മീൻ പുട്ട് തയ്യാറാക്കാം

ആവശ്യമുള്ള സാധനങ്ങൾ 

പുട്ടുപൊടി              –  2 കപ്പ്

തേങ്ങ ചിരവിയത്    – അരമുറി

മീൻ അധികം മുള്ളില്ലാത്തത്

സവാള                    – 4 കൊത്തി അരിഞ്ഞത്

പച്ചമുളക്              – 2 എണ്ണം വട്ടത്തിൽ അരിഞ്ഞത്

ഇഞ്ചി പേസ്റ്റ്            – 1 ടീസ്പൂൺ

മഞ്ഞൾപൊടി            – അരടീസ്‌പൂൺ

മുളകുപൊടി               – 2 ടീസ്പൂൺ

വെളിച്ചെണ്ണ                – ആവശ്യത്തിന്

കറിവേപ്പില               – രണ്ടു തണ്ട്

ഉപ്പ്                            – ആവശ്യത്തിന്

തയ്യാറാക്കുന്ന വിധം 

കഴുകിയ മീൻ ഉപ്പും മഞ്ഞളും മുളകുപൊടിയും ചേർത്ത് വറുത്ത് മുള്ളുകളഞ്ഞു പൊടിച്ചെടുക്കുക. ചൂടായ പാനിൽ അല്പം വെളിച്ചെണ്ണ ഒഴിച്ച് സവാള, പച്ചമുളക്,ഇഞ്ചി പേസ്റ്റ്, കറിവേപ്പില അരിഞ്ഞത് എന്നിവ ഉപ്പുചേർത്ത് വഴറ്റുക ഇതിലേക്ക് മുളകുപൊടി, മഞ്ഞൾപൊടി എന്നിവ കൂടി ചേർത്ത് എണ്ണ തെളിഞ്ഞുവരുന്നതുവരെ മൂപ്പിക്കുക. നേരത്തെ തയ്യാറാക്കിവച്ച മീൻ ഈ കൂട്ടിൽ ചേർത്ത് നല്ലതുപോലെ ഇളക്കി അടുപ്പിൽനിന്നുo ഇറക്കി വയ്ക്കുക.

ഉപ്പും തേങ്ങയും ചേർത്ത് വെള്ളമൊഴിച്ച് പുട്ട് പൊടി നനയ്ക്കുക. സാധാരണ പുട്ട് ചുടുന്ന രീതിയിൽ തേങ്ങയ്ക് പകരം ഈ മീന്കൂട്ട് വെച്ച് ആവിയിൽ വേവിക്കുക.