By admin 
പേരാവൂർ നിയമസഭാ മണ്ഡലത്തിൽ എൽ.ഡി.എഫ് സ്ഥാനാർത്ഥി കെ.കെ. ശൈലജ പരാജയപ്പെട്ടതിൽ നിരാശ പ്രകടിപ്പിച്ച് നടി റിമ കല്ലിങ്കൽ. തന്റെ സോഷ്യൽ മീഡിയ പേജിലൂടെ ശൈലജയുടെ ചിത്രം പങ്കുവെച്ചുകൊണ്ടാണ് താരം പ്രതികരണം അറിയിച്ചത്.
“ഇത് നമ്മുടെ നഷ്ടം” എന്ന ഒറ്റവരിയിലാണ് റിമ തന്റെ വികാരം കുറിച്ചത്. മുഷ്ടിചുരുട്ടി നിൽക്കുന്ന ശൈലജയുടെ ചിത്രത്തിനൊപ്പമുള്ള ഈ കുറിപ്പ് ഇതിനോടകം സോഷ്യൽ മീഡിയയിൽ വലിയ ചർച്ചകൾക്ക് വഴിവെച്ചിട്ടുണ്ട്. റിമയെ പിന്തുണച്ചുകൊണ്ട് നിരവധി ആരാധകരും സി.പി.എം അനുഭാവികളും രംഗത്തെത്തി. “തോറ്റത് കേരളമാണ്” എന്നാണ് പലരും പോസ്റ്റിന് താഴെ കമന്റ് ചെയ്തത്. അതേസമയം, പോസ്റ്റിനെ പരിഹസിച്ചും വിമർശിച്ചും ചിലർ രംഗത്തെത്തിയിട്ടുണ്ട്.
പേരാവൂരിൽ യു.ഡി.എഫ് സ്ഥാനാർത്ഥി സണ്ണി ജോസഫിനോടാണ് കെ.കെ. ശൈലജ പരാജയപ്പെട്ടത്. 14,453 വോട്ടുകളുടെ ഭൂരിപക്ഷത്തിനാണ് സണ്ണി ജോസഫ് വിജയിച്ചത്. ഇതോടെ മണ്ഡലത്തിൽ തുടർച്ചയായ നാലാം വിജയമാണ് സണ്ണി ജോസഫ് സ്വന്തമാക്കിയത്. 2021-ൽ മട്ടന്നൂരിൽ നിന്ന് അറുപതിനായിരത്തിലേറെ വോട്ടുകളുടെ റെക്കോർഡ് ഭൂരിപക്ഷത്തിൽ വിജയിച്ച ശൈലജയ്ക്ക്, പേരാവൂരിൽ ആ വിജയം ആവർത്തിക്കാനായില്ല.
2006-ൽ പേരാവൂരിനെ പ്രതിനിധീകരിച്ചിരുന്ന ശൈലജയെ 2011-ലാണ് സണ്ണി ജോസഫ് ആദ്യമായി പരാജയപ്പെടുത്തുന്നത്. ശൈലജയെ വീണ്ടും കളത്തിലിറക്കി മണ്ഡലം തിരിച്ചുപിടിക്കാനുള്ള എൽ.ഡി.എഫ് നീക്കത്തിനാണ് ഇപ്പോൾ തിരിച്ചടിയേറ്റത്.
This is Our Loss”: Rima Kallingal Reacts to K.K. Shailaja’s Electoral Defeat