പാലക്കാട് : കൊല്ലങ്കോട് ചിങ്ങൻചിറ ക്ഷേത്രത്തിൽ പോലീസ് സംഘം മൃഗബലി നടത്തിയാതായി റിപ്പോർട്ടുകൾ. നെന്മാറ വേല പ്രശ്നങ്ങള് ഇല്ലാതെ നടന്നതിനുള്ള വഴിപാടായാണ് രാജ്യത്ത് നിരോധിച്ച മൃഗബലി നെന്മാറ സിഐയുടെ നേതൃത്തത്തിൽ പോലീസുകാര് നടത്തിയത്.
എല്ലാവർഷവും ഇത്തരത്തിൽ മൃഗബലി നടത്താറുണ്ടെന്നാണ് പരിസരവാസികൾ പറയുന്നത്. ബലി നൽകുന്ന ആടിനെ ബലിക്കുശേഷം പാചകം ചെയ്തു കഴിക്കുകയും ചെയ്യും.
ഇത്തരത്തിൽ ഒരു വാർത്ത വന്നതിനെ തുടർന്ന് പാലക്കാട് എസ്പി അന്വേഷണത്തിന് ഉത്തരവിട്ടു.
