By admin 
പ്രമുഖ വ്യവസായിയും ലുലു ഗ്രൂപ്പ് ചെയർമാനുമായ എം.എ. യൂസഫലിയെ നേരിൽ കണ്ടതിന്റെ സന്തോഷവും അനുഭൂതിയും പങ്കുവെച്ച് നടനും അവതാരകനുമായ ഗോവിന്ദ് പത്മസൂര്യ (ജിപി). യൂസഫലി എന്ന വ്യക്തിയുടെ വിനയവും പെരുമാറ്റവുമാണ് തന്നെ ഏറ്റവും കൂടുതൽ ആകർഷിച്ചതെന്ന് ജിപി തന്റെ സോഷ്യൽ മീഡിയ കുറിപ്പിൽ പറയുന്നു.
ബിസിനസ്സ് വിജയങ്ങൾക്കപ്പുറം ഒരു മനുഷ്യൻ എങ്ങനെയായിരിക്കണം എന്ന് അദ്ദേഹം കാണിച്ചുതരുന്നുവെന്ന് താരം കുറിച്ചു.
“അദ്ദേഹത്തിന്റെ വിനയമാണ് ഞങ്ങളെ ഏറ്റവും കൂടുതൽ ആകർഷിച്ചത്. സംസാരിക്കുമ്പോഴുള്ള ആ ശാന്തതയും, ചുറ്റുമുള്ള ഓരോ വ്യക്തിക്കും അദ്ദേഹം നൽകുന്ന ബഹുമാനവും, ഇടപെടലുകളിലെ ആത്മാർത്ഥതയുമെല്ലാം ശരിക്കും പ്രചോദനം നൽകുന്നതായിരുന്നു. ചിലപ്പോഴൊക്കെ, വലിയ വിജയങ്ങൾ കൈവരിച്ച മനുഷ്യർ നമ്മെ പഠിപ്പിക്കുന്ന ഏറ്റവും വലിയ പാഠം ബിസിനസിനെക്കുറിച്ചാവില്ല; മറിച്ച്, ജീവിതത്തിൽ എന്തെല്ലാം നേടിയാലും ഒരു മനുഷ്യനായി എങ്ങനെ ജീവിക്കണം എന്നതിനെക്കുറിച്ചായിരിക്കും!” – ഗോവിന്ദ് പത്മസൂര്യ കുറിച്ചു.
യൂസഫലിക്കൊപ്പമുള്ള ചിത്രങ്ങളും ജിപി സോഷ്യൽ മീഡിയയിൽ പങ്കുവെച്ചിട്ടുണ്ട്. നിരവധി ആരാധകരും സിനിമാ സുഹൃത്തുക്കളുമാണ് പോസ്റ്റിന് താഴെ കമന്റുകളുമായി എത്തുന്നത്. എന്തായാലും ലളിതവും എന്നാൽ അർത്ഥവത്തുമായ ജിപിയുടെ ഈ കുറിപ്പ് ഇപ്പോൾ സോഷ്യൽ മീഡിയയിൽ വൈറലായിരിക്കുകയാണ്.
Govind Padmasoorya shares inspiring note after meeting M.A. Yusuff Ali