ന്യൂഡൽ​ഹി: 2026 ജനുവരി 1 മുതൽ ഡൽഹി-എൻ‌സി‌ആറിൽ പ്രവർത്തിക്കുന്ന ക്യാബ് അഗ്രഗേറ്ററുകൾ, ഡെലിവറി കമ്പനികൾ, ഇ-കൊമേഴ്‌സ് സ്ഥാപനങ്ങൾ എന്നിവയുടെ കൂട്ടത്തിൽ പുതിയ പെട്രോൾ അല്ലെങ്കിൽ ഡീസൽ വാഹനങ്ങൾ അനുവദിക്കില്ലെന്ന് എയർ ക്വാളിറ്റി മാനേജ്‌മെന്റ് കമ്മീഷൻ (സി‌എക്യുഎം) പ്രഖ്യാപിച്ചു. ഡെലിവറിക്കായി ഉപയോഗിക്കുന്ന ലൈറ്റ് കൊമേഴ്‌സ്യൽ വാഹനങ്ങൾ, ഗുഡ്‌സ് കാരിയറുകൾ, ഇരുചക്ര വാഹനങ്ങൾ എന്നിവയ്ക്ക് ഈ നിർദ്ദേശം ബാധകമാണ്.

ഉപയോഗ സമയത്തിന്റെ ദൈർഘ്യവും അറ്റകുറ്റപ്പണികളുടെ കുറവും കാരണം വാണിജ്യ വാഹനങ്ങൾ ഈ മേഖലയിലെ വായു മലിനീകരണത്തിന് ഗണ്യമായി കാരണമാകുമെന്ന് സി‌എക്യുഎം പ്രസ്താവിച്ചു. സ്വകാര്യ ഉടമസ്ഥതയിലുള്ള വാഹനങ്ങളുമായി താരതമ്യപ്പെടുത്തുമ്പോൾ, ഈ ഫ്ലീറ്റ് ഓപ്പറേറ്റഡ് യൂണിറ്റുകൾ ഉയർന്ന അളവിൽ മലിനീകരണം പുറപ്പെടുവിക്കുന്നു. ഇതിനെ പ്രതിരോധിക്കാൻ, കമ്മീഷൻ ശുദ്ധമായ ബദലുകളിലേക്ക് മാറാൻ നിർബന്ധിച്ചിട്ടുണ്ട്: ഈ വാണിജ്യ കപ്പലുകളിൽ പുതുതായി ചേർക്കുന്നവയ്ക്ക് ഇലക്ട്രിക് അല്ലെങ്കിൽ സി‌എൻ‌ജിയിൽ പ്രവർത്തിക്കുന്ന വാഹനങ്ങൾ. 25-ലധികം വാഹനങ്ങളുടെ ഫ്ലീറ്റുകൾ പ്രവർത്തിപ്പിക്കുന്ന അഗ്രഗേറ്ററുകളെയും ഡെലിവറി സ്ഥാപനങ്ങളെയും നിയന്ത്രിക്കാൻ ലക്ഷ്യമിടുന്ന ഡൽഹി സർക്കാരിന്റെ മോട്ടോർ വെഹിക്കിൾ അഗ്രഗേറ്റർ ആൻഡ് ഡെലിവറി സർവീസ് പ്രൊവൈഡർ സ്കീം, 2023-നൊപ്പമാണ് ഈ നീക്കം. ഈ പദ്ധതി പ്രകാരം, അത്തരം കമ്പനികൾ മേൽനോട്ടത്തിനും അനുസരണത്തിനുമായി സർക്കാർ നിരീക്ഷിക്കുന്ന ഒരു പോർട്ടലിൽ അവരുടെ വാഹനങ്ങൾ രജിസ്റ്റർ ചെയ്യണം.

Cab drivers in Delhi alert; Government with new law

മലപ്പുറം: നിലമ്പൂരിൽ ഹിന്ദുമഹാസഭ ഇടതുപക്ഷത്തിന് പിന്തുണ നൽകിയിട്ടില്ലെന്ന് ഹിമവൽ ഭദ്രാനന്ദ. നടക്കുന്നത് വ്യാജ പ്രചാരണങ്ങൾ ആണെന്ന് പറഞ്ഞ ഹിമവൽ ഭദ്രാനന്ദ ഇതിന് പിന്നിൽ ബിജെപി ആണോ എന്ന് സംശയിക്കുന്നതായും പറഞ്ഞു. നിലമ്പൂരിലെ ഹിന്ദുമഹാസഭയുടെ സ്ഥാനാർത്ഥി പിന്മാറിയത് ബിജെപി നേതാക്കളുടെ ഭീഷണിമൂലമാണെന്നും ഹിമവൽ ഭദ്രാനന്ദ പറഞ്ഞു. കഴിഞ്ഞദിവസം സിപിഐഎം നേതാവ് എ. വിജയരാഘവനുമായി കൂടിക്കാഴ്ച നടത്തിയ അഖിലഭാരത ഹിന്ദുമഹാസഭ സംസ്ഥാന പ്രസിഡന്റ് ദത്താത്രേയ സായി സ്വരൂപ് നാഥ് എൽഡിഎഫിന് പ്രഖ്യാപിച്ചിരുന്നു. അഖിലഭാരത ഹിന്ദു മഹാസഭാ കഴിഞ്ഞ പാർലമെന്റ്റ് തിരഞ്ഞെടുപ്പിലും 20 മണ്ഡലങ്ങളിൽ എൽഡിഎഫിനായി പിന്തുണ പ്രഖ്യാപിച്ചിരുന്നു. അത് തന്നെയാണ് ഇപ്പോൾ പിന്തുടർന്ന് വരുന്നത്. ഹിന്ദു മഹാസഭാ ഒരു രാഷ്ട്രീയ പാർട്ടിയാണ് അല്ലാതെ മത സംഘടനയല്ല. ബിജെപിയെ പിന്തുണച്ചുകൊണ്ടല്ല അഖിലഭാരത ഹിന്ദു മഹാസഭാ പ്രവർത്തിക്കുന്നതെന്നും വാജ്‌പേയ് മന്ത്രിസഭയുടെ കാലത്ത് തന്നെ ബിജെപിയുമായുള്ള എല്ലാബന്ധങ്ങളും ഹിന്ദു മഹാസഭ വിട്ടുകഴിഞ്ഞുവെന്നും ദത്താത്രേയ സായി സ്വരൂപ്നാഥ് പറഞ്ഞിരുന്നു.

എൽഡിഎഫിന് പിന്തുണ അറിയിച്ചത് ഹിന്ദുമഹാ സഭയുടെ പേര് പറഞ്ഞു നടക്കുന്നത് വ്യാജമാണെന്നാണ് ഹിമവൽ ഭദ്രാനന്ദയുടെ ആരോപണം. ഹിന്ദുമഹാസഭയുടെ സ്ഥാനാർത്ഥി പിന്മാറിയത് ബിജെപി നേതാക്കളായ പി കെ കൃഷ്ണദാസിന്റെയും കെ ഗോപാലകൃഷ്ണന്റെയും ഭീഷണി കൊണ്ടാണെന്നും ഹിമവൽ ഭദ്രാനന്ദ പറഞ്ഞു. സംഘടനയ്ക്ക് നിലമ്പൂരിൽ ഇരുപതിനായിരത്തോളം വോട്ടുകൾ ഉണ്ടെന്നും പ്രവർത്തകരോട് മനസ്സാക്ഷി വോട്ട് ചെയ്യാനും ആഹ്വാനം ചെയ്തുവെന്നും ഹിമവൽ ഭദ്രാനന്ദ പ്രതികരിക്കുന്നത്.

Nilambur election swami

കൊച്ചി : കേരളതീരത്തെ കപ്പലപകടത്തിൽ പോലീസ് കേസെടുത്തു. മനുഷ്യജീവന് അപകടം ഉണ്ടാക്കുന്ന വിധത്തിൽ കപ്പൽ കൈകാര്യം ചെയ്തെന്ന് എഫ് ഐ ആർ . ഫോർട്ട് കൊച്ചി കോസ്റ്റൽ പോലീസ് ആണ് കേസെടുത്തത് .Msc എൽസ 3 കപ്പൽ ഒന്നാംപ്രതി
ഷിപ്പ് മാസ്റ്റർ രണ്ടാംപ്രതിയാണ്. ലോകത്തെ വമ്പൻ കണ്ടെയ്‌നർ ഷിപ്പിംഗ് കമ്പനികളിലൊന്നായ എം‌എസ്‌സിയെ ക്രിമിനൽ കേസിൽ വലിച്ചിഴക്കാതെ ഇൻ‌ഷുറൻസ് ക്ളെയിം വഴിമാത്രം പരിഹാരം കണ്ടെത്തുക എന്നതാണ് സർക്കാരിന്റെ ആദ്യ ശ്രമം, എന്നാൽ എതിർപ്പ് ശക്തമായതോടെ ഈനീക്കം ഉപേക്ഷിച്ചിരുന്നു. ഇതിനിടെ ഇതേ കമ്പനിയുടെതന്നെ ലോകത്തിലെ ഏറ്റവും വലിയ കണ്ടെയ്‌നർ കപ്പൽ ഇന്ന് വിഴിഞ്ഞം തുറമുഖത്ത് ബർത്ത് ചെയ്‌തിട്ടുമുണ്ട്.

തെക്കൻ തീരത്തു വൻ പാരിസ്ഥിതിക ഭീതി ഉയർത്തി ആലപ്പുഴ തോട്ടപ്പള്ളി സ്പിൽവേയിൽനിന്ന് കേവലം 14.6 നോട്ടിക്കൽ മൈൽ (27 കിലോമീറ്റർ) അകലെയാണ് കപ്പൽ മുങ്ങിയത്. മുങ്ങിപ്പോയ കണ്ടെയ്നറുകളിലുള്ള കാൽസ്യം കാർബൈഡ് ഉൾപ്പെടെയുള്ള ഹാനികരമായ രാസവസ്തുക്കളും കപ്പലിൽനിന്നുണ്ടായ ഇന്ധനചോർച്ചയുമാണു കടലിനും തീരത്തിനും ഭീഷണി ഉയർത്തിയിരുന്നു.

kerala ship accident case

യോൺചോൺ, ദക്ഷിണ കൊറിയ: ലോകപ്രശസ്ത കെ-പോപ്പ് ബാൻഡായ ബിടിഎസിന്റെ അംഗങ്ങളായ ജിമിനും ജങ്കുക്കും 2025 ജൂൺ 11-ന് ദക്ഷിണ കൊറിയയുടെ നിർബന്ധിത സൈനിക സേവനം പൂർത്തിയാക്കി . 2023 ഡിസംബറിൽ “കമ്പാനിയൻ എൻലിസ്റ്റ്മെന്റ്” പ്രോഗ്രാമിന് കീഴിൽ ഒരുമിച്ച് സൈന്യത്തിൽ ചേർന്ന ഇരുവരും 5-ാം ഇൻഫൻട്രി ഡിവിഷനിൽ സേവനമനുഷ്ഠിച്ചു.

ബുധനാഴ്ച രാവിലെ 8:00 AM KST-യോടെ യോൺചോൺ മിലിട്ടറി ബേസിന് പുറത്ത് ആരാധകരും മാധ്യമപ്രവർത്തകരും ഇവരെ സ്വീകരിക്കാൻ എത്തി. സൈനിക യൂണിഫോമിൽ എത്തിയ ജിമിനും ജങ്കുക്കും പുഷ്പഗുച്ഛങ്ങൾ ഏറ്റുവാങ്ങി, ആരാധകരോട് നന്ദി പറഞ്ഞ് വിനയപൂർവ്വം സല്യൂട്ട് ചെയ്തു.

ബിടിഎസിന്റെ ഏഴ് അംഗങ്ങളിൽ അഞ്ചാമത്തേയും ആറാമത്തേയും ഡിസ്ചാർജ് ചെയ്യപ്പെട്ടവരാണ് ജിമിനും ജങ്കുക്കും. ഇതിന് മുമ്പ് ജിൻ (2024 ജൂൺ), ജെ-ഹോപ്പ് (2024 ഒക്ടോബർ), ആർഎം, വി (2025 ജൂൺ 10) എന്നിവർ സൈനിക സേവനം പൂർത്തിയാക്കിയിരുന്നു. അവശേഷിക്കുന്ന അംഗമായ സുഗ 2025 ജൂൺ 21-ന് സോഷ്യൽ സർവീസ് ഏജന്റായുള്ള തന്റെ സേവനം അവസാനിപ്പിക്കും.

ഡിസ്ചാർജിന് ശേഷം, ജിമിനും ജങ്കുക്കും ഹൈബ് (ബിഗ് ഹിറ്റ് മ്യൂസിക്) ആസ്ഥാനത്തേക്ക് പോയി, അവിടെ വീവേഴ്സ് ലൈവ് വഴി ആരാധകരുമായി സംവദിക്കുമെന്ന് പ്രതീക്ഷിക്കുന്നു. 2025-ന്റെ രണ്ടാം പകുതിയിൽ ബിടിഎസിന്റെ പൂർണ്ണ സംഗീത തിരിച്ചുവരവിന് വഴിയൊരുക്കുന്ന ഈ സംഭവം ആഗോള ആരാധകരായ BTS ആർമിയെ ആവേശത്തിലാഴ്ത്തിയിരിക്കുകയാണ്.

ജൂൺ 13-14 തീയതികളിൽ ഗോയാങിലെ കിന്റെക്സിൽ നടക്കുന്ന 2025 ബിടിഎസ് ഫെസ്റ്റയിൽ ജിമിനും ജങ്കുക്കും മറ്റ് അംഗങ്ങൾക്കൊപ്പം പങ്കെടുക്കുമെന്നാണ് കരുതപ്പെടുന്നത്. ബിടിഎസിന്റെ 12-ാം വാർഷികം ആഘോഷിക്കുന്ന ഈ പരിപാടി ആരാധകർക്ക് അവിസ്മരണീയ നിമിഷങ്ങൾ സമ്മാനിക്കുമെന്ന് ഉറപ്പാണ്

നടൻ കൃഷ്ണകുമാറിനും മകൾ ദിയക്കുമെതിരെ നടത്തിയ തട്ടിക്കൊണ്ടു പോകൽ പരാതി നാടകം. തെളിവുകൾ താരം പുറത്ത് വിട്ടതോടെ ജീവനക്കാർ പറയുന്നത് കളവാണെന്ന നി​ഗമനത്തിലാണ് പൊലീസ്. പരാതിക്കാരിക്കാരായ മൂന്ന് വനിതാ ജീവനക്കാരെ കൃഷ്ണകുമാറിന്റെ കാറിൽ കൊണ്ടുപോകുന്നതിന്റെ സിസിടിവി ദൃശ്യങ്ങൾ ചില ദൃശ്യമാധ്യമങ്ങൾ പുറത്തുവിട്ടു. എന്നാൽ ഇതിൽ ബലപ്രയോഗം നടന്നതായി യാതൊരു സൂചനയുമില്ല. കൃഷ്ണകുമാറിന്റെ മക്കൾ അടക്കമുള്ള സ്ത്രീകളും വാഹനത്തിൽ ഇവർക്കൊപ്പമുണ്ട്. രണ്ടു ജീവനക്കാർ കാറിൽ കയറുന്നതും ഒരു സ്ത്രീ സ്വന്തം സ്‌കൂട്ടിൽ വാഹനത്തിന് പിന്നാലെ പോവുന്നതും ദൃശ്യങ്ങളിൽ കാണാം.വടിയാറിലെ ദിയയുടെ ഫ്‌ളാറ്റിൽ നിന്നാണ് ഇവരെ കൊണ്ടുപോകുന്നത്. ജീവനക്കാർ മ്യൂസിയം പൊലീസിന് നൽകിയ പരാതിയിൽ പറയുന്നതു പോലെ ബലപ്രയോഗം നടത്തി തട്ടിക്കൊണ്ടുപോകുന്നതായി ഈ ദൃശ്യങ്ങളിൽ കാണുന്നില്ല.

സാമ്പത്തിക തട്ടിപ്പ് സംബന്ധിച്ച് സംസാരിക്കാനായി ആദ്യം ദിയ കൃഷ്ണയുടെ ഫ്‌ളാറ്റിലേക്കാണ് ജീവനക്കാർ വരുന്നത്. കൃഷ്ണകുമാറും ഭാര്യയും നാലു മക്കളും ഈ സമയം ഇവിടെയുണ്ടായിരുന്നു. സംസാരത്തിനിടെ ഒച്ച ഉയർന്നപ്പോൾ ഫ്‌ളാറ്റിലെ റെസിഡൻസ് അസോസിയേഷൻ ഭാരവാഹി ബുദ്ധിമുട്ട് പ്രകടിപ്പിച്ചതോടെയാണ് ഇവരെ കൃഷ്ണകുമാറിന്റെ അമ്പലംമുക്കിലുള്ള ഓഫീലേക്ക് കൊണ്ടുപോയത്. ഇതാണ് തട്ടിക്കൊണ്ട് പോയി ബന്ധിയാക്കിയതായി ജീവനക്കാർ ആരോപിക്കുന്നത്. ഇവർക്ക് ബിരിയാണി അടക്കം ഭക്ഷണവും നൽകി മാന്യമായി സംസാരിച്ചാണ് വിട്ടയച്ചതെന്നും കൃഷ്ണകുമാർ പ്രതികരിക്കുന്നു, സാമ്പത്തിക തട്ടിപ്പ് നടത്തി ആ പണം ജീവനക്കാർ തുല്യമായി വീതിച്ചെന്ന് പറയുന്ന വീ‍ഡിയോ ദിയ കൃഷ്ണ പുറത്തുവിട്ടു. മുഖ്യമന്ത്രിയുടെ ഓഫീസിൽ നിന്ന് പോലും നേരിട്ട് വിളിയെത്തി പരാതിയിൽ പിന്തുണ അറിയിച്ചിട്ടുമുണ്ട്. ജീവനക്കാരുടെ പരാതി വ്യാജമെന്ന നിലപാടിലാണ് പൊലീസും മുന്നോട്ട് പോകുന്നത്.

Diya krishnakumar case

കൊച്ചി: കേരള തീരത്തെ അന്താരാഷ്ട്ര കപ്പല്‍ ചാലില്‍ ഉണ്ടായ ചരക്ക് കപ്പല്‍ തീപിടുത്തത്തില്‍ സംസ്ഥാനത്തും ജാഗ്രത നിര്‍ദേശം. തൃശൂര്‍, എറണാകുളം ജില്ലകളുടെ തീരത്തേക്ക് കണ്ടെയ്‌നറുകള്‍ ഒഴുകിയെത്താന്‍ സാധ്യത. അത്യന്തം അപകടകരമായ വസ്തുക്കളാണ് കണ്ടെയ്‌നറിലുള്ളത്. കടലിലെ ഒഴുക്ക് തെക്ക് കിഴക്കന്‍ ദിശയിലെന്ന് അഴീക്കല്‍ പോര്‍ട്ട് ഓഫീസര്‍ അറിയിച്ചു. പരിക്കേറ്റ രണ്ട് പേർ ഐസിയുവിൽ തുടരുന്നതായി ചികിത്സയ്ക്ക് നേതൃത്വം നൽകുന്ന ഡോക്ടർ ദിനേശ് ഖദം. അപകടത്തിൽ പരിക്കേറ്റ 6 പേരെ ഇന്നലെ മം​ഗളൂരു എജെ ആശുപത്രിയിലെത്തിച്ചിരുന്നു. ഐസിയുവിൽ കഴിയുന്ന ചൈനീസ് പൗരന് 40ശതമാനം പൊള്ളലും ഇന്തോനേഷ്യൻ പൗരന് 30 ശതമാനം പൊള്ളലുമാണ് സംഭവിച്ചിരിക്കുന്നതെന്ന് ഡോക്ടർ വ്യക്തമാക്കി.

ഇരുവരും മരുന്നുകളോട് പ്രതികരിച്ചിട്ടുണ്ട്. വെള്ളം കുടിക്കുകയും സംസാരിക്കുകയും ചെയ്തുവെന്നും ഡോക്ടർ അറിയിച്ചു. എന്നാൽ ഇവർ അപകട നില തരണം ചെയ്തു എന്ന് പൂർണമായി പറയാൻ കഴിയില്ലെന്നും ഡോക്ടർ പറഞ്ഞു. രണ്ട് പേർക്കും ശ്വാസകോശത്തിന് പൊള്ളലേറ്റിട്ടുണ്ട്. 72 മണിക്കൂർ മുതൽ ഒരാഴ്ച വരെ നിരീക്ഷണം വേണം. ചികിത്സയിലുമാണ്.

Ship blast kerala

തിരുവനന്തപുരം: ജയിലില്‍ ജീവനൊടുക്കാന്‍ ശ്രമിച്ച വെഞ്ഞാറമൂട് കൂട്ടക്കൊലക്കേസ് പ്രതി അഫാന്റെ ആരോഗ്യനിലയില്‍ പുരോഗതി. അഫാന്‍ എഴുന്നേറ്റ് നടക്കുന്ന സ്ഥിതിയിലേക്ക് എത്തിയിട്ടുണ്ട്. അഫാന് മനോരോഗ വിദഗ്ധന്റെ ചികിത്സ നല്‍കുമെന്നും ഡോക്ടര്‍മാര്‍ പറഞ്ഞു. ചോദ്യം ചെയ്യുന്ന ഘട്ടത്തില്‍ ആത്മഹത്യ ചെയ്യുമെന്ന് പലതവണ അഫാന്‍ പറഞ്ഞിരുന്നു.

Venjarammoodu murder case afan