റാമല്ല: പ്രധാനമന്ത്രി നരേന്ദ്ര മോദി പലസ്തീനിൽ. റാമല്ല വിമാനത്താവളത്തിലെത്തിയ പ്രധാനമന്ത്രിക്ക് മികച്ച സ്വീകരണമാണ് ഒരുക്കിയത്. ജോർദാൻ രാജാവിന്റെ ഹെലികോപ്റ്ററിലാണു മോദി റാമല്ലയിലെത്തിയത്. വിമാനത്താവളത്തിൽനിന്ന് ആദ്യം യാസർ അറാഫത്തിന്‍റെ ശവകുടീരത്തിലേക്കാണ് മോദി പോയത്. ഇവിടെ പുഷ്പാർച്ച നടത്തിയ ശേഷം മോദി അറാഫത്ത് മ്യൂസിയo സന്ദർശിച്ചു.
പലസ്തീൻ പ്രസിഡന്‍റ് മഹമ്മൂദ് അബാസിയുമായി മോദി ഇന്ന്കൂടിക്കാഴ്ച നടത്തും. തുടർന്ന് നടക്കുന്ന ഉഭയകക്ഷി ചർച്ചക്ക് ശേഷം ഇരുരാജ്യങ്ങളും സുപ്രധാന കരാറുകളിൽ ഒപ്പുവയ്ക്കുമെന്നാണ് സൂചന. അറാഫത്ത് അനുസ്മരണ ചടങ്ങിൽ പങ്കെടുക്കുന്ന പ്രധാനമന്ത്രി, റാമല്ലയിലെ ഐടി പാര്‍ക്കിന്റെ ഉദ്ഘാടനവും നിർവഹിക്കും.