നടൻ, സഹനടൻ, ഹാസ്യകഥാപാത്രo , വില്ലൻ എന്നീ വേഷങ്ങൾ ഒരുപോലെ കൈകാര്യം ചെയ്ത് മുന്നേറുന്ന താരമാണ് ടിനി ടോം. മലയാളത്തിന് ശേഷം തമിഴ് സിനിമയിലും തന്റെ കഴിവ് തെളിയിക്കാനൊരുങ്ങുകയാണ് ടിനി ടോം. ആദ്യ തമിഴ് ചിത്രത്തിൽ വത്യസ്ഥമായൊരു വില്ലൻ കഥാപാത്രമായാണ് ടിനി ടോം എത്തുന്നത്.
റഹ്മാനെ നായകനാക്കി പ്രാഷ് സംവിധാനം ചെയ്യുന്ന ഓപറേഷൻ അറപെയ്മ എന്ന ത്രില്ലറിലാണ് ടിനി ടോം വ്യത്യസ്തവേഷവുമായി എത്തുന്നത്. തമിഴിലെ അരങ്ങേറ്റചിത്രത്തിൽ ട്രാൻസ്ജെൻഡറായ വില്ലനായാണ് ടിനി വേഷമിടുന്നത്. ചിത്രത്തിന് വേണ്ടി ഗംഭീര മേക്കോവറാണ് ടിനി നടത്തിയിരിക്കുന്നത്.
ചാരക്കപ്പൽ കണ്ടുപിടിക്കുന്നതിനുള്ള ഓപ്പറേഷനും തുടർന്നുള്ള സംഭവവികാസങ്ങളുമാണ് ഓപറേഷൻ അറപെയ്മ എന്ന ചിത്രം പറയുന്നത്. മുൻ നേവി ഉദ്യോഗസ്ഥനായ ശിവയുടെ ജീവിതവുമായി ബന്ധപ്പെട്ട സിനിമയാണിത്. നേവൽ ഓഫീസറുടെ വേഷത്തിൽ റഹ്മാൻ എത്തുന്ന ചിത്രത്തിൽ അഭിനയയാണ് നായിക.
