അയ്യപ്പ ദര്‍ശനത്തിനെത്തിയ മനിതി സംഘം അയ്യപ്പ ഭകതരുടെ കടുത്ത
പ്രതിഷേധത്തെ തുടർന്ന് പിന്തിരിഞ്ഞോടി. പുലര്‍ച്ചെ മൂന്നുമണിയോടെയാണ് 11 പേരടങ്ങുന്ന മനിതി സംഘം പമ്പയില്‍ എത്തിയത്. എന്നാല്‍ സ്ത്രീകള്‍ പ്രവേശിക്കുന്നതിനെതിരേ പ്രതിഷേധക്കാര്‍ സംഘടിക്കുകയായിരുന്നു .
11.30 ന് പമ്പയിൽ പ്രതിഷേധിച്ച അയ്യപ്പ ഭക്തരെ പോലീസ്അറസ്റ്റ് ചെയ്ത് നീക്കിയതിനു ശേഷം പോലീസ് അകമ്പടിയോടെ സന്നിധാനത്തേക്ക് കൊണ്ടുപോകാൻ ശ്രമിച്ചു . നീലിമലയ്ക്ക് താഴെവെച്ച് ദർശനം കഴിഞ്ഞു വന്ന നൂറുകണക്കിന് ഭകതർ ഇവർക്കുനേരെ ഇരച്ചെത്തി . ഇതുകണ്ട മനിതി സംഘവും പൊലീസുകാരും ഗാര്‍ഡ് റൂമില്‍ ഓടിക്കയറി. അതിനു ശേഷം ഇവരെ പോലീസ് വാഹനത്തിലേക്കു മാറ്റി പോലീസ് സംഘവുമായി ചർച്ചകൾ നടത്തി . ചർച്ചകൾക്ക് ശേഷം ഇവർ തിരിച്ചു പോകാൻ തയാറാണെന്ന് പോലീസിനിനെ അറിയിച്ചു .തങ്ങൾ തിരിച്ചുവരും എന്ന് പറഞ്ഞാണ് ഇവർ തിരിച്ചു പോയത് .