By admin വിവാദമായ ‘ദി കേരള സ്റ്റോറി’ എന്ന സിനിമയ്ക്ക് ശേഷം ഇതിന്റെ രണ്ടാം ഭാഗമായ ‘ദി കേരള സ്റ്റോറി 2 – ഗോസ് ബിയോണ്ട്’ (The Kerala Story 2 – Goes Beyond) എന്ന ചിത്രത്തിന്റെ ട്രെയിലർ പുറത്തിറങ്ങി. കാമാഖ്യ നാരായൺ സിംഗ് സംവിധാനം ചെയ്യുന്ന ഈ ചിത്രം വിപുൽ അമൃത്ലാൽ ഷാ ആണ് നിർമ്മിക്കുന്നത്. 2026 ഫെബ്രുവരി 27-ന് ചിത്രം തിയേറ്ററുകളിൽ എത്തും.
രാജസ്ഥാൻ, മധ്യപ്രദേശ്, കേരളം എന്നിവിടങ്ങളിലായി നടക്കുന്ന സംഭവങ്ങളാണ് സിനിമയിൽ ദൃശ്യവൽക്കരിക്കുന്നത്. മൂന്ന് ഹിന്ദു പെൺകുട്ടികൾ (ഉൾക്ക ഗുപ്ത, അദിതി ഭാട്ടിയ, ഐശ്വര്യ ഓജ എന്നിവർ അവതരിപ്പിക്കുന്നു) മുസ്ലീം യുവാക്കളുമായി പ്രണയത്തിലാകുന്നതും, തുടർന്ന് മതം മാറ്റത്തിന് വിധേയരാകുന്നതുമാണ് ചിത്രത്തിന്റെ ഇതിവൃത്തമെന്ന് ട്രെയിലർ സൂചിപ്പിക്കുന്നു.
“അടുത്ത 25 വർഷത്തിനുള്ളിൽ ഇന്ത്യ ഒരു ഇസ്ലാമിക രാഷ്ട്രമായി മാറിയേക്കാം” എന്ന മുന്നറിയിപ്പോടെയാണ് ട്രെയിലർ ആരംഭിക്കുന്നത്, ഇത് വലിയ ചർച്ചകൾക്ക് വഴിവെച്ചിട്ടുണ്ട്.
അവർ ഞങ്ങളുടെ പെൺമക്കളെ ലക്ഷ്യമിട്ടു, അവരുടെ വിശ്വാസം തകർത്തു. ഇത്തവണ ഞങ്ങൾ മിണ്ടാതിരിക്കില്ല, പോരാടും” എന്ന കുറിപ്പോടെയാണ് നിർമ്മാതാക്കൾ ട്രെയിലർ പുറത്തുവിട്ടിരിക്കുന്നത്.
കഴിഞ്ഞ തവണത്തേതുപോലെ തന്നെ ഇത്തവണയും ചിത്രം വലിയ ചർച്ചകൾക്കും വിവാദങ്ങൾക്കും കാരണമാകുമെന്നാണ് സൂചന.
