വിവാഹ വേഷത്തിൽ വേടനും നവമി ലതയും; ആദ്യ ചിത്രം പുറത്ത്

തൃശൂർ: പ്രശസ്ത മലയാളം റാപ്പർ വേടനും (ഹിരൺദാസ് മുരളി) യുവ എഴുത്തുകാരി നവമി ലതയും വിവാഹിതരായി. ഏറെ നാളത്തെ പ്രണയത്തിന് ശേഷമാണ് ഇരുവരും ജീവിതത്തിൽ ഒന്നിക്കുന്നത്. വിവാഹ വേഷത്തിലുള്ള ഇവരുടെ മനോഹരമായ ചിത്രങ്ങൾ ഇതിനോടകം തന്നെ സോഷ്യൽ മീഡിയയിൽ വൈറലായിക്കഴിഞ്ഞു. ആർഭാടങ്ങളില്ലാതെ വളരെ ലളിതമായ ചടങ്ങുകളോടെ, ഇന്ത്യൻ ഭരണഘടനയെ സാക്ഷിയാക്കിയാണ് ഇരുവരും വിവാഹിതരായത്.

തൃശൂരിൽ വെച്ചായിരുന്നു രജിസ്റ്റർ വിവാഹം നടന്നത്. അടുത്ത ബന്ധുക്കളും സുഹൃത്തുക്കളും മാത്രമാണ് ചടങ്ങിൽ പങ്കെടുത്തത്. വിവാഹത്തിന് മുന്നോടിയായി കഴിഞ്ഞ ദിവസം സുഹൃത്തുക്കൾക്കൊപ്പം ആലുവ പെരിയാറിന്റെ തീരത്ത് വെച്ച് നടത്തിയ ബാച്ച്‌ലർ പാർട്ടിയുടെ ചിത്രങ്ങളും ഇവർ സമൂഹമാധ്യമങ്ങളിൽ പങ്കുവെച്ചിരുന്നു.