By admin 
സോഷ്യൽ മീഡിയയിലെ ഏറ്റവും ജനപ്രിയ താരദമ്പതികളാണ് പേളി മാണിയും ശ്രീനിഷ് അരവിന്ദും. ‘പേളിഷ്’ എന്ന് ആരാധകർ സ്നേഹത്തോടെ വിളിക്കുന്ന ഇവർ തങ്ങളുടെ വിശേഷങ്ങളെല്ലാം ആരാധകരുമായി പങ്കുവെക്കാറുണ്ട്. ഇപ്പോഴിതാ, താൻ എപ്പോഴും ഭർത്താവിനെ പുകഴ്ത്തുകയാണെന്ന് വിമർശിച്ചയാൾക്ക് പേളി നൽകിയ മറുപടിയാണ് സോഷ്യൽ മീഡിയയിൽ വൈറലാകുന്നത്.
താൻ എപ്പോഴും ശ്രീനിയെ പ്രൊമോട്ട് ചെയ്യുകയാണെന്നും, പുകഴ്ത്തുകയാണെന്നും ഒരാൾ വിമർശിച്ചതായി പേളി പറയുന്നു. ഇതിനുള്ള മറുപടിയായി ശ്രീനിഷിനൊപ്പമുള്ള മനോഹരമായ ഒരു ചിത്രം പങ്കുവെച്ചുകൊണ്ടാണ് താരം മനസ്സ് തുറന്നത്.
പേളിയുടെ ഇൻസ്റ്റാഗ്രാം പോസ്റ്റിന്റെ പൂർണ്ണരൂപം:
“അതെ, അവൻ എന്റേതാണ്. ഞാൻ അവനുള്ളതും. ആരോ പറഞ്ഞു, ഞാൻ എപ്പോഴും അവനെ (ശ്രീനിയെ) പ്രൊമോട്ട് ചെയ്യുകയാണെന്ന്… എപ്പോഴും പുകഴ്ത്തുകയാണെന്ന്… എപ്പോഴും ശ്രീനി, ശ്രീനി, ശ്രീനി എന്ന് പറയുകയാണെന്ന്.
എന്നാൽ കേട്ടോളൂ, എന്റെ അവസാന ശ്വാസം വരെ പൂർണ്ണ മനസ്സോടെ ഞാൻ അത് ചെയ്തുകൊണ്ടേയിരിക്കും. കാരണം ഞാൻ അത്രയേറെ അവനെ സ്നേഹിക്കുന്നു. അവനാണ് എന്റെ ലോകം. അതുകൊണ്ട് വിമർശിക്കുന്നവർ അത് കണ്ടു ശീലിക്കുന്നതാണ് നല്ലത്.”
ഭർത്താവിനോടുള്ള അടങ്ങാത്ത സ്നേഹം പരസ്യമായി പ്രകടിപ്പിച്ച പേളിയെ അഭിനന്ദിച്ച് നിരവധി ആരാധകരാണ് രംഗത്തെത്തിയിരിക്കുന്നത്. ബിഗ് ബോസ് മലയാളം സീസൺ ഒന്നിലൂടെ പരിചയപ്പെട്ട് പ്രണയത്തിലായവരാണ് പേളിയും ശ്രീനിഷും. നില, നിതാര എന്നിങ്ങനെ രണ്ടു മക്കളാണ് ഇവർക്കുള്ളത്.
Pearle’s ‘Mass’ reply to critic