ഒരു സിനിമാക്കാരൻ’ന്റെ ആദ്യ ഗാനത്തിന് 24 മണിക്കൂറുകൾ തികയും മുമ്പേ 2 ലക്ഷത്തിലധികം വ്യൂസ്

ജൂൺ 10, 2017, കൊച്ചി: ‘ഒരു സിനിമാക്കാരൻ’ന്റെ ആദ്യ സോങ്ങ് വീഡിയോ 24 മണിക്കൂറുകൾ തികയും മുമ്പേ 2 ലക്ഷത്തിലധികം വ്യൂസ് നേടി. വിനീത് ശ്രീനിവാസനും രജീഷ വിജയനും അഭിനയിച്ച “ഒഴുകിയൊഴുകി” എന്ന തുടങ്ങുന്ന ഈ മനോഹര ഗാനം ഇന്നലെയാണ് ചിത്രത്തിന്റെ ഒഫീഷ്യൽ മ്യൂസിക് പാർട്ണറായ മ്യൂസിക്247ന്റെ യൂട്യൂബ് ചാനലിലൂടെ പുറത്തിറക്കിയത്. ബിജിബാൽ ഈണം പകർന്ന ഗാനം ഹരിചരണും ശ്വേത മോഹനും ആലപിച്ചിരിക്കുന്നു. ഗാനരചന റഫീഖ് അഹമ്മദാണ്.

​ലിയോ തദേവൂസ് സംവിധാനം നിർവഹിക്കുന്ന ‘ഒരു സിനിമാക്കാരൻ’ എന്ന ചിത്രത്തിൽ വിനീത് ശ്രീനിവാസനും രജീഷ വിജയനുമാണ് മുഖ്യ കഥാപാത്രങ്ങളെ അവതരിപ്പിക്കുന്നത്. വിജയ് ബാബു, അനുശ്രീ, രഞ്ജി പണിക്കർ, ഗ്രിഗറി എന്നിവരും അഭിനയിക്കുന്നുണ്ട്. ഛായാഗ്രഹണം സുധീർ സുരേന്ദ്രനും ചിത്രസംയോജനം രഞ്ജൻ എബ്രഹാമുമാണ്. ഒപ്പസ് പെന്റായുടെ ബാനറിൽ തോമസ് പണിക്കരാണ് ചിത്രം നിർമിച്ചിട്ടുള്ളത്.

ഒഴുകിയൊഴുകി ഒഫീഷ്യൽ സോങ്ങ് കാണാം