മൂന്ന് പതിറ്റാണ്ടുകൾക്ക് ശേഷം മമ്മൂട്ടിയും അടൂരും വീണ്ടും; ‘പദയാത്ര’യുടെ ചിത്രീകരണം ആരംഭിച്ചു

എറണാകുളം: മലയാള സിനിമയിലെ ഇതിഹാസ കൂട്ടുകെട്ടായ അടൂർ ഗോപാലകൃഷ്ണനും മെഗാസ്റ്റാർ മമ്മൂട്ടിയും 30 വർഷത്തെ ഇടവേളയ്ക്ക് ശേഷം വീണ്ടും ഒന്നിക്കുന്നു. ‘പദയാത്ര’ എന്ന് പേരിട്ടിരിക്കുന്ന ചിത്രത്തിന്റെ ഷൂട്ടിംഗ് ഇന്ന് എറണാകുളത്ത് ആരംഭിച്ചു. ചിത്രത്തിൽ ഗ്രേസ് ആന്റണി ഒരു പ്രധാന വേഷത്തിൽ എത്തുന്നുവെന്നതാണ് മറ്റൊരു പ്രത്യേകത.

മമ്മൂട്ടി കമ്പനി നിർമിക്കുന്ന എട്ടാമത്തെ ചിത്രം കൂടിയാണിത്. തകഴി ശിവശങ്കരപ്പിള്ളയുടെ വിഖ്യാത നോവലായ ‘രണ്ടിടങ്ങഴി’യെ ആസ്പദമാക്കിയാണ് സിനിമയെന്നാണ് റിപ്പോർട്ടുകൾ സൂചിപ്പിക്കുന്നത്.

കഥ, തിരക്കഥ, സംഭാഷണം അടൂർ ഗോപാലകൃഷ്ണൻ, കെ വി മോഹൻകുമാർ മുഖ്യ സംവിധാനസഹായി മീരസാഹിബ് നിർമ്മാണ സഹകരണം ജോർജ്ജ് സെബാസ്റ്റ്യൻ ഛായാഗ്രഹണം ഷെഹ്നാദ് ജലാൽ ചിത്ര സംയോജനം പ്രവീൺ പ്രഭാകർ കലാ സംവിധാനം ഷാജി നടുവിൽ സംഗീത സംവിധാനം മുജീബ് മജീദ് നിർമ്മാണ മേൽനോട്ടം സുനിൽ സിംഗ് നിർമ്മാണ നിയന്ത്രണം ബിനു മണമ്പൂർ ചമയം റോണെക്സ്, ജോർജ്ജ് സെബാസ്റ്റ്യൻ വസ്ത്രാലങ്കാരം എസ് ബി സതീഷൻ ശബ്ദമിശ്രണം കിഷൻ മോഹൻ (സപ്താ റെക്കോർഡ്സ്) നിശ്ചലഛായാ നവീൻ മുരളി പരസ്യ പ്രചാരണം വിഷ്ണു സുഗതൻ പരസ്യകല ആഷിഫ് സലീം