പ്രേമത്തിലൂടെ മലയാളികളുടെ ഹൃദയം കീഴടക്കിയ സായ് പല്ലവിയുടെ ആദ്യ തമിഴ് ചിത്രമായ ‘കരു’വിന്‍റെ ഫസ്റ്റ്ലുക് പോസ്റ്റർ പുറത്തിറങ്ങി. കരു എന്നാല്‍ ‘പിറക്കാത്ത കുഞ്ഞ്’ എന്നാണ് അര്‍ഥം. തമിഴിലെ സൂപ്പർഹിറ്റ് സംവിധായകനായ എ. എൽ. വിജയ് ആണ് ചിത്രം സംവിധാനം ചെയ്യുന്നത്. ഒരു ഹൊറർ ചിത്രമായാണ് കരു പുറത്തിറങ്ങുന്നത്. സായ് പല്ലവിയുടെ ആദ്യ തമിഴ് ചിത്രം കൂടിയായ ഈ ചിത്രം തെലുങ്കിലും പുറത്തിറങ്ങുന്നുണ്ട്. നാഗ ശൗര്യയാണ് ഈ ചിത്രത്തിലെ നായകന്‍. തമിഴ് നാട്ടുകാരിയാണെങ്കിലും ഒരു തമിഴ് ചിത്രത്തിൽപോലും സായ് പല്ലവി അഭിനയിച്ചിരുന്നില്ല.
ഇതിനു പുറമെ മലയാളത്തിൽ പുരസ്കാരങ്ങൾ വാരിക്കൂട്ടിയ ചാര്‍ലിയുടെ തമിഴ് പതിപ്പിലും സായ് തന്നെയാണ് നായിക. മാധവനാണ് ഈ ചിത്രത്തിൽ ദുൽക്കറിന്റെ വേഷത്തിൽ നായകനായി എത്തുന്നത്. ഈ ചിത്രവും സംവിധാനം ചെയ്യുന്നത് എ എൽ വിജയ് തന്നെയാണ്.