുകൾ തീരത്ത് അടുത്തേക്കും. കണ്ടെയ്നറിൽ എന്താണെന്ന വിവരം അധികൃതർ പുറത്തുവിട്ടിട്ടില്ല. സൾഫർ കലർന്ന ഇന്ധനമാണെന്ന് സൂചനയുണ്ട്. വിഴിഞ്ഞം തുറമുഖത്തുനിന്നു പുറപ്പെട്ട ചരക്കുകപ്പൽ കൊച്ചി പുറങ്കടലിൽ അപകടത്തിൽപ്പെട്ടാണ് കണ്ടെയ്നറുകൾ കടലിൽ വീണത്. ഭൂരിഭാഗം ജീവനക്കാരെയും രക്ഷപ്പെടുത്തിയിട്ടും ക്യാപ്റ്റൻ ഉൾപ്പെടെ മൂന്ന് പേർ കപ്പലിൽ തുടർന്നത് കപ്പൽ നിവർത്താനുള്ള ദൗത്യം കണക്കിലെടുത്തായിരുന്നു. 26 ഡിഗ്രി ചരിഞ്ഞനിലയിലായിരുന്നു കോസ്റ്റ് ഗാർഡ് എത്തുമ്പോൾ. കപ്പൽ ഉയർത്താൻ സാധിക്കുമെന്നായിരുന്നു ആദ്യ ഘട്ടത്തിലെ പ്രതീക്ഷ. എന്നാൽ കപ്പൽ കൂടുതൽ ചരിയുകയും കൂടുതൽ കണ്ടെയ്നറുകൾ വീണ്ടും കടലിൽ പതിക്കുകയും ചെയ്തതോടെ നിവർത്തൽ അസാധ്യമായി. സുരക്ഷ കണക്കിലെടുത്ത് അവശേഷിച്ച മൂന്ന് പേരെയും കപ്പലിൽ നിന്നും രാവിലെ നാവികസേന രക്ഷിച്ചു. കണ്ടെയ്നറുകൾ പൂർണമായും കടലിൽ പതിച്ചതോടെ കടുത്ത പാരിസ്ഥിതിക പ്രതിസന്ധിയാണ് ഉടലെടുത്തിയിരിക്കുന്നത്.
വെഞ്ഞാറമൂട് കൂട്ടക്കൊല കേസിലെ പ്രതി അഫാൻ ജയിലിൽ ആത്മഹത്യക്ക് ശ്രമിച്ചു. പൂജപ്പുര സെൻട്രൽ ജയിലിലെ ശുചിമുറിയിൽ ആത്മഹത്യയ്ക്കു ശ്രമിച്ച പ്രതിയെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ഉണക്കാൻ ഇട്ടിരുന്ന മുണ്ട് ഉപയോഗിച്ചാണ് അഫാൻ തൂങ്ങി മരിക്കാൻ ശ്രമിച്ചത്. സെല്ലിൽ ഒപ്പമുണ്ടായിരുന്ന തടവുകാരൻ പുറത്തേക്ക് പോയപ്പോഴാണ് പ്രതി ആത്മഹത്യയ്ക്ക് ശ്രമിച്ചത്. മെഡിക്കൽ കോളജിൽ തീവ്രപരിചരണ വിഭാഗത്തിൽ വെന്റിലേറ്ററിൽ ചികിത്സയിലാണ് അഫാൻ.ഞായറാഴ്ച 11 മണിയോടെയാണ് ആത്മഹത്യാശ്രമം. മുണ്ട് ഉപയോഗിച്ചാണ് പൂജപ്പുര ജയിലിലെ ശുചിമുറിയിൽ ആത്മഹത്യാശ്രമം നടത്തിയത്. അഫാനെ മെഡിക്കൽ കോളേജിലേക്ക് മാറ്റുകയും അതീവ ഗുരുതരാവസ്ഥയിൽ വെന്റിലേറ്ററിൽ ചികിത്സ നൽകുകയാണിപ്പോൾ. ഫെബ്രുവരി 24-നായിരുന്നു വെഞ്ഞാറമൂട് കൂട്ടക്കൊലപാതകം നടന്നത്. മുത്തശ്ശി സൽമാബീവി, പിതൃസഹോദരൻ ലത്തീഫ്, ലത്തീഫിന്റെ ഭാര്യ സജിതാ ബീവി, പെൺസുഹൃത്ത് ഫർസാന, ഇളയ സഹോദരൻ അഫ്‌സാൻ എന്നിവരെയാണ് കൊലപ്പെടുത്തിയത്. രാവിലെ പത്തിനും ആറിനുമിടയിലായിരുന്നു അഞ്ച് കൊലപാതകങ്ങളും നടന്നത്. മാതാവ് ഷെമിയെ ആക്രമിച്ചപ്പോൾ മരിച്ചെന്നായിരുന്നു അഫാൻ കരുതിയിരുന്നത്. അഞ്ച് കൊലപാതകങ്ങൾക്ക് ശേഷം അഫാൻ എലിവിഷം കഴിക്കുകയും പൊലീസിൽ കീഴടങ്ങുകയുമായിരുന്നു. അഫാന്റെ മാതാവ് ദീർഘനാളത്തെ ചികിത്സയ്ക്ക് ശേഷം ജീവിതത്തിലേക്ക് തിരിച്ചുവന്നു.
Venjaramoodu murder case accuse afan, attempted suicide inside the Poojappura Central Jail
