അന്തരിച്ച പ്രിയ ഭർത്താവും നടനുമായ ചിരഞ്ജീവി സർജയെ (ചിരു) കുറിച്ചുള്ള നടി മേഘ്ന രാജിന്റെ വിവാഹ വാർഷിക കുറിപ്പ് സമൂഹമാധ്യമങ്ങളിൽ നൊമ്പരമാകുന്നു. തങ്ങളുടെ വിവാഹ വാർഷികം വെറുമൊരു തീയതിയല്ലെന്നും, അതൊരു വലിയ വികാരമാണെന്നും പറഞ്ഞുകൊണ്ടാണ് മേഘ്ന കുറിപ്പ് ആരംഭിക്കുന്നത്.
ജീവിതത്തിൽ താൻ വയ്ക്കുന്ന ഓരോ ചുവടിലും ചിരുവിന്റെ സാന്നിധ്യം അറിയുന്നുണ്ടെന്നും, വാക്കുകൾ കൊണ്ട് വിവരിക്കാനാവാത്ത വിധം ചിരു തന്നിലൂടെ ജീവിക്കുകയാണെന്നും അവർ കുറിച്ചു. ഇതിനൊപ്പം തന്റെ കരിയറിലെ ഏറ്റവും വലിയൊരു സന്തോഷവും താരം ആരാധകരുമായി പങ്കുവെച്ചു. ഇന്ത്യൻ സിനിമയുടെ ദൈവം, സാക്ഷാൽ രജനികാന്തിനൊപ്പമുള്ള പുതിയ സിനിമയെക്കുറിച്ചാണ് മേഘ്ന പരാമർശിച്ചത്.
ചിരു അങ്ങേയറ്റം ആരാധിച്ചിരുന്ന വ്യക്തിയാണ് രജനികാന്ത് എന്നും, അദ്ദേഹത്തിനൊപ്പം ഒരു സിനിമ ചെയ്യാൻ കഴിഞ്ഞത് തങ്ങൾ ഒരുമിച്ച് കണ്ട സ്വപ്നത്തിന്റെ സാക്ഷാത്കാരമാണെന്നും മേഘ്ന പറയുന്നു. “നമ്മളത് സാധിച്ചു, ഈ വിജയം നിനക്കുള്ളതാണ്” എന്ന് പറഞ്ഞ്, തന്റെ നേട്ടം പ്രിയപ്പെട്ടവന് സമർപ്പിച്ചുകൊണ്ടാണ് മേഘ്ന ഹൃദയസ്പർശിയായ ഈ കുറിപ്പ് അവസാനിപ്പിക്കുന്നത്.
Actress Meghana Raj shares a heart-touching anniversary note for her late husband
