പടയോട്ടം ഒഫീഷ്യൽ ട്രെയ്‌ലർ പുറത്തിറങ്ങി

ബിജു മേനോൻ നായകനാകുന്ന പടയോട്ടം എന്ന ചിത്രത്തിന്‍റെ ഒഫീഷ്യൽ ട്രെയ്‌ലർ പുറത്തിറങ്ങി. ചെങ്കര രഘുവെന്ന കഥാപാത്രമായിട്ടാണ് ചിത്രത്തില്‍ ബിജു മേനോൻ അഭിനയിക്കുന്നത്. നവാഗതായ റഫീഖ് ഇബ്രാഹിം ആണ് ചിത്രം സംവിധാനം ചെയ്തിരിക്കുന്നത്. ചിത്രത്തിലെ ബിജുമേനോന്റെ കിടിലൻ ലുക്ക് ഇതിനോടകംതന്നെ ശ്രദ്ധ നേടിയിരുന്നു.

അരുണ്‍ എആര്‍, അജയ് രാഹുല്‍ എന്നിവര്‍ തിരക്കഥയൊരുക്കുന്ന ചിത്രം, വീക്കെന്‍ഡ് ബോക്ക്ബസ്‌റ്റേഴ്‌സിന്റെ ബാനറില്‍ സോഫിയ പോളാണ് നിര്‍മ്മിക്കുന്നത്. ദിലീഷ് പോത്തന്‍, ഹരീഷ് കണാരന്‍, അലന്‍സിയര്‍, ശ്രീനാഥ് എന്നിവര്‍ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. കോമഡിക്ക് പ്രധാന്യം നല്‍കിയിട്ടുള്ള സിനിമയായിരിക്കും പടയോട്ടം.