കോൾഡ് കോഫിക്ക് ഒപ്പം ഒരു പ്രൊപ്പോസൽ മോതിരം! കേൾക്കുമ്പോൾ ഏതെങ്കിലും റൊമാന്റിക് സിനിമയിലെ രംഗം പോലെ തോന്നുമെങ്കിലും ഇതൊരു യഥാർത്ഥ പ്രൊപ്പോസൽ കഥയാണ്. പ്രശസ്ത മലയാളം റാപ്പർ വേടന്റെയും ഭാര്യ നവമിലതയുടെയും എൻഗേജ്മെൻറ് വീഡിയോയിലാണ് രസകരമായ ഈ പ്രൊപ്പോസൽ കഥ വരച്ചുകാട്ടുന്നത്.
നവമിലതയെ പ്രൊപ്പോസ് ചെയ്ത കഥ വേടൻ സുഹൃത്തുക്കളോട് വിവരിക്കുന്നതാണ് വീഡിയോയുടെ ആകർഷണം. ഒരു കോൾഡ് കോഫിയുടെ സോസറിനടിയിൽ മോതിരം ഒളിപ്പിച്ചു വെച്ചും, അതിനിടയിൽ നടന്ന രസകരമായ സംഭവവികാസങ്ങളും ചിരിയോടെയാണ് അദ്ദേഹം ഓർത്തെടുക്കുന്നത്. വളരെ സിനിമാറ്റിക് ആയി ചിത്രീകരിച്ചിരിക്കുന്ന വീഡിയോയിൽ സുഹൃത്തുക്കൾക്കും ബന്ധുക്കൾക്കും ഒപ്പം പാട്ടും ഡാൻസും കേക്ക് കട്ടിങ്ങും ആയി ആഘോഷിക്കുന്ന മനോഹരമായ നിമിഷങ്ങളും ഉൾപ്പെടുത്തിയിട്ടുണ്ട്. സ്പാർക്ലറുകളും വെടിക്കെട്ടുമൊക്കെയായി ഒരു ഗംഭീര ആഘോഷം തന്നെയാണ് വീഡിയോയിൽ കാണാൻ സാധിക്കുന്നത്. ഇതിനോടകം തന്നെ നിരവധി പേരാണ് പ്രിയ താരത്തിന്റെ ഈ മനോഹരമായ വീഡിയോ ഏറ്റെടുത്തിരിക്കുന്നത്.
Malayalam Rapper Vedan’s proposal story
