കോഴിക്കോട്: നിപ്പ വൈറസ് ബാധിച്ച് മരിച്ച സാബിത്ത് മലേഷ്യയില് പോയിട്ടുണ്ട് എന്ന തരത്തിൽ ചില മാധ്യമങ്ങളിൽ വന്ന വാർത്തകളും പ്രചാരണങ്ങളും തെറ്റാണെന്ന് അദ്ദേഹത്തിന്റെ ബന്ധുക്കള്. ബിടെക് വിദ്യാര്ഥിയായ സാബിത്ത് ജോലി ആവശ്യത്തിനായി 2017ല് ദുബായില് മാത്രമെ പോയിട്ടുള്ളൂ എന്ന് അദ്ദേഹത്തിന്റെ ബന്ധുക്കള് പറഞ്ഞു .പാസ്പോര്ട്ട് രേഖകളിലും യുഎഇയില് മാത്രമെ പോയിട്ടുള്ളൂ എന്നാണ് കാണിക്കുന്നത് .
സാബിത്ത് മലേഷ്യയില് നിന്ന് അസുഖം പിടിച്ചാണ് നാട്ടിൽ എത്തിയത് എന്ന വ്യാജ വാര്ത്തകളും പ്രചാരണങ്ങളും ശക്തമായതോടെയാണ് സാബിത്തിന്റെ ബന്ധുക്കള് യാത്രാരേഖകള് പുറത്തുവിട്ടത്.
