By admin 
പഴയകാല ബോളിവുഡ് താരം ശത്രുഘ്നന് സിന്ഹയുടെ മകളായ സോനാക്ഷി ബോളിവുഡിലെത്തിയിട്ട് അധികം കാലമായില്ല. തനിക്കു ലഭിച്ച കഥാപാത്രങ്ങളെല്ലാം മികച്ചതാക്കാൻ സൊനാക്ഷിക്ക് സാധിച്ചിട്ടുണ്ട്.
താൻ ഇനിം നായക നടന്മാരോടൊപ്പം അഭിനയിക്കില്ല എന്നാണ് സോനാക്ഷി സിൻഹ പറയുന്നത്. എന്താകാം കാരണമെന്ന് ബോളിവുഡ് ആലോചിക്കുമ്പോഴാണ് സോനാക്ഷി കാരണം പറയുന്നത്.
നായക നടന്മാരൊന്നും സമയത്ത് ലൊക്കേഷനിൽ എത്തില്ലെന്നും, താനൊക്കെ കുളിച്ച് വൃത്തിയായി ലൊക്കേഷനിൽ എത്തുമ്പോൾ തലേന്ന് കഴിച്ച മദ്യത്തിന്റെ മണവുമായി യാതൊരു വൃത്തിയുമില്ലാതെയാണ് നടന്മാർ ലൊക്കേഷനിൽ എത്തുകയെന്നും, അവരോടൊപ്പം അഭിനയിക്കുന്നത് അസഹനീയമാണെന്നും നടി പറയുന്നു. മാത്രമല്ല ചില സീനുകളൊക്കെ ഷൂട്ട് ചെയ്യുമ്പോൾ നായകന്മാർ വല്ലാതെ ഇഴുകിച്ചേർന്നു അഭിനയിക്കുന്നു.
ആരുടേയും പേരെടുത്ത് പറയാത്ത സോനാക്ഷി തനിക്ക് അത്തരത്തിലുള്ള നടന്മാരോടൊപ്പം അഭിനയിക്കാൻ സാധിക്കില്ല എന്ന് പറയുന്നു. നടിയുടെ ഈ തുറന്നു പറച്ചിലിലൂടെ സോനാക്ഷിയുടെ കൂടെ അഭിനയിച്ച നായകന്മാരെല്ലാം സംശയത്തിന്റെ നിഴലിലായി.