By admin 
മലയാളത്തിന്റെ പ്രിയനടൻ മോഹൻലാലും ഭാര്യ സുചിത്രയും തങ്ങളുടെ 38-ാം വിവാഹവാർഷികം ആഘോഷിക്കുന്നു. ന്യൂയോർക്കിലെ സ്റ്റാച്യൂ ഓഫ് ലിബർട്ടിയുടെ മുന്നിൽ നിന്നുള്ള മനോഹരമായ ചിത്രം ഇൻസ്റ്റാഗ്രാമിലൂടെ പങ്കുവെച്ചാണ് താരം ഈ വിശേഷം ആരാധകരെ അറിയിച്ചത്. “38 വർഷങ്ങൾക്ക് ശേഷവും, എങ്ങനെയോ ഇതൊരു തുടക്കം പോലെ തന്നെ തോന്നുന്നു” എന്ന വൈകാരികമായ കുറിപ്പും ചിത്രത്തിനൊപ്പം അദ്ദേഹം ചേർത്തു.
1988 ഏപ്രിൽ 28-നായിരുന്നു തമിഴ് സിനിമാ നിർമ്മാതാവ് കെ. ബാലാജിയുടെ മകൾ സുചിത്രയെ മോഹൻലാൽ വിവാഹം കഴിച്ചത്. പ്രണവ്, വിസ്മയ എന്നിവരാണ് മക്കൾ. സിനിമാ തിരക്കുകൾക്കിടയിലും യുഎസ് സന്ദർശനത്തിനിടെയാണ് ഇത്തവണ ഇരുവരും വിവാഹവാർഷികം ആഘോഷിക്കുന്നത്. സോഷ്യൽ മീഡിയയിലൂടെ സിനിമാ പ്രവർത്തകരും ആരാധകരും ഉൾപ്പെടെ ലക്ഷക്കണക്കിന് ആളുകളാണ് താരദമ്പതികൾക്ക് ആശംസകൾ നേരുന്നത്.
Mohanlal is celebrating his 38th wedding anniversary