കൊച്ചി: ഉണ്ണി മുകുന്ദന് നായകനായി അഭിനയിച്ച ചിത്രത്തിന്റെ ആഘോഷ വേളയില് മാധ്യമ സംഘത്തിനു നേരെ ഗുണ്ടായിസം. ചാണക്യതന്ത്രം’ എന്ന ചിത്രത്തിന്റെ സെറ്റില്വെച്ചാണ് മാധ്യമ സംഘത്തിനു നേരെ ആക്രമണം ഉണ്ടായത്. ഉണ്ണിമുകുന്ദനെതിരെ യുവതി പീഡനത്തിന് പരാതി നല്കിയ സംഭവത്തെ കുറിച്ച് ചോദിച്ചതിനെ തുടര്ന്നാണ് സംഭവം.
മമ്മൂട്ടി നായകനായ ‘മാസ്റ്റര്പീസി’ന്റെ വിജയാഘോഷം നടക്കുന്നെന്ന് അറിയിച്ചതിനെ തുടര്ന്നാണ് മാധ്യമ സംഘ൦ “ചാണക്യതന്ത്രം” ന്റെ സെറ്റില് എത്തിയത്. ആഘോഷത്തെ കുറിച്ച് പ്രതികരിച്ച ശേഷം മാധ്യമ പ്രവര്ത്തകര് ഉണ്ണി മുകുന്ദനെതിരെ ലൈംഗിക പീഡനമാരോപിച്ച് യുവതി നല്കിയ പരാതിയെ കുറിച്ച് ചോദിച്ചു. ഇതില് പ്രകോപിതനായ നടന് റിപ്പോര്ട്ടറോടും ക്യാമറാമാനോടും തട്ടിക്കയറുകയായിരുന്നു.
തുടര്ന്ന് ഒരു സംഘമാളുകള് മാധ്യമ പ്രവര്ത്തകരെ ബന്ദി ആക്കുകയും ദൃശ്യങ്ങള് ഡിലീറ്റ് ചെയ്യിപ്പിക്കുകയും ചെയ്തു. സംഘത്തെ തടഞ്ഞുവെക്കുന്ന ദൃശ്യങ്ങള് സെറ്റിലെ മറ്റൊരാള് മൊബൈല് ഫോണില് ഷൂട്ട് ചെയ്തിരുന്നെങ്കിലും അതും സെറ്റിലെ മറ്റംഗങ്ങള് ഡിലീറ്റ് ചെയ്യിച്ചു. മാതൃഭൂമി ന്യൂസ് സംഘത്തിനുനേരെയാണ് ഇത്തരമൊരു ആക്രമണം ഉണ്ടായത്.
