By admin 
മലയാളികളുടെ പ്രിയ നടി സംവൃത സുനിൽ തന്റെ കോളേജ് സുഹൃത്തുക്കൾക്കൊപ്പം സ്പെയിനിൽ അവധിക്കാലം ആഘോഷിക്കുന്ന ചിത്രങ്ങൾ സോഷ്യൽ മീഡിയയിൽ ശ്രദ്ധേയമാകുന്നു. ഏറെ നാളത്തെ ആഗ്രഹമായിരുന്നു ഇത്തരമൊരു യാത്രയെന്നും എല്ലാവർക്കും അത്യാവശ്യമായിരുന്ന ഒരു ഇടവേളയായിരുന്നു ഇതെന്നും ചിത്രങ്ങൾ പങ്കുവെച്ചുകൊണ്ട് സംവൃത കുറിച്ചു.
“കോളേജ് ചങ്ങാതിമാർക്കൊപ്പം ഒരു സ്പെയിൻ യാത്ര – ഞങ്ങളെല്ലാവരും ശരിക്കും ആഗ്രഹിച്ച ഒന്നായിരുന്നു ഇത്. ഒത്തിരി ചിരിയും, പാതിരാത്രിയോളം നീണ്ട വർത്തമാനങ്ങളും, വർഷങ്ങളോളം ഓർത്തു വെക്കാൻ ഒരുപാട് ഓർമ്മകളും സമ്മാനിച്ചതിന് നന്ദി. മിക്ക ചിത്രങ്ങളും ഞങ്ങളുടെ ഗ്രൂപ്പ് ചാറ്റിൽ തന്നെ ഇരിക്കട്ടെ, എങ്കിലും ചെറിയൊരു മിന്നലാട്ടം ഇതാ…” – സംവൃത ഇൻസ്റ്റഗ്രാമിൽ കുറിച്ചു.
വിവാഹശേഷം സിനിമയിൽ നിന്ന് വിട്ടുനിൽക്കുന്ന സംവൃത ഇപ്പോൾ കുടുംബത്തോടൊപ്പം യുഎസിലാണ് താമസം. ഇടയ്ക്കിടെ മിനി സ്ക്രീനിലും മറ്റും സാന്നിധ്യമറിയിക്കാറുള്ള താരത്തിന്റെ സ്പെയിൻ യാത്രാ വിശേഷങ്ങൾ ആരാധകർ ഏറ്റെടുത്തു കഴിഞ്ഞു.
Samvritha Sunil Enjoys Spanish Getaway with College Friends