കേന്ദ്രമന്ത്രിയും നടനുമായ സുരേഷ് ഗോപിയെയും ഭാര്യ രാധികയെയും യാദൃശ്ചികമായി കണ്ടുമുട്ടിയതിന്റെ സന്തോഷം പങ്കുവെച്ച് പ്രശസ്ത നടി ലിസി ലക്ഷ്മി. തൻ്റെ സോഷ്യൽ മീഡിയ പേജിലൂടെയാണ് പഴയ സഹപ്രവർത്തകനൊപ്പമുള്ള ചിത്രം ലിസി ആരാധകർക്കായി പങ്കുവെച്ചത്.
വർഷങ്ങളായുള്ള തങ്ങളുടെ സൗഹൃദവും സ്നേഹവും ഓർമ്മിപ്പിക്കുന്നതായിരുന്നു ലിസിയുടെ വാക്കുകൾ. സുരേഷ് ഗോപിയെ കേവലം ഒരു താരം എന്നതിലുപരി ഒരു മികച്ച മനുഷ്യൻ എന്നാണ് താരം വിശേഷിപ്പിച്ചത്.
“കേന്ദ്രമന്ത്രിയും എന്റെ സിനിമയിലെ നായകനും സുഹൃത്തും അതിലുപരി ഒരു മികച്ച മനുഷ്യനുമായ ശ്രീ സുരേഷ് ഗോപിയെയും അദ്ദേഹത്തിന്റെ മനോഹരിയായ ഭാര്യ രാധികയെയും യാദൃശ്ചികമായി കണ്ടുമുട്ടി,” എന്ന് ലിസി തൻ്റെ പോസ്റ്റിൽ കുറിച്ചു.
മലയാള സിനിമയിൽ നിരവധി ചിത്രങ്ങളിൽ ഒരുമിച്ച് അഭിനയിച്ചിട്ടുള്ളവരാണ് സുരേഷ് ഗോപിയും ലിസിയും. ഇവരുടെ ഒത്തുചേരൽ പഴയകാല സിനിമാ ഓർമ്മകളെ ഉണർത്തുന്നതാണെന്ന് ആരാധകർ കമന്റുകളിലൂടെ വ്യക്തമാക്കുന്നു. ചിത്രം ഇതിനോടകം തന്നെ സോഷ്യൽ മീഡിയയിൽ തരംഗമായി മാറിക്കഴിഞ്ഞു.
Lissy Shares Heartwarming Post After Chance Meeting with Union Minister Suresh Gopi and Wife Radhika
